خل السهر عنّك وخل التعب لي=مثلي تعوّد للقهر والكسافه
حط الجفن على الجفن واغلق الضي=وانسى عيونٍ عايشه بالكلافه

عجزت ألاقي من عيا الوقت خلان=كل ماهقيت بصاحبٍ خاب ظني
لا واحسافه يا زمن صرت خوّان=أقبلت لك صادق وصديّت عنّي

خساره ترّخص الغالي لشخصٍ مايعرف إحسان=تجي له من هنِا وهنَااا وباقي شامخٍ عالي

ياناس صار السبت بالحيل غالي=ألذ وأطعم من تليّات الاسبوع
يفيض بالخيرات والامن عالي=واللي نوانا بالخطر ما مطخ كوع
في عهد ابو متعب كريم السبالي=مطوّع الكايد وبالحق متبوع
حاكم لدارٍ لا وطاها الزوالي=إمدبل الشرهات والشر مسبوع
راسي كما ترسي عظيم الجبالي=ماحركوا شَعره رديين الاطبوع
بلهان وإن شدوا شديد الحمالي=روّح به وفكره فلا ضاق مصدوع
مايلفته ياكود لمع الكمالي=في عين شعبه لاغدا العز مطبوع
الله يديمه للوطن والموالي=ويديم حكمه والعدو يلحقه جوع
يكفي كسانا الحب اول وتالي=ويكفي عشقنا السبت من بد الاسبوع

إن كان حبك ينعش القلب يابنت=حبي لكي انعش حياة الشقاوي
وان كان بدروب الجفا شفتني فانت=مخطي وماشي في سراب الهقاوي
انا معك ثابت وللخلق اعلنت:=انا اشهد اني طحت عند الرهاوي
ماكنت مجبورٍ ولا لخاطرك كنت=غير الوحيد اللي حيا بك هواوي
شفّي على الوصله وبالوصل آمنت=وإني بوجودك قادرٍ للبلاوي
هذا الكلام وزبدة الهرج لا هنت=انتي الحياه وبلسمٍ للقراوي