رد: اهدي بيت شعر للي قبلك
لاتتبع الموضه ولاتكشخ بزود .................مزيون لو تلبس ضحى العيد خيشه من يشبهك في هالحلا بات مفقود ................. ماذكر من رفحاء ليا اطراف بيشه ياللي تجيد الذبح بعيونك السود ................ ينهار قدمك عزم هتلر وجيشه يحق لك.. مال الترف عندك حدود .............. تمشي ونحسب فوق هامتك ريشه عايش وماتطلب بدنياك موجود ............. الله يسلم لي شبابك وطيشه وش فيك ناسيني على الهون والكود ............... لاهي ترى حاله ولاهي بعيشه وإن كان باب الوصل بالعيد مسدود ............... على الأقل.. افتح لي نص الدريشه الشاعر/ باسم الوشيل (الزلفي) |
رد: اهدي بيت شعر للي قبلك
لولا الهرم والفقر والثالث المـوت ،،،،،،،،،،،،،،، يالادمي بالكون ياعضـم شانـك سخّرت ذرات الهوا تفهم الصوت ،،،،،،،،،،،،،،، وخليتها اطوع من تحرك بنانـك جماد تكلمها وهي وسـط تابـوت ،،،،،،،،،،،،،،، تاخذ وتعطي ما صدر من بيانـك وعزمت من فوق القمر تبني بيوت ،،،،،،،،،،،،،،، من يقهرك لوهو طويـل زمانـك لولا الثلاث وشان من قّر الفـوت ،،،،،،،،،،،،،،، نفّذت كـل اللـي يقولـه لسانـك |
. . . ليا صفى لك من زمانك ثلاثة ......... أخوك، وإبناخيك، وعيال عمّك عدّك ملكت أموال كسرى وراثة ......... وأطلق شنب بالمملكة مايهمك |
رد: اهدي بيت شعر للي قبلك
بنت الأمير اللي عن ألفين رجـال 00000000 لبيـه يابنـت الأميـر الأمـيـره يفـداك رجـال إذا قـال ماطـال 0000000 يبغى الطويلـة والطويلـة عسيـره تفداك ضحكة نوف وعيون باسكال 0000000 مع خصر نوره وابتسامـة منيـره يفداك ضل ارموش ساره اليامـال 0000000 وخدود ريـم الذابحـات المنيـره تفداك كل البيض الـوان والشكـال 0000000 اللي صغيرة زيـن واللـي كبيـره |
. . . حنّا ثنين جداد .. مو نفس الاثنين __ لا تنحرج مني .. اذا تلتقي بي ماهو غلط لو قلت لي شايفك وين __ حتى انا .. بآقول تشبه حبيبي ..! |
رد: اهدي بيت شعر للي قبلك
ودي بشوفك يـا مطـول غيابـك ،،،،،،،،،،،،،،، بعدك علي الكون ياعزوتي ضـاق أسهرت عيني في رجاوي كتابـك ،،،،،،،،،،،،،،، يمكن يهدي بين الأضلاع خفـاق جفت غصون القلب وابطى سحابك ،،،،،،،،،،،،،،، للموت روحي ياهوى البال تنساق ناشدتك الله لا يخيب الرجاء بـك ،،،،،،،،،،،،،،، عساك لي يا مالك الروح مشتـاق قلبي معك لو تجرحه في عتابـك ،،،،،،،،،،،،،،، لا شك من دونك خطاويه تنعـاق |
رد: اهدي بيت شعر للي قبلك
لا ضوى ليلي ونامت عيون الغافلين ..
طار نوم العين وإدموعها في موقها .. مشكلة بعض الهموم الخفيه ماتبين .. لين يأتيها ظلام المساء ويسوقها .. ولا بغيت النوم حزة منام الهاجعين .. جرت النفس الحزينه لحن طاروقها |
| الساعة الآن (11:02 AM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه