رد: سجل دخولك للمنتدى ببيت شعر اعجبك
أوقظ نعاس الريح أنا واظهر ثواني واختفي مثل ابتسامات الفرح في شفة الطفل اليتيم ولاشفت ينبوعك لبس تعويذة النار وصفي وانت وانا في منتصف في منتصف درب الجحيم آخذ سفور الماء معي و حجاب طين ولا اكتفي واصير انا لاضمني ثوب الخطا فظ ٍ رحيــــم وللذاكره لا شدنا صوت ٍ من الداخل خفي سافرت بك سافرت بك فوق ابتهالات النسيم |
رد: سجل دخولك للمنتدى ببيت شعر اعجبك
تسجيل دخووووولي !!
/ / الشجر: انسـان .. لكنـه اوغـل بالحيـاد قل معي : ملعون شخص ٍ تشبّه بشجـرة ! / / |
رد: سجل دخولك للمنتدى ببيت شعر اعجبك
ماتعارفنـا مثـل بعـض المحبيـن برسـالـة ....... لا .. و .. لا هاديتـهـا وردة وردتـهـا عـلـيـه ! التقينـا لان رب الـكـون قــدر لامحـالـه ...أن يرى التاريخ عشق اطهرمن اطراف الخطيـة |
رد: سجل دخولك للمنتدى ببيت شعر اعجبك
لا تشكـــــر الملتــاع وشكر عيونك ------------- اللـــــــــــي تخلينا لشخصك مطاويع
|
رد: سجل دخولك للمنتدى ببيت شعر اعجبك
عــــذرك...مــــعــــك بـــــس...الخــــطــــــابــأنتـــــظـــــاري...
قــلــــــــبي...مـــاهــــي لــــه عــــــادةٍ يحــسب الــوقـــــت... ( بنت العبيه ) |
رد: سجل دخولك للمنتدى ببيت شعر اعجبك
صاحـبـي للبـعـد صـاحـب .. فـتـنّـي منـطـقـه
.....بـــارعٍ مـايــوم جــنــب مـداهـيــل الــصــواب جمـسٍ احمـر .. كــن ربٍ خـلـق مــي خْلـقـه .....صاغهـا مـن نهـر فضـه .. وصاغـه مـن عـذاب احـمــرٍ حـمــرة خـــدود الـهـنـوف الـمـطـرقـه .....مـيــر فـعـلـه فـعــل قـــرمٍ عـصــيٍّ مـايـهـاب فـي سكـونـه قـلـبٍ ابـيـض وعـيـن مْغـورقـه .....وفـجنـونـه طـيـشٍ اورق عـلـى دمـــعٍ يـبــاب مقـبـلٍ كـنـه .. مــن الـــدم .. قـطــره بْـورقــه .....مدبـرٍ كنـه .. علـى الظـن .. دلـوٍ فـي سـراب سـاطــعٍ.. كــــن الــبــروق بْـنـحــره مـعـلـقـه .....هـــادرٍ كـنــه.. يــزايــم مــراويــح الـسـحــاب والله انـــي لاهـمـزتـه.. وجـــت لـــه رقـرقــه .....خـلـت .. بـقـزوزه .. عبـيـدٍ تـرامـى بـالـحـراب وان نخيتـه.. فـزّ واقبـل.. تقـل.. فـيـه شْفـقـه .....مــدركٍ لـيـه انتخيـتـه عـلــى عـــوي الـذيــاب كل ماشافـت.. عيونـي.. لهـا.. شـيّ.. فْهقـه .....لين صرت احسب عيوني .. دعاوي بالذهاب ! مـنـدفــع كــنــه .. يــفــج الـحـمــاد ويـرتـقــه .....طايشٍ.. كم تاب.. واخطا.. ولا اخطا.. ثم تـاب كــن الارض اوحــت شياطينـهـا.. المتسلـقـه ..... للسمـا.. والجمـس كنـه تداركهـا.. شْـهـاب / / / |
رد: سجل دخولك للمنتدى ببيت شعر اعجبك
::
:: ما أدري ويـش اللي في كلامـــك خنقنـــي ..؟ كنـك بكل حبــال صــــــــــــوتي تعلقــت .. كتمــت صــــوتي لين صمـــتي نطقنـــــي .. وعتمــت شــــوفي ليـن بالقلــب بــرقــت .. في حــزنــي اللي لو ملكتــه عتقنـــــــي .. وفي طبعــي اللي لو فشلتــه تفـوقــــت .. أنــا كـــــــــذا من يــوم ربي خلقنــــــي .. ما أعــرف أوســـع خاطــري لا تضـايقت ..! :: :: |
رد: سجل دخولك للمنتدى ببيت شعر اعجبك
للمبدع والمتالق
مطلق النومسي !! علمني ان الصبر للمظلوم زيـن وعلمته ان الظلم مـن ظلاّمتـه وعلمني ابعد عن عيون الطامعين وعلمته عقالي يحشـم عمامتـه وعلمني استنشق اريج الياسميـن وعلمته الغصن وطرف حمامتـه وعلمني اكتب مع فراقه جملتين طلب من البحرين ليـا منامتـه من شجرة التفاح ابـي تفاحتيـن ومن راعي التفاح ابي سلامتـه تفــاحتيـــن !! |
رد: سجل دخولك للمنتدى ببيت شعر اعجبك
هذا الجسد من يوم ميـلاده
وانا معـه عيـا يجافينـي سالتني : لا اكون انا بلاده؟ جاوبتني : ياغربته فينـي احيان احسـه كلـه زيـاده واحيان احسه مـا يكفينـي واحيان لا صار التعب عاده احسني من بعد انادينـي : لولا الجسد ماخلقت وسـاده ولا لمست البـدر بيدينـي ولا ركعت بصدر سجـاده حتى شعرت اني على ديني ....!! |
رد: سجل دخولك للمنتدى ببيت شعر اعجبك
***
وشلون ابلقى للجسد معنـى سـوى انـه طيـن لو ضاع مني في الـدروب ابقـى انـا كلـي ياما شعرت اني معه في كـل درب .. اثنيـن وياما شعرت انه معـي لاجـل التقـي ظلـي كم قلت له : في هالطريق الصعب نمشي وين؟ كم قال لي : هي رجلك اللي تمشي او ..رجلي ؟ *** |
رد: سجل دخولك للمنتدى ببيت شعر اعجبك
علموني كيف اب...اقرا والمصيبه اجبروني في دفاترهم وش اقرا : صبح ذابل يشبه اجفـان الحبيبـه ليل خامل يرتكي في حد صحـرا / / / |
رد: سجل دخولك للمنتدى ببيت شعر اعجبك
حاسـدٍ ومــا حـسـد
في ناظري كـود العمـى .. ارض بـور ولا بعـد ..هالارض الا قول ما.. للفتـى لامــن سـجـد ..غفران من رب السمـا دام الارض اللي حصـد ..منها عمـر فيهـا نمـا تيه لـو صيـغ الجسـد ..كان امسوا الناس : الدما وامس عن غيـري نشـد دفتـر حنيـن وكلمـا.. حـس بالغربـه حـشـد .. صوتي على سمع الظما كيـف انـا بـلا بلـد؟ ..او لا بلد انـا : لمـا؟ / / / |
رد: سجل دخولك للمنتدى ببيت شعر اعجبك
ضويت الشمعة الحمـرا .. مثـل فكـرة ولاعبهـا النسيـم .. ولعبـه يسـلـي ! يخليهـا .. وترفـع راسهـا .. كبـرة ! ويلفحها .. وتحني راسهـا .. تصلـي ! وقام الضي يرقص .. داخـل الحجـرة يفز وينحني .. ليـن ارتبـك ظلـي !! كأن الضـي .. طفـل بسكتـه عثـرة! أو ان الضي .. حيـن يحـط ويعلـي : فراشة من ضيا .. ما صادفت زهـرة ! وانا صادفت غربة .. مثلهـا مثلـي !! فراشة ضي .. لا لا .. شرشف القمرة ! يهفهف .. والنسيـم يغيـر .. ويولـي ! ويشتب الفتيـل اكثـر .. مثـل جمـرة واشوف الشمعة الحمـرا تناظـر لـي ! وتذرف دمعها .. قطرة .. ورى .. قطرة وانا ادري مابكت مـن همـي وغلـي ! ولو تبكي .. على مابـي مـن الحسـرة تناثر دمعها .. مثل المطر .. لاجلـي ! الا يـا حيرتـي .. والليـل ياكثـره ! علام الشمعة الحمرا .. بكـت قبلـي ؟! أنا مبطي جريح .. وبنجـرح بكـرة !! أنا عفت الزمـان .. وعافنـي خلـي !! أنا كلـي حزيـن .. ولا قـوت عبـرة .. توادع ناظري .. تبكي على كلـي !؟ ياليت ابكي .. ياليـت اعـود للفطـرة ! وانا ادري جفنـي بدمـع القهـر مملـي ولكن حيلتي .. من عزتـي .. زفـرة ! أنـا مـا اريدهـا .. لكنهـا تسـلـي ! لو احبسهـا .. تقيـد الشمعـة بكبـرة ! لو اعتقها .. تعـود الشمعـة تصلـي !! / / / |
رد: سجل دخولك للمنتدى ببيت شعر اعجبك
تحلـم بـوردة تحضـن عيونـك فـجـر
واحلـم بـوردة كـل صبـح تقبـلـك ! وردة .. نداها .. يستحي منـه المطـر ! وردة .. شذاها .. مثـل حبـي يشملـك ! دورت عنهـا .. واسـأل دروب القمـر ! إسأل صباح الارض والمـا .. واسألـك ! كـل الـورود استاهلـن كـل البـشـر أما انـت مـا مـن وردة ٍ تستاهلـك !! من قبل لا انسى .. كنت ابحكي لـك خبـر عصفور له مشـوار مـع ورد الفلـك ! قال : المدينة .. تسرد احلامـك حجـر ! سافر إلى الغيب .. انتفض مـن منزلـك قلت : الطريق ؟ .. ومد لي صمت وسهر ! فكرت اعود .. وقال : من عـود هلـك ! سافـرت .. لكـن بيـن رغبـات وحـذر صاحبت خوفي .. كنت خايـف يشغلـك ! للغيب كنت امشـي .. ولكـن مـا خطـر .. في بالي اني عند ما آصلـه آصلـك ! أثرك حبيبـي تحضـن عيونـك فجـر ؟! واثـر المرايـا كـل صبـح تقبـلـك !؟ وتريـد منـي أجـمـل ورود البـشـر ؟ وشلون .. ياتاج الورود اهديـك لـك ؟!! / / / |
رد: سجل دخولك للمنتدى ببيت شعر اعجبك
حين كبـر غريـب الطيـف شـوق وسجـد
شفت طفل ٍ بحضن الغيـم . . يحضـن مـداه شفت طفل ٍ . . تلاعـب فـي حجـار البـرد والنجـوم القريبـه منّـه تلـعـب مـعـاه ان رمى الأرض . . يرمن . . وان تمادن زهد لين تركد سماهـن . . ثـم يرمـي حصـاه خلف حد الزمان . . وخلـف سـور الجهـد لاع صمت النجـوم ولا شكـن مـن جفـاه راضيـات بغـروره لـو خـذاهـن كـمـد خوف يطفي . . سناهن حيـن يمطـر بكـاه طفل مـن روح / أو هـو روح تـدرا جسـد طفل من بوح / أوهـو : بـوح يقـرا سـواه عـن سرابـه لمحـت الغيـم الأزرق عقـد حلـف: بيـن الرحيـل . . بغيبتـه والنجـاه وفـكتابه . . لمحتـه ومـض خلـد ٍ جحـد منبعـه واستمـال اطـلال قبـر وحـيـاه ! مكتفي . . وان تعثـر فـي سكونـه صعـد لـالسّنـا. وان تذمـر مـس نجـم وطـواه وان سمع بنت غيمـه . . تندهـه : ياولـد عـد لحضنـي , تجاهـل صوتهـا ماخـذاه غـارق ٍ فـي بحـور ٍ موجـهـا يحتـشـد عن ثمانين . . غي . . وألف نور . . وصلاه يزرع بتربة امسـه . . مـن حنينـه وعـد يقطف بكـف حدسـه مـن سنينـه صبـاه ياخـذ الليـل : حفنـة ثــم ينـثـر بـلـد وان لمح عتـم غربـه مـد ضـي ومحـاه طفـل لاهـي يتـيـم ولا بحلـمـه جـلـد طفل ساهي . . وانا أجهل ليه جرحـي نسـاه ماادري الارض: تبعـد . . والنـدم: يبتعـد؟ أو هـو العتـق يولـد عنـد بـاب الإ لَــه حين كبـر غريـب الطيـف شـوق وسجـد شفت طفـل ٍ بحضـن الغيـم يحضـن مـداه شفـت طفـل ٍ مـلا الدنيـا هديـل وبــرد لين ضمت كفوف الأرض شرفـة سمـاه !! / / / |
رد: سجل دخولك للمنتدى ببيت شعر اعجبك
أحـــــاول
أحطب شجر ليلي بفاس ٍ من البرق ........ وانخى عجاج الضي في كل ديرة واسرج من الجن المغيرين من شرق ........ مـهـرة .. قوايمها تـنـير الجزيرة مركاضها فوق العشية تقل طرق .. ........ حـداد يصنع لـلحيارى ، بصيرة & ............. ............. أحاول القى في يدين العبث فرق ........ يكـسر رتابة حـبـنا .. يا منيرة ! / / / |
رد: سجل دخولك للمنتدى ببيت شعر اعجبك
الهنوف اللي خذت قلبـي وحطـت لـي بدالـه ....... جنح ٍ طير في الظلوع العوج له روحـة وجيـة كنها من حـور جنـات السمـا حسـت ملالـه ....... وارتمت للارض .. مشتاقة .. وضمتهـا يديـه في محبتهـا يجـوز العقـل وتجـوز الجهالـة ....... لحظة ٍ قبل انبعاث الديـن .. عقـب الجاهليـة وادري اني غارق ٍ فـي عشقهـا حـد الثمالـة .......واترنح ! والخفوق من الغوى .. له الـف نيـة خافـق ٍ بيـن انحنائـه فـي هواهـا واعتدالـه .......كنه اللي مـال طربـان ٍ بصـف السامريـة ! كيف ابحكي للورق عنها وهي شي استحالة !؟ .....كيف ابوصف نهر من فتنة على متن برديـة؟! كن ضحكتهـا مـلاك ٍ يطـرد الغيمـة لحالـه .......لابس ٍ ثـوب ٍ ردونـه بيـض واطرافـه نديـة وابتسامتها .. صباح ٍ يعبـر المـا مـن خلالـه .......وارتباكتها .. صباح ٍ جت علـى بالـه عشيـة عنجهيـة فـي سوالفهـا .. وتلحقهـا عجـالـة .......آآآآه يـا زيـن امتـزاج انفاسهـا بالعنجهيـة ! شي مثل الطهر في الشدة على لفـظ الجلالـة ....... شي مثل القبلـة الأولـى .. ولذتهـا الخفيـة ! كن ربي يوم سـوى الخلـق ..سواهـم جمالـه .......لاجل تمطر غيمة التاريخ من حول الصبيـة ماتعارفنـا مثـل بعـض المحبيـن برسـالـة ....... لا .. و .. لا هاديتـهـا وردة وردتـهـا عـلـيـه ! التقينـا لان رب الـكـون قــدر لامحـالـه ...أن يرى التاريخ عشق اطهرمن اطراف الخطيـة |
رد: سجل دخولك للمنتدى ببيت شعر اعجبك
