رد: ..{{ بَـعـْـ بَعْضِيْ ـــضُ }}..
اهتنيت الود وارخيت الوفا=واعتمرت الوصل مقسوم الخليل والمشاعر حسستني بالدفا=والرجاوي ثابته عند الحليل |
رد: ..{{ بَـعـْـ بَعْضِيْ ـــضُ }}..
شكراأأ بحجم السماأأأء
لكل من مر من هنا |
رد: ..{{ بَـعـْـ بَعْضِيْ ـــضُ }}..
من القديم ..فلتمسوا لها العذر
زمجري يحروف شعري شعللي قاف القصيد=جمهري بالشعر قومٍ ماتحب الجمهره جرهديهم يالنوادر زلزليهم بالوريد=علميهم بالمعاني كيف شعر المقدره شاعرٍ قافه تعلا يوم منطوقه فريد=شجرته في كل غصنٍ تورق وفيها ثمره ونوّه اللي لا تجلى واضحٍ لو هو بعيد=لو يكون النوّ جره من قلم في محبره تجتمع حوله مشاعر واتعصّب له اكيد=تثبت لقلب المنافق كيف كان ومحقره هاجسي لامن تبيّن يحتضن هرجٍ سديد=يسبر اللي مايشاف بعين ثمٍ يحضره طاحت اشباه الحثاله دامها مثل العبيد=ماتعلم لين تضرب لين يوطى صابره شايشه وقت العوافي قبل مايحمى الحديد=خانسه عند الحقيقه ثاويه في مثبره آسم رقابه نكايه وسمي يصبح له نشيد=كل يوم تعانق اسمي راكزٍ في منحره وزمجري يحروف شعري مثلكي لا مايبيد=النحت في الصخر ماهو مثل بعض الابخره وافهم افهم يا صغيّر دامك بجوي بليد=الحشو مايدحم إلا من يشابه ناظره اهد وارتع بالفضاوه مالك بهام الشديد =شيٍ أكبر من مقامك يوم صنفك مبزره |
رد: ..{{ بَـعـْـ بَعْضِيْ ـــضُ }}..
يالتني اقدر على البعد وفراق=مار البلا بالبعض كنه اوخيك اقرب من النسمه ومحيي للاشواق=وِدّه ملامس شي من قدر ابيك |
رد: ..{{ بَـعـْـ بَعْضِيْ ـــضُ }}..
العيد جانا والتهاني تتالت=وانا بدون الخل ماني معيّد افرح لهم واضحك وبالعين بانت=لهفة رجا إني مع الخلق أعيّد |
رد: ..{{ بَـعـْـ بَعْضِيْ ـــضُ }}..
ياكثرهم اللي يبونا نتفرق=من فرحهم العيد يصبح بعيدين ناسٍ عروقه بالخفا ما تعرق=متعوده قطع الوصل بين الايدين لكن على ماقيل قبل اتطرق=هذي يميني فارده دون الادنين |
رد: ..{{ بَـعـْـ بَعْضِيْ ـــضُ }}..
قالت .. وقلت : = قالت : هويتك والغلا هايمٍ فيك=والعين ياعيني رجاها تشوفك قلت : الهوا عذبٍ ومتمسكٍ بيك=والروح ذهلى من تكامل وصوفك قالت : طويتك للوفا والوفا ليك=باللين ياخلي اجيك واحوفك قلت : البقى بالوصل وبالوصل احييك=عهدٍ عليه يالحلا ما أعوفك من بعدها واوضاعنا هيك في هيك=مره كذا ومرات يمكن تروفك متذبذبن حال الهوا لوهو يعطيك=ذي حكمتي يا سامعي لا تطوفك :) |
رد: ..{{ بَـعـْـ بَعْضِيْ ـــضُ }}..
أهلاً هلا بك ياهلا بك هلا بيك=يالشاذليه النادره في وصوفك يازين حظي يوم تقبل خطاويك=من لهفتي حتى النغم في حروفك |
رد: ..{{ بَـعـْـ بَعْضِيْ ـــضُ }}..
أهلاً هلابك ياهلا بك هلا بيك=يالنايفه يالنادره في وصوفك يازين حظي يوم تقبل خطاويك=من لهفتي اسمع نغم في حروفك عذراً فلم أنتبه إلا للتو وخالقي.. ورجوع بالحق ولا رجوع بالباطل |
رد: ..{{ بَـعـْـ بَعْضِيْ ـــضُ }}..
تمّيت في خمسه وعشرين صفحه=انثر لبعضي يوم بعضي تنثّر ياهاجسي جوّك فلا بان نفحه=توّك تحرّك يوم غيرك تعثّر |
رد: ..{{ بَـعـْـ بَعْضِيْ ـــضُ }}..
كل عام وأنتم بخير
من العايدين الفايزين |
رد: ..{{ بَـعـْـ بَعْضِيْ ـــضُ }}..
................
|
رد: ..{{ بَـعـْـ بَعْضِيْ ـــضُ }}..
بما إننا في ليلة عيد
والكل يتحرى العيد .. ويبي العيد .. فأنا قررت أجيب العيد ^_^ ولكن هالمره بجيب العيد فيني .. وماني معلّم من كان معي أو ما راح أجيب معي أحد حرام خطي والله ... مابصيرش أفضح خلق الله .. كذا اصير جبت اعياد مو عيد ههههههه ^.^ . . . عموماً يطري علي .. موقف لا يمكن أنساه ( والله لا يحل اللي سوو فيني الموقف ) وهو عام 2002 م حيث كنت توني وش حليلي فطفوط لكني طايح باللي يقاله : النت ^_^ .. وعلى وجهي يعني اقرب مثل ينطبق علي وقتها : بدوي طاح بله مريسه ^_^ ههههههه لأني لقيت النت وطبيت فيه طب .. على العرض مو على الطول بعد خخخخخخخخخخخخخخ المهم اذكر وقتها كانت العالم قابعه وطايره بشي اسمه البالتوك والدردشات الصوتيه وكنت مدرعم دايماً هناك ^_^ .. خاصةً البالتوك ( بعد ماطبيت بالغرف الصوتيه ) بس وربي ماقد حطيت على المربع صح إلا مره أو مرتين ^_^ ههههههههههههههههههههههههه عموماً .. مو ذا موضوعنا <<<<<<<< مو قايل لكم بيجيب العيد ^_^ المهم إنهم بالدردشات الصوتيه .. طاحوا بحركه وهي وضع اغنيه اهداء للجميع وكانت الاغنيه واضحه ورووووووووعه .. تسمعها صافيه ^_^ وكنت انا مستغرب .. كيييييييييييييييف يسوون هالشيء ؟ طبعاً اخوكم البدوي القروي مايعرف .. وعلى نياته .. فقال بس : اكيد عندهم بالبيت ستريو كبير يشغلونه ^.^ <<< ابوووووو يالفطانه وووووك المهم ماقدرت آخذ ستريو الشقه .. لأن اخوياي هناك متمسكين فيه وكل ليله سامري هناك ^_^ حتى يوم تطوعوا تطوعوا جميع ^.^ <<<< ماشين على مبدأ قدام لعنبو صدام .. أو مبدأ الريوس مفصول ^_^ الريوس =يعني الرجوع للخلف ^_^ <<<<<< ابوك يالشرح هههههههههه عموماً مو ذا المهم بالموضوع <<<<<< الحين ما كنك جبت العيد بالخلق ؟ ^_^ المهم بلشت بالفكره حقت الاهداءات لاني كنت ابيها حييييييل فطَرت لي فكرة إني أشغل اغنيه من موقع اغاني .. وكان وقتها موقع طرب توب وطروب وطرب .. هن افضل شي فكنت احب اسمع لكاظم ومحمد عبده .. خاصة كاظم آخر الليل .. مجنون .. وكنت طول ما اجي واهذري عندهم .. ولا جا وقت الاهداءات ... احب اصرقع << معذور ماعرف اهدي ^.^ فكثّرتهن عليهم فقالوا مره .. ياولد تراك من جد وملااااااا مره سويت لنا اهداء .. << على فكره كنت كل ما اتبنّص ارجع بنك غير عدا النذل البالتوك ما ارجع الا بعد 24 ساعه ^.^ <<<<<<< خبرة تشّويت اللهم ياكافي ههههههههه مالكم بالطويل يتعبكم ^_* .. اكمل فا اقول : تهورت ذاك اليوم . . . . وياااااااااااليتني ما تهورت انا وفرتي .. حيث اني رحت سلمكم الله واخترت اغنيه من اغاني .. علي بن محمد او مدري اصيل ابو بكر .. المهم الاغنيه طايره وانا خلقه طاير ومطفوق هههههههههههههههههههههههههههههه المهم حطيتها وسويت فيها عبقري .. واقوم سلمكم الله .. واحط سماعة الاذن اليمنى على سماعة الاذن الثانيه ^_^ على بالي وحده للاغاني تبث باذني والاخرى اسمعهم بها اذا تكلموا <<<<< ما قالكم قروي وبكراتينه بعد ^_^ هههههههههههههههههههههههه لا والطامه اني متحمس وارقص .. والانذال اللي بالغرفه .. اللللللللللللللللله لا يحلهم ^_^ يرقصون ويعنني مروقين معي .. وانا اغني مع الفنان .. اثاريه مافيه غير انا راجن الغرفه بصوتي ^.^ لا وفيهم واحد يقاله خوي صدقي لي حتى ينبهني الا واحد نذل هذاك لا يمكن انساه ... كان يسوي معي على التكست كذا : )) (( )) (( )) (( )) ((_ _)) النذل ^_^ كنت احسبه منسجم معي بالاغنيه ويهز ههههههههههههههههههههههههههههه وانا مدرعم ولاااااااااااااااااااااااااا همني .. حتى رحمني واحد وقال قبل تنتهي الاغنيه<<<شوفوا متى رحمني بس ^_^ ياولد تراك ازعجتنا وتراهم يكذبون عليك .. ترى ما طالع الا صوتك ^_^ انت ويييييييييييييييييييييييييييييين رايح يامقروش ^.^ . . يخرب بيتهم .. وشوي وادوخ من الحيا ^.^ <<<<< ماكان يتوقع إن الحيا يدوّخ ^_^ وأغيب واهرب واعض شليلي .. ولا ارجع لهم الا بعد شهر .. بعد ما تعلمت ^_^ واول ما رجعت واول مادخلت على نفس الروم وألقط المايك << قوة ارسال^_^ واقوم واعطيهم اهداء ويوم انتهيت من الاهداء .. لعنت كوثر خيرهم لانهم ماعلموني قبل ^_^ ... فكان من القراده ان اللي علمني .. من ضمن المجموعه .. فقال : تراهم طلعوا من هنا .. وماعادهم راجعين تفرقوا خلاص فقالوا اللي بالغرفه : ليه وش السالفه ؟ ^.^ <<<<<<< شوفوا حظي بس فقالهم النذل السالفه وماتوا ضحك وبدا التهزيء .. وصرت بدل ماني مفضوح أمام مجموعه بس وغرفه وحده بس واللي بها تفرقوا طلعت منفضح بين رومات ذاك الموقع كله .. كل مادخلت روم قالوا وصل البدوي .. بالله اهد لنا اغنيه^_^ ههههههههههههههههههههههههههه . . وهربت ولا عاد رجعت لهم من جديد اللللللللللللللله لا يحلهم هذولمك ^_^ وكل عام وانتم بخير وعقبال ما نجيب لكم عيد ثاني ^_^ هههههههههههههههههه وشكراً همسه : اللي يبي يتعلم منكم كيف يحط اغنيه وهو يحسي ترى مستعدين لدينا الخبرة الان ^_^ ههههههههههههههههههههههههههههه |
رد: ..{{ بَـعـْـ بَعْضِيْ ـــضُ }}..
