ياللي نسجت الحلم فيني مثل " نسج العنكبوت" = خذني معك وإلا انتشلني من "دياجير" الظلام !!
اخاف لامن رحت عني كلها ساعه و " اموت" = وأن مت منت بقايـل ٍ من بعـد موتي .. ياحراااااام ؟؟!!
معاك أحس ان الكلام أرحم كثير من السكوت = وأحيان احس ان السكوت أرحم كثيـر من الكلام !!
ياني احبـك كثر طيبـة من سكن في "حضرموت"= وأكثر من أعداد "الحجيـج " بداخل " البيت الحرام"
وغلاك أكبـر من غلا "عقاب العواجي" عند " نـوت" = وأكبر من " الخيبـه " بـوجه ٍ مايعرف الأحترام
لو كان " لاحجام الغلا" بالقلب مقياس وثبـوت = أن كان مبطـي قست " وزن الحب " " بالكيـلو جرام "!!
من بعد ماصنت المشاعر حزت مني كـل صـوت = إلين توجـك الخفـوق وصرت في " عرش" الغـرام
ولو هو على كيفي عسفت الحرف لعيـونك ..بيـوت = لكن أخاف ان كل بيـت ٍ مايجـي " قـد المقـام "!!
لو هـو يغار " الشيـح" مره من مـذاق " العنـزروت" = أن كـان ماغـار " النفـل " من ريحـة أنفـاس " الخـزام"!!
ياليـت لو تسمـح بجي من داخـل ضلوعك وآفوووت = إلين اشـوف أني بقـلبك و" أفرش فراشي وأنام "!!
بنـام ولامنـي صحيت بخـافقك وأحتجــت " قـوت" = في عينـك اليمنى " شراب " وعينـك اليسرى " طعـام "
ياليـت لو معـلق ٍ بعـروق قلبـي " باراشـوت " = حـتى ليـا منه سـقط يمنـع حـدوث الأرتطــام !!
من ماشفت الهوى صايـر مثل " لعـب البـلوت " = أول بدايـاته زعــل وآخـــر نهـاياته ...خصــام
وأنت يـوم انك تركت الحـب فـ اعمـاقي يمــوت = (( تعتـقــد حــالي بعــد جــرحك على أحســن مايــرام ؟؟!!