يامزيد أفتح باب وأسكر أبواب = واللي عسرها لو تدرٌى كسرها
إحترت بين الناس صادق وكذاب = عين الحقيقه من يقدي نظرها
مال العرب عن واقع الوقت مجناب =ولاكل من شاف الحقيقه نشرها
نشوف بالعالم جماهير وