ياأمة الأسلام حاجة خطيرة=في مجتمعنا يذكر العنف الأسري
من واقعي شاهدت حالة مثيرة =شوفوا معي بالقيس في وضع مزري
وسط العناية والأطباء تديرة=وعن حالته وحدة ترى الرب يدري
قلت السبب قالوا أمورٍ كثيرة =عنف وتهجم كل صبحٍ وعصري
الأب تاية والأمومه فقيرة=والكل برر عن غيابه بعذري
وزوجة أبو ميت يامسلم ضميرة=ماتعرف الرحمة وبها الحقد يجري
في ضلمها بالقيس عاشت أسيرة =وصاحت بعالي الصوت فكوا لي أسري
طفلة صغيرة حيل والله صغيرة =ذاقت مراراة ظلم في وقت بدري
وهلت دموعٍ من عيونه غزيرة=كله سبايب ظلم قاسٍ وقهري
من شفتها صابتني اليوم حيرة=وحسيت أنا في ضيقةٍ وسط صدري
وجريت أهاتي ونفسي حسيرة =ومن واقعي والله ترى أنشل فكري
وسألت انااهل العقول النويرة=هل يعقل المسلم له الجرم يطري
ردوا على باآآآه جداً كبيره=قالو ترى هالظلم بالناس فطري
ولا تحمله إلا النفوس الحقيره=اللي بضمايرها تبايع وتشري
والا النفوس الطاهرة والجديرة =تخشى الأله وتحتسب كل أجري
تاثق بأن الله عليم السريرة=يقبل دعى المظلوم سرٍ وجهري
ماغير رب الخلق هو نستجيرة =قادر يزيل الهم ويشفي ويبري