لا زلت اهني النفس واقول حظه=توه تعدل يوم ربي لكي جاب عيدي تبدّل والسعد بان رظه=مضارب الفرحه تبدت للاصحاب ياضي حالي يوم قلبي يخظه=غرون تمكن بالحشا ضف الاعجاب كف الغلا والشوق راكد ولظه=احيا عروقن بالهوا واهجه ذاب الضيق ليلن والهوا غصب قظه=والروح صارت تذكره دون ترتاب الله واكبر كيف الاشواق غظه=مشاعرن تنقل من ركاب لركاب بدلت ثوبي وارتضيت المغظه=وهيّفت يم اللي تناصوها الاحباب مدينتن مافيها راجي مفضه=الانس فيها عمدةٍ فاتح الباب ولازت اهني الروح واقول حظه=مدام رويان الغصن حي ما غاب |
رد: ..{{ بَـعـْـ بَعْضِيْ ـــضُ }}..
كيبورديه .. للتواصل معكم
خاصه بالعيد .. ومحبي العيد ;) عيدك تبارك الا عيدي تبارك=في حضرتك العيد عندي بعيدين ياليتني محظوظ قربك ودارك=ابقى على نهج الفرح والفرح زين او ليتني بالحيل جنبك وجارك=والله ماتبعد عن الفكر والعين العيد عرفك والبقا في شعارك=كلمه ثمينه باقيه عندي لدين امنّتني حفظه وأمنّت كارك=نبقى على درب الوفا والغلا لين احظى بشوفك واهتني في مدارك=واروي ضمى عاشق تأزم من الشين النار حيه والرجا ضم نارك=برد الشتاء ماينفعه ضم الاخوين بالله مامرك مسير وزارك=طيفٍ يشابه صاحبك يشكي البين بالله ماحسيت في يوم شارك=واثلج شعورك مثل ما تثلج يدين بالله ماظنيت مجنون بارك=مدمن ولا يمكن يفارقلك العين هذا الهوا مركوب والطار طارك=من وين ما تبغاه يمشيلك الفين وعيدك تبارك الا عيدي تبارك=رسالتك تعني لي العيد عيدين |
رد: ..{{ بَـعـْـ بَعْضِيْ ـــضُ }}..
الراي بين الخلق مخطي على مصيب=متأرجحن مابين هذي وهذي واللي تعدا للعيا ما نفض جيب=مسكين عظمه من قفا الخلق غاذي ياهيه ياللي ما صعدت المراقيب=يمناك تقصر واللحم منكِ هاذي خلك على سَلم الوطا والقصاصيب=ياجاهلٍ بالعرف والزول شاذي اياك تقربني تذوق العواقيب=درب السلامه دوّره ثمّ حاذي هذي نصيحه قبل ما افقد الطيب=ما كل نفسٍ تستطيعه وتاذي والله لعطيلك نماذج واعاجيب=منها تقول الموت من وين خاذي ؟ |
رد: ..{{ بَـعـْـ بَعْضِيْ ـــضُ }}..
بعد ان انتهى الكيبورد
اتى التمحيص فكانت النتيجه : الراي بين الناس مخطي على مصيب=متأرجحن مابين هذي وهذي واللي تعدا للعيا ما نفض جيب=مسكين عظمه من قفا الخلق غاذي ياهيه ياللي ماصعدت المراقيب=يمناك تقصر واللحم منك هاذي خلك على مربى الوطا والقصاصيب=ياتايهن بالبصر والزول شاذي إياك تقربني تذوق العواقيب=درب السلامه دوّره ثمّ حاذي هذي نصيحه من قبل مفقد الطيب=ما كل نفسٍ تستطيعه وتاذي والله لنوّع بك نماذج واعجايب=منها تصيح : الموت من وين خاذي؟ مار انثبر لتقول صعبه لك اجيب=ماتسترك مغشى وخلفه تلاذي |
رد: ..{{ بَـعـْـ بَعْضِيْ ـــضُ }}..
عجيبه حالتي وياك=اقض النوم من شانك ولاجيتك وانا انصاك=تصك أقفال بيبانك |
رد: ..{{ بَـعـْـ بَعْضِيْ ـــضُ }}..
سبحانك اللهم وبحمدك .. لا إله إلا أنت أستغفرك وأتوب إليك
. . . منذ صباح الأمس وحتى الساعه العاشره مساءً لم ترد أخبار كأخبار الوفيات لهذا اليوم مجمل ما وصل الى مسامعي فاق العشره اللهم احفظنا بالاسلام قائمين وقاعدين ونائمين وعلى جنوبنا اللهم احسن خواتمنا وتقبلنا قبولاً حسن واللهم احفظنا من بين ايدينا ومن خلفنا وعن يميننا وعن شمالنا ونعوذ بعظمت ان نغتال من تحتنا . . العمر قصير فعلاً .. فاستغله بذكر الله ألا بذكر الله تطمئن القلوب |
رد: ..{{ بَـعـْـ بَعْضِيْ ـــضُ }}..
لا إله إلا الله
أستغفره وأتوب إليه |
رد: ..{{ بَـعـْـ بَعْضِيْ ـــضُ }}..
يبقى الجهل عنوان فكر المهابيل=اليانحرث فاحت خوافي سذاجه علاجهم لا شفتهم بالمقابيل=حقر السفيه ومرتضين السماجه |
رد: ..{{ بَـعـْـ بَعْضِيْ ـــضُ }}..
اشيم عن هرج الخفا والحثاله=من طلعتي مانزل لهم بارض وسلوم مالي بهم بالطيب ربع وزماله=لله ولا يلحق مقامي بهم لوم |
رد: ..{{ بَـعـْـ بَعْضِيْ ـــضُ }}..
إن كان ظنّك بالهجوم السلامه=يمناك تقصر من خطا الظلم والزور ما كل من يسبق ينول العلامه=والكذب عزمه للملا غصبٍ يخور لا تفتكر انك رقيت القرامه=مثلك على ماقيل في جرهدٍ بور تستاهل الخيبه ولا لك ندامه=ياكيف تنسى ان الزمن وقت ويدور مار انتبه للوعر وارض العدامه=قدامك المشوار ومن بعده السور وان كنت تبغى النصح وفج الظلامه=يمناك صوبنها عن الظلم والزور |
رد: ..{{ بَـعـْـ بَعْضِيْ ـــضُ }}..
الله يلوم اللي يلوم المواليف=لاصار لبس الخل لبسٍ إلهي محلا من النظره وفتح المظاريف=إلا لذيذ الطعم لا صار راهي |
رد: ..{{ بَـعـْـ بَعْضِيْ ـــضُ }}..
تبقى الحثاله في زمان الحثاله=متنومسه ظنه على الراس والعين |
رد: ..{{ بَـعـْـ بَعْضِيْ ـــضُ }}..
تحت الإنشاء ..
ذيبٍ عوى لج الضلوع المحاديب=هز المسامع يوم بالصوت نادى جاوب صدى والصوت لا جاوب يجيب=خافي الحشا يوم الحشا له تنادى |
رد: ..{{ بَـعـْـ بَعْضِيْ ـــضُ }}..
الرجال اصناف والدنيا دروس=والبشر مافيها رايه او علم والحظيظ اللي تربى مايحوس=نايفٍ يبقى على روس القمم من قديم الوقت والهمّه ضروس=عاليه لو كان ما تملك قلم مارضت بالضيم او بعض الجلوس=دون حلمه ما تصاغى للرمم وان سمعت القاف او نبض الهجوس=تدري ان العز مبناه الألم |
رد: ..{{ بَـعـْـ بَعْضِيْ ـــضُ }}..
الكيبورديه الثانيه قبل النوم ..
. . عسى ان ترضي الذائقه ياعيونٍ كل ما ناشن فرح=حال دون الفرح مندوبٍ حزين كن سايق سعدهن منهن طرح=فائهن للتاء سوّد بالسنين صار نبض الروح ترجامه ترح=واعذاب اللي حياته ماتزين لو يشين الوقت او خله جرح=قال عادي بالنوايب مغتذين ماعرف للانس او عمره مرح=من حياته بالمصايب للدفين مره قالوا انه بالصدفه سرح=في مغبة انشغال العاذلين قالوا انه للغظي هاض وشرح=بيّن الخافي على كف الونين وقبل ما ينهي الحلم صابه قرح=وانتبه والاهو بارض العابسين هن عيونٍ عانقن فرحه ترح=كلّ ما لمسن سَعْدْ امسى غبين ناصبٍ له بالتعاسه له صرح=مايهده عزم او حظٍ سمين |
رد: ..{{ بَـعـْـ بَعْضِيْ ـــضُ }}..
ان صخا بك وقت او هو ما صخا=خلك لكتم المشاعر لا تبوح البشر وان شح نزفك او رخا=ماتفيد ولا تلملم للجروح |
رد: ..{{ بَـعـْـ بَعْضِيْ ـــضُ }}..
الذين يشاهدون محتوى الموضوع الآن : 11 ( الأعضاء 1 والزوار 10)
انتم مكسبي الدائم فلا حرمني الله تواصلكم اخوكم ومن يسعد بكم / ابو احمد |
رد: ..{{ بَـعـْـ بَعْضِيْ ـــضُ }}..
..
الله يديم العز والخير يبلادي=والله يحفْظ اللي لكي شايل الرايه اللي تعزوا بالهمم وحّد ايادي=عقب الضعف صارت لنا وحدته غايه عبدالعزيز الامام القرم والبادي=مطوّع الكايده في حقبته آيه شيخٍ على النايفه والصعب ورّادي=فجّاج نحر العدا من دون تروايه كريم مايلحقه بالجود نقّادي=حاكم سياسي فلا تكفي به روايه |
رد: ..{{ بَـعـْـ بَعْضِيْ ـــضُ }}..
العز ما ينكسب بالسهل والهيّن=حرٍ طليقٍ قليلٍ يمسك خطامه ماينحني لواحدٍ إلا له يبيّن=جوده وفعله وفوقه عزة إسلامه |
رد: ..{{ بَـعـْـ بَعْضِيْ ـــضُ }}..
بيت بالويلان .. ولاتهون باقي القبايل والحمايل ..
منبع الطيب الشمال ومنقع العز عنزه=واللي يرجي للكمال [ يعيش ] ويماشي عنزي |
نفحات كيبورديه بعنوان .. أكبر قهر
أكبر قهر دفعتي للطيب والجودي=والعاقبه قطعة اليمنى من اقصاها ياصاحبي هالوقت لو كنت كالعودي=جمر الردى يحرق الطيبه ويشناها ضريبة القرم لامن عانق سنودي=ضرب القفا بالخفا والظلم يزهاها حسبي على اللي غدا بالخلف ماجودي=من حرّته يزرع الكذبه ويدراها لا خايفن خالقه ماله عن النودي=متزهمل الناقصه متعصّب رداها اكبر طموحه يصيب الطيش بارودي=لا واحسافة اماني ضاع مبناها مايدري ان العطا من شيمة جدودي=والروح تكسب من الافعال احلاها اشيم عن هافي الكلمه ولازودي=والحقره قَسْم العفن لا زاد يلقاها مالي بهم يافتى قاله ولا ردودي=دار الخلا نزلهم بالصيف وشتاها ياكود نشمي نعد بعرفه الفودي=ارضه كريمه ووبل العز اسقاها في هرجته كنّه القاضي وموعودي=منه الزلل غايبن والكبد ماذاها يسخا بكف الوفا ويجسّر عضودي=وانا على مامضى اماثل اعطاها اكبر قهر غلطته ان جات بحدودي=ان كان مقصودها للعين اعماها ان كان برق الحسد يلوح بصعودي=برقي على ديرة المذكور ما جاها ماكنت اعرف البشر وانه كما البودي=هياكله لامعه والزيف يكساها حتى لفت غارقه بالبهت والكودي=وقته عرفت الجسد يشكي طغا عظاها لا صار قلب الفتى غاير وملهودي=ظليمة النفس تسهل حين بغضاها اكبر قهر دفعتي للطيب والجودي=والعاقبه عضته لليمنى واقصاها ياصاحبي بهالزمن احذر من العودي=للسَلّم الاول مدام الخلق بعياها واياك تحكم على الازوال والبودي=حتى تشوف الصدق عامر ويهناها عند النجاح اتحضر وتقول ياسعودي=يمناك هاته ترى يمنايه غطاها اقولها والخطا مابيّح سدودي=يالله عسى ظالمي بالنار ولِّظَاها |
رد: ..{{ بَـعـْـ بَعْضِيْ ـــضُ }}..
لا إله إلا أنت سبحانك
أستغفرك وأتوب إليك |
رد: ..{{ بَـعـْـ بَعْضِيْ ـــضُ }}..
كيبورديه .. سريع سريع قبل النوم ^_^
مشكله لا طحت في حب مهبول=تدفعه قدام ويردك ورى ترجي الفرجْه عسى الفرجْه تنول=والسفيه يوطّي النجمه ثرى لو تموت يقول عمرك ما يطول=دالهن بالفكر ما عنّك درى انتبه لا جيت تعشق للخبول=فردهم للعشق بايع ما شرى |
رد: ..{{ بَـعـْـ بَعْضِيْ ـــضُ }}..
العز عز البلد من عز حكامه=معهم يفج الفضا ويعانق القمه مدامت افكارهم اتوافق احلامه=العز يصبح بسيطٍ في ذرى الهمه محدن تعزوى الردى ويعاشر اعلامه=ويمسي امير البلد ويبت للامه اللي يعد الثرى من حسبة رمامه=ماهو بكفون يكف زحول ملتمه وفي حكم آل سعود نكاوز الهامه=حتى غدينا نجومٍ تلمع مهمه من عهد لاطم عتاة الشر وازلامه=عبدالعزيز الموّحد فارج الغمه إلعهد ابو متعب الصنديد واقدامه=وحنا على منهج التوحيد ونضمه سياسةٍ تكفل المسلم على اسلامه=تحفظ حقوقه وتعلي الخير وتجمه واللي لفاها معاهد يتبع إلهامه=يامن على الروح والميثاق له ذمه هو مذهب العود الاول واظهر اسهامه=وعياله اللي تصرّ العلم وتعمه الله يخليهم ذخر العز وحزامه=والله يمد الولاه وفضله يتمه حكامنا جنسهم من نادر الخامه=متشابهين الوفا والجود والدمه عليهم عد الصيام وعد من صامه=ازكى تحيه ودعوه تذهب الحمه والعز عز البلد من عز حكامه=مدامهم باذلين الجهد للامه |
رد: ..{{ بَـعـْـ بَعْضِيْ ـــضُ }}..
يقول محمد الرويان وصح بوحه مقدماً:
يا(.......) ياكل الغلا وين اراضيك مشتآق لعيونك وضحكك وهمسك بسمك صحيت اليوم اصرخ انآديك حلمآن طول الليل بسمك ورسمـك وفـزيت من زود الغـلا قلت احييك شفقآن ابوس الخـد واضم جسمك وقمت اللتفت يا(.....) ياقلب مغليك اصرخ بعال الصوت واردد أسمـك ولا صحيت الا على قــول وشفيـك ؟؟ امـي : تقول سلطـآن ارفق بنفسـك اووووووف يا هــو حلــــممممممم وانا اقول : مااااااود تقرى مثل هالنصوص آخر الليل ^_^ خخخخخخخخخخخخخخخخخخخخ . . . الله لو فيه لعبة تكملة الكلمات الناقصه كان احط اسامي ابيها او ما ابيها بس اوهق ابو موسى ^_^ ههههههههه |
رد: ..{{ بَـعـْـ بَعْضِيْ ـــضُ }}..
لا ترتجي .. من خافق .. الخصم .. رحمه=ان تنكسر .. ماتنكسر .. زيّ .. بعضه ابدى .. لزومه .. يحرمك .. كلّ .. نعمه=لا تنتظر .. قلبٍ .. غديت .. انت .. معضه |
رد: ..{{ بَـعـْـ بَعْضِيْ ـــضُ }}..
ياشينها وان جت من إنسان غالي=تخنق هوا العبره ولو اقطع ازرار الكلمه اللي نكّلت بي نكالي=مجبورٍ ابلعها ولو اخلق اعذار لولا الغلا ماني بقابل اصالي=جمر الكلام اللي غدا منبعه نار |
| الساعة الآن (12:02 AM) |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه