عاطفيـة قالـوا انـي عاطفيـه = ومن يعيش الحب مرة ما يهابـه

راحـت ايـام الغـرام الأوليـه =انتهينا وبتـدى عصـر الذيابـه

وين قيس وين ليلـى العامريـه =وين عنتر يوم عبلة هي عذابـه

ومن يدور حب في الأيـام ذيَـه =مثل من يطلب أمان بوسط غابـه

بس انا بالحب لي قصـة قويـه= تختلف لو الهوىاحداثـة تشابـه

لي حبيبٍ من سنين انطر مجيَـه=وانتظر شوفة ولو طـول غيابـه

فارسي مخلص ولي نفسه وفيَـه =لجل عهد الحب يرخص لي شبابه

ادري انه حلم يا صعبـة عليَـه= وادري ان الماي ما يروي سرابه

بس انا ما انساه ابد ما دمت حيَه= وكل ما شفت الغيوم انطر سحابه

ما بقى للحب مـن بعـده بقيَـه= والله ان القلب بعده صـك بابـه

هو خيال بعالمي مـا فيـه زيَـه= والخيال بـلا قيـود ولا رقابـه

مسآء ال ( أيش ) !
والمدري
وضرب الآه في صدري
مسآء ملخبط ب تشويش .. وثلجه تحترق بدري
وشمعه جمّدت بالصيف !
تدور ساعة الراحه
على أوتار( لقمة عيش ) ..

مسائن ينغرس بدري
ولا أدري! ..اذا صار البكا حقله
أو الونّات بستانه!
وانا انزف
واحاول أختلق ت ط ن ي ش

وطيرٍ في بقايا ريش ! ..على الأغصان يترنّم
وبالأوجاع يتهدّم

واذا مر الهوى يمّه ../ كأنه شافها أمّه
وتلمح للهنا عينه .. وفي لحظات يتلاشى !
ويرجع في بقايا هم ! ويرجع للأسى يضمّه

... مسآئي ينكسر بشويش !
كذا: ب ش و ي ش