شجر حي الحبيبة .. مـا يبـي مـا .......... يمـر ابـنـا الخـريـف ومــا يـمـره وشارعهم .. لـو ان الكـون ظلمـا ..........كــأن الشـمـس حـولــه مسـتـقـرة ومنزلـهـا .. كـأنـه غـصـن ينـمـا ..........أو ان الغـيـم مــن سقـفـه يـجــره تموت الروح من دونـه / ومهمـا ..........رقــــت مــــا تـاصـلــه لله دره ! وفي حي الحبيبة .. شيخ ٍ اعمـى ..........سألتـه عـن مـلاك الحـسـن مــرة تبسّـم .. قـال : تملـك عـدة اسمـا ..........وملبسـهـا خفـيـف ومــا تــزره ! يا إن الشيخ يكذب ما هو اعمى ! ..........يا إن الحسن خـلا العيـن حـرة ! / / / |
رد: سجل دخولك للمنتدى ببيت شعر اعجبك
حكايات هيفـا مثـل الايـام كـر وفـر
............. وضحكـات هيفـا كنهـا الجـود والمنـه وفي منتصف ليلـة أحـد عاشـقٍ مغتـر ............. اظنـه أنـا وبنـيـةٍ تـنـزع الـونـه سهارى نغني ساحل الشـرق .. والمرمـر ............. على الشط يرقص مع سواليفنـا .. كنـه : سحاب السمـوات العلـى طـاح واتكسـر ............. على الأرض يبغى طفلتـي تقتنـي منـه هكا الطفله المستمسكه فـي زمـان ٍ غـر ............. إلى مست المـوج ازبـد المـوج بالحنـه والى مر في سلسالها ومـض نجمـه مـر ............. تقـل روح مسلـم شالهـا البـرق للجنـه حنونه .. ولا انسى لحظةٍ .. لا ذهب لا در ............. عصافير واقـداح ومسـا ضاحـكٍ سنـه ولا انسى ودمعي في يديهـا كأنـه سـر ............. نويت اكتمه .. لكـن بكيـت ودرت عنـه تضمه .. ويغسل عنّها كل طـاري شـر ............. اليـن امعنـت فـي قبلـةٍ حيـل منجنـه كأن الدمـوع اسقـت يديهـا نبيـذٍ حـر ............. سرى في جسدها واربك الفرض والسنـه كذا حب هيفا .. لو بـدى للأغانـي مـر ............. يجي فيـه سكّـر .. ليتهـا كثـرت منـه ! |
رد: سجل دخولك للمنتدى ببيت شعر اعجبك
حدثني آبو جهل عن عكرمـة عـن سعـد
......عن أم هيثم / حديث ٍ مثل يثـرب : قديـم " تولد من الناس أنثى ..أصلها مـن شهـد ......وتذوب عشقا ً بشاعر مثل ساسه كريـم " ! ياأم هيثـم .. صدقتـي / بالوعـد بالوعـد .......العشق خيّم على قلبي .. وذقـت النعيـم !! والغـادة اللـي عسلهـا مختلـط بالـبـرد ......البارحة ../. كنـت احدثهـا حديـث النديـم سمعتها شي مـن شعـري وقالـت : أعـد ......و" اعد " من شفاتها .. كأنها : كن عظيم !! غصب ٍ عليّـه بلحظتهـا رميـت الجسـد ......في سلة التبغ .. واسترسلت من فـوق غيـم روح ٍ بليا جسد .. أحد .. ولانـي أحـد !! ......بعضي كأنه مطر .. والبعض الاخر سديم !! حتى يديهـا بلحظـة صافحتنـي ، صعـد ......فيني دخان اغترابي .. واختلط بالنسيـم !! نسيتهـا غربتـي كـنـي مـلاقـي بـلـد ......والشعب انا والمليك العدل .. بر ٍ رحيـم !! ياأم هيثم ..وانا العاشق ..واخاف الحسـد ......كوني لي الحرز عن شيطان عذل الرجيم !! سألتـك بربنـا الواحـد .. وكونـي رمـد ......في ناظر الهجر .. اغيثيني .. برب الحطيم |
رد: سجل دخولك للمنتدى ببيت شعر اعجبك
تفاحة النيروز
"كلمات أبي نواس الأخيرة" يقول ابونواس .. لا تجزع .. وكنّ كما يلي .... أكرَم زباين .. جرجس الطيّب .. و سيّد حانته زرها مساء ً .. مثلما .. تُزار ربات الحلي .... خفيه .. عن العذل اللعين .. المقرفه لَعانته ألق التحية .. باسما ً .. على الوجوه الذبّلي : .... يسعد مساكم .. يا عَسَس منفاي .. يا هجّانته واحرص على الساقي .. مثل ما قال ابوعليا علي .... .......قلب الملك بعضه معه .. واغْلبه مع بطانته وحبذا .. لو تمنح السّمار .. كأس ٍ أولّي .... وَلا تسل .. ما أصل هذا المرء .. ما ديانته لا فرق .. في الحانات .. بين البلشفي والحنبلي .............. كل السهارى : واحد ٍ .. رفيعة ٍ مكانته ثم اتكئ .. من بعد ذا .. واشرب عليها .. تنجلي .... ( من مُـرّة ٍ .. ما شفت شي ٍ مسّها .. الا زانته )* فيها .. امتزاج النار بالأعياد .. جلّ المعتلي .............. كأنها .. تفاحة النيروز .. أو رمانته إشرب .. وحدثني .. عن اخبار الزمان المقبل .... =هو ما يزال الشعر .. يستغبي .. رغُم ذهانته ؟! هي ما تزال اصواتنا .. تشبه صفير البلبل ِ .... والعودُ قد دن دَنَ لي.. والليلُ ليلى دانته هو ما يزال .. التاجر المدثّر .. بْـ بشت الولي .... يسجد للاستسقا .. مع ان المـا .. حبيس خزانته ؟! سحقا ً .. أما في فهرس التاريخ .. عنوان ٍ خَلي .... من خيل تاطى شاعر ٍ .. عيّا يخون امانته ؟! والمرء في زنزانته .. لا بد .. أن يغلي غلي .... لو اسمحوا له بالغنا .. لو وسعوا زنزانته وانا الحسن بن هاني .. اللي غبت حتى عن هلي .... لجل الوطن .. شف كيف فجّوا .. مهجتي .. خوّانته ما اريد خيره .. مير لا يطلق مغاليثه .. علَي .... ما اريد غيره .. لو يغرْف دماي .. باستكانته يا أيها الساقي تنحّى .. فـ البكا قد عنّ لي .... وانهض نديمي .. اعط للساقي .. جزا .. ليانته واعذر بكائي .. ما بكى طرفي على فقد جْملي .... عفوك .. عسى يفداك جرجس .. وانت تفدا حانته ! إيه ابتسم .. واسمع غنائي .. أو تكَرم .. غنّ لي .... صوتا ً .. كأطراف الندى .. واحرص على إبانته : " هل غادر الشعراءْ " واتبِع كل بيت بـ " يردلي " .... أو غنّ " خيرٌ للفتى .. من جُبنهِ .. جبّانته " واعلم نديمي .. إنما .. خير الغناء .. الموصلي .... و سيّد .. النُّدمان .. من لا حاد .. عن رزانته * من بيت لأبي نواس " الحسن بن هاني " : صفراء لا تنزل الأحزان ساحتها // لو مسها حجر مسته سراء |
رد: سجل دخولك للمنتدى ببيت شعر اعجبك
وداد .. واعرف وداد : الما ، وصبـح ٍ نـدي
لكنّي اسأل عـن الأرض الهبـا وش تكـون ؟ حفنة.... رمـال ٍ تمـدّ .. كفوفهـا لسعـدي قبـر ٍ يضـمّ الأغانـي .. ليـن مايبعـثـون مرحى ... وداد . وتهيّـا للكـرز .. موعـدي واعشوشب المسك : مسك ٍ خضّب الزيزفـون مرحى .. تهـب اغنيـه .. بالأمنيـه تقتـدي وهناك .. روحي تصيح بجمـع : ماتعرفـون هـذي وداد امتـداد اقـرا مــداه وحــدي هـذي مـلاذ الـرذاذ ومستـهـل الفـتـون لو تلمس ..الدفتر الأصفـر .. نخيـل يغـدي لو تهمس بغربتي : كونـي هبـاء ً .. تكـون يكفي .... لقيت بأغانيهـا .. سبـب مولـدي من بعد عمـر ٍ نثرتـه فـي مهـبّ الظنـون للطيش يا نكهـة التبـغ المريـر ... اوقـدي صوتي .. وصبّي زفير الحبر : شعر وجنـون وارمي على كرسي الوحده .. ثيـاب جهـدي اما فضحنـي عـرا .. ولا سترنـي مجـون وداد تسأل : تحـب ؟ ..اهمـس وداد انشـدي صبح البلابل .. حفيف امسي .. وخضر الطعون وتعود تسأل .. وانا كنّـي همسـت : اسنـدي جذعي على قبلـة ٍ عجلـى وصـدر ٍ حنـون احبهـا مـن نهاياتـي .. عجـزت .. ابتـدي فيها ، وكيف ابتدي طفله .. تصون وتخـون ! وانا مـن اوّل سكبـت المستحيـل .. بيـدي واليوم عاجز لا اسيل كحل هالـك العيـون !؟ آهيـن .. وادري بمقصدهـا فنـا مقـصـدي لكنّي احلف " ولـو عـزّ السواقـي يهـون " تمون .. وان تطعن اوراقـي بسـود المـدي ارضى خطاها .. ولو تنزع وريـدي .. تمـون يكفي علي ّ باكر .. ان مرّت رفـات جسـدي تهمس بناس ٍ معاهـا : حاولـوا تخشعـون ! طفله.. تغنى بها الما .. كيف انا مـا اقتـدي .. بالما ؟ ولو كانـوا العشـاق مـا يقتـدون حين اشرقت بي صباح السبـت ذا مشهـدي : وحدي أناظر لخمس اطفال .. ملّـوا شجـون حسيت نفسي ..هكا اللحظة .. سمـا ترتـدي ثوب الأغاني .. وتسأل : ليـه مـا تلعبـون ! وشلون لـو جـت وداد بطيشهـا ... تهتـدي وش يعزف المحتفي .. وش ينزف من اللحون ،،،،،،،،،،، |
رد: سجل دخولك للمنتدى ببيت شعر اعجبك
لاتحايد .. لاتحايـد .. ولـو هـي بالعنـاد
العنـاد ارحـم ولا الوقفـة المستنـكـرة الف درب ٍ تستفـزك .. ولااظنـك جمـاد والله ان بعـض الجمـاد يتخيّـر مكسـرة والشجر إنسان .. لكنـه اوغـل بالحيـاد قل معي : ملعون شخص ٍ تشبّه بشجـرة ! كيف عقب الطيش والعيش في جرح وضماد يصبح اللي لا رموه بحجر طـش ثمـره !؟ عاد وان قلت: الشجر جاد قلنا: كيف جاد ؟! دون أن يملك على منع جـوده مقـدرة !؟ من عجز عن بخل .. ما للكرم فيه امتداد ! مثل ما القدرة على الثار ساس المغفـرة ! يارفيقي واستمع لي .. وخذ علـم ٍ وكـاد لايغـرك مايقولونـه اهــل البـربـرة ! انتهى الماضي وجينا مـع علـوم ٍ جـداد تنتمـي للعقـل ماتنتـمـي للمقـبـرة ! الكرم .. لو كـان بـذل النفايـس للعبـاد كان ما سـت الصبايـا تسمـى الجوهـرة الكرم : أن ترخص الشمع في عز ّ السواد الكرم : أن تمنع الدمع عـن وجنـة مـرة والكريم : اللي عطى النوم لعيون السهـاد والشجيع : اللي غفى ما تذكـر خنجـره ! والله ان اللي يحسـب الشجاعـة بالزنـاد مثل من يحسب حلاة الحديـث الثرثـرة !! وانت تدري قلة الهرج مـن كثـر الرشـاد غير شِعري لو كثر .. بالرشاد استكثـره ! إيه شاعر واطلب الصفح عن ذنب المـداد في بلاد ٍ ساوت الشعر باكـواز الـذرة !! والله اني ما حرثت الورق وارجـي حصـاد مير شفت الارض ترزح تحت ثقل صخـرة واذكر اني شفت قلبـي وعشقـه بازديـاد واذكر اني ليـن هالحيـن فكـري بعثـرة لجل هـذا أكتـب الشعـر .. واذم الحيـاد ولجل هذا قلـت هالشطـر ليتـك تذكـره الشجر: انسـان .. لكنـه اوغـل بالحيـاد قل معي : ملعون شخص ٍ تشبّه بشجـرة ! ،،،،،،،،،،، |
رد: سجل دخولك للمنتدى ببيت شعر اعجبك
عاهدت شعري على العزة .. وصنت العهد
فلا مدحـت الملـوك ولا هجيـت العبيـد رفعت شعري عن العالم .. رفعته .. صعد لين ارتقى هامة الغيـم القصـي البعيـد على بساط الندى .. بيده عصـاة الرعـد يومّي بها للمطر .. ويجيب عذب القصيـد والبارحة مجلسه رووس المزون .. وسجد غزّ البيـارق .. يحسبنّـه بمجـده وحيـد الغيم تحته .. وناظر فوق .. ما شاف احد إلا هكا الطاهـر الحـرّ المـلاك الفريـد هو من يكون الذي ما بعده الا الصمـد !؟ ردت نجوم السما : هـذا طـلال الرشيـد ما تعرفه !؟ وانطوى مزن وتطايـر بـرد قلت اعرفه .. واعرف اني لو جهلته بليـد أي السناعيس ما ينكر وهو فـى المهـد وشلون يخفى الذي نوره طوى كل بيـد ؟! هذا الأميـر الأميـر ابـن الأميـر وبعـد أبو الأمير وبعد سيّـد علـى كـل سيْـد رجله وطت هامة الدنيـا .. وكفـه عقـد حبل ٍ مسد .. قاد به مهر الزمـان العنيـد هذا الذي في الصحيح مْن المراجـل ورد : إنكار قدره .. من افعـال الذليـل الشريـد في حضرته .. تحلف ان الضيّ يملك جسد وبغيبته .. تدرك الوحشـة بكلمـة فقيـد بسام ثغره ..وسيـع ٍ صـدره بْـلا جهـد و " بلا جهد " تفرق السيد عن المستسيـد أرحم من السلم .. مادامت تجـي بالجلـد واقسى من الظلم .. لاصارت بفل ّ الحديـد له قلب ٍ اسطا من الحـرّ بنهـار الهـدد واعذب من الغيمة اللي صبحها يوم عيـد غزيـر جـوده يعدونـه ولا لـه عــدد في كل يـوم يتبيـن مـن قديمـه جديـد اليا غضب .. ما حرم محتاجه من المـدد وليا رضى .. ما رحم عدوه مـن الوقيـد قلب ٍ سطا ما نشد .. قلب عطا مـا نشـد واقلبه اللي معه يمشي على مـا يريـد ! إيه اعرفه يا مصابيح السمـا ..واعتقـد لو طال عمره .. كثير من الرواسي تبيـد واحلف برب ٍ رفع سبع السما بـلا عمـد لليوم ذكـرى رحيلـه غصـة ٍ بالوريـد فلا نسينـاه ابـد ..فقـده تقـل يستجـد ولا سليناه ابد ..لـو قيـل يكتـب شهيـد عاهدت شعري على العزة ..وصنت العهد فلارجيـت الملـوك ولا هجيـت العبيـد الطيـب اجازيـه طيـب وللنكـادة نكـد ماهوبنا من غدا سلمـه وحربـه قصيـد رفعت شعري عن الدنيا .. رفعته .. صعد للمجد .. والمجد في حضرة طلال الرشيـد ،،،،،،،،،،، |
رد: سجل دخولك للمنتدى ببيت شعر اعجبك
سـيـد المترفـيـن اعـلـن حلـولـه
جمعتـنـا تـبـوك ومــد يـــده اقبـل اقبـل تقـل مـهـر ٍ جفـولـة ثـم سلـم وهــو نـفـس ٍ مــودة كنت اعـد الزمـان ارجـي وصولـه صرت اسمي على عينـي .. وآعـده: وش يحدث غضاضه عـن نحولـه !؟ ناحل ٍ غـض .. كنـه حـرب ردة !! فـيـه حكـمـة تباريـهـا طفـولـة كنـه السـر فـي مـن بـاح سـده !! عاد انا جيت ارحـب .. شفـت لولـه عاد انا شفت لولـه .. غبـت مـدة !! سيـدي واســرج لقتـلـي خيـولـه شاف طرفي غزاه .. وقـال آصـده !! يحسـب ان عاشقـه يصبـح عذولـه ! كيف ؟ ماادري ! .. ولكن : من يرده !؟ ألـف بسـم الله الرحمـن حـولـه !! والـف بسـم الله الرحمـن حــده !! هو على الارض زول ٍ مثـل زولـه؟! لا .. حشا ! .. فيه قده ؟ ميـن قـده؟! إن تبسـم .. يصيـر الـورد دولـة!! وان تجهم .. يخـون البحـر جـدة !! وان تلعثـم .. خـذا الريحـان جولـة .. في شفاته ، قبـل يرجـع لخـده !! ينهـب القلـب حتـى فــي ذهـولـه لاقـرا دفتـري والـحـزن شــده !! كيف اجـل لـو فضـح خلـي ميولـه للاغانـي .. وكـن الطيـش هـده !! حيـن اشـوف العصافيـر الجفـولـة تستحـيـل لـحـرار ٍ مسـتـبـدة ! والله انــي لانـولـه ثــم انـولـه نيتي غصـب .. لكـن جـت بـوده !! ،،،،،،،،،، |
رد: سجل دخولك للمنتدى ببيت شعر اعجبك
وحق الله احبك موت واشوفك في عيون الناس
وحتى في بعض الاوقات اشوف الناس بعيونك وحق الله احبك موت واشوفك في عيون الناس وحتى في بعض الاوقات اشوف الناس بعيونك وحق الله احبك موت واشوفك في عيون الناس وحتى في بعض الاوقات اشوف الناس بعيونك وحق الله احبك موت واشوفك في عيون الناس وحتى في بعض الاوقات اشوف الناس بعيونك وحق الله احبك موت واشوفك في عيون الناس وحتى في بعض الاوقات اشوف الناس بعيونك وحق الله احبك موت واشوفك في عيون الناس وحتى في بعض الاوقات اشوف الناس بعيونك ،،،،،،،،،،،، |
رد: سجل دخولك للمنتدى ببيت شعر اعجبك
ودي اجيك من التعب ثم اضمك وتشوف انا وشلون عايش بلياك قربك عطر ودي من البعد اشمك اخاف يبرد ما بقى لي بذكـراك ابنثر في عروق قلبـي ولمـك واحسسك بالحب في يوم لقيـاك باقي معي اغلى هديـة تهمـك صورتك كاتب فوقها مقدر انساك متى يزين الوقت واكـون يمـك ياليتني في انفاس روحك ودمك ابقى معي واعيش الايام ويـاك يا كثر ماني بغربتي شلت همـك انشد نجوم الليل من عقب فرقاك عليك اخاف اكثر من ابوك وامك والله ما تلقى مثل قلبي اغـلاك ما رتاح انا من الولة لين اضمك ،،،،،،،،،،، واعلمك وشلون حالـي بليـاك |
رد: سجل دخولك للمنتدى ببيت شعر اعجبك
::
أبسألك ياأجمل أنواع الصبـــــــــرليه أنتظــــــــر؟ وأنا أدري في حالتي مالي أمل لو انتظــر كل العمـر!! :: |
رد: سجل دخولك للمنتدى ببيت شعر اعجبك
أبيك ياعمـري .. وإذا ما تعجبـك كلمـة .. أبيـك
خذهـا بـ لهجـة ساكنييـن (دبـي) ياعمـري أبـاك يكفيك لامـن غبـت .. مالك إسم .. غير إسم المليك وإن جيت عقب غيـاب ..مالك إسم ..غير إسم المـلاك حشمـة غـلا .. وإلا غـلا حشمـة .. وذيك تعـز ذيـك غـلاك يفضـح حشمتـك .. وبحشمتـك .. يـُستـر غـلاك |
رد: سجل دخولك للمنتدى ببيت شعر اعجبك
بيـت على البــــــال ..
خلاص لو رحت أحسن لك وأحسن لي = ماني مدور دفا في جوك البارد !!
للرائع/ مشعـل الضوي |
رد: سجل دخولك للمنتدى ببيت شعر اعجبك
ياصاحبي مافادنا كثر الأحلام
......................................... واللي بخاطرنا عجزنا نطوله ماتت أمانينا على كف الأيام ........................................ وحكم القدر فارض علينا ميوله |
رد: سجل دخولك للمنتدى ببيت شعر اعجبك
عيـونك اللي كنها درب ومسافات وسفر = من يوم ماطالعتها ضاع النظر بااسبابها واللي غرق في بحرها اكيد مايلقى مفر = لأن عينك سحرها يكمن بسحر أهدابها !! |
رد: سجل دخولك للمنتدى ببيت شعر اعجبك
أحدٍ يعدّ الحقايق .. دون تحقيقي
................... مايرتجي من مدايح ناس سمّاعه وأحدٍ على كلمته ... لازم مواثيقي ...................يَكتِب و يَختِم و يَبصِم كَامل ذراعه دام انت طيب .. و حنا لك مشافيقي ..................فالآمر هيّن .. بدنيا كلها .. باعه يفداك عمري و قلبي مع معاليقي .................والضيق مثل الشجاعه في صبر ساعه |
رد: سجل دخولك للمنتدى ببيت شعر اعجبك
يوم طاب السهر عيّت تطيب النفوس جت من الله وانا كم كنت محتاجها كنها من حلاها كل ليله عروس خايفه من عيون الناس واحراجها حى هالطول يازولٍ عساه محروس من عبث لوعة الايام وازعاجها تزعل نفوس والا تمتلى غيظ روس من يقرّب لها وضلوعى سياجها لامتى وانت ياشوق القلوب محبوس طالب السالفه وابطيت بعلاجها جعل قلبٍ على نار الغياب محموس يحترق بين صاليها ووهّاجها من خبر له غلا بين الضلوع مغروس غرسةٍ كلبو شعرى من انتاجها لاتقرب لك الفرقا هذيك الهجوس من متى والبحور تفارق امواجها لازم اصبر على وجه الزمان العبوس لين سود الليالى يضحك احجاجها من بغى يقطع الفرجه يعاف الجلوس لين ياصل نهاياتها ومخراجها كان شعرى قصر ماطال شمس الشموس تستريح القصايد داخل ادراجها متعـب التركي |
رد: سجل دخولك للمنتدى ببيت شعر اعجبك
جابك الله على غايـة المطلـوب من مواطيك بالعشـب لأهدابـك جيت يالمترف الناعم الرعبـوب مرحبا فيك لأقبلت وأهـلا بـك تنثني كنـك النايـف النبنـوب وانثني وأنشد الصبح وش جابك ؟ تبتسـم للنسايـم تـذوب قلـوب وابتسم وأهـدي الـورد عنّابـك ضحكتك غيمة وبلهـا مسكـوب ظللتـنـي نهـاريـن بغيـابـك فيك من لفتة الشـادن المرعـوب كل ماهـزّك الشـوق وانتابـك مرةٍ كنك الشمس وقـت غـروب ومـرةٍ كنـك الحلـم متشـابـك كل ماجيت أبي استلهمك وآتـوب ضعت بك ضيعة العطر بثيابك مساعد الرشيدي ! |
رد: سجل دخولك للمنتدى ببيت شعر اعجبك
قبل اسافر وتنسى جيـت اسلـم عليـك
.......................جيت ابي عمري اللي من يديني غـدى ضاعت اجمل سنيني من عمايل يديـك .......................اكذب ان قلت راحت لاجل عينك فـدى فرصة العمر قالوا لا غدت مـا تجيـك .......................جتني اكثر فرص عمري وضاعت سدى جرب الخوف مره حـس بـه يعتليـك .......................وارفع الصوت ماتسمع لصوتك صـدى تدري اللي ذبحنـي قولتـك مـا ابيـك .......................مابقالـي لثـاري لـو بغيتـه مــدى ما هقيـت المشاعـر كلهـا ترتجيـك .......................قل لها بالمفـارق منهـو اللـي بـدى هاك دمعة عيـون(ن) باكيـه تشتكيـك .......................هاك ريح ضمير(ن)ما استراح وهـدى ما تناظر عيونـي زول هـذي وذيـك .......................ما يهز المسامـع اسـم ريـم وهـدى قلت ماعادلي رغبـة وشوفـات فيـك .......................قلت يا نفس طيبـي يفرحـون العـدى قلت عايف ونفسـي بالخفـا تشتهيـك .......................عزة النفـس تـدري طيـب مـا هي ردى خل عينك تهـل دموعهـا وش عليـك .......................انت خدك ورود ودمـع عينـك نـدى متعب التركي |
رد: سجل دخولك للمنتدى ببيت شعر اعجبك
شفت البشر لوكلهم يرخصونك الله عليك بداخل القلب مغلاك أشتقت لك وأشتقت لاسمك ولونك وأشتقت لمعاندك وأشتقت لرضاك لوقلت لك وش صار جنت جنونك يمكن تقول أني مبالغ بفرقاك ودك تعرف أشلون عايش بدونك لو قلت لك يمكن تجيني من أقصاك تبي تعرف شلون؟! سكر عيونك سكرتها! هذي حياتي بلياك شفت الظلام اللي تشوفه بكونك يزول كله بس لاصرت وياك !!! |
رد: سجل دخولك للمنتدى ببيت شعر اعجبك
ابعصم رجلي عن دروب السخافه ياصبي
................................لأني حياوي والدروب.. السود...مافيها حيا ماني منادي باسمك اللي...ماتسموه اجنبي ..............................فأن قلت يا......اعرف اني حاشمك ........يا فان شفتني متعب هجوسي في رسم راس الظبي ...........................ماهو عشان اكسب عجابات..ريمان.....وهيا |
رد: سجل دخولك للمنتدى ببيت شعر اعجبك
::
أبشرك إني بخيــــــــــــــر قلبي من أوجــاعه شفـــــا والوضع عندي صار غــــير والجفن بالــنوم احتفــــــــا مشكـــور يا ذاك العشيــــر أقولها وقلبي عفـــــــــــا يجزاك ربــــي كل خيـــــــر والسعــــد لك حضن ودفـــا :: |
رد: سجل دخولك للمنتدى ببيت شعر اعجبك
دام ابن عمي على ضيقي يمووووت=الاجنبي معذوووور لو يغلي غلي
للرائع / مطلق النومسي |
| الساعة الآن (10:40 PM) |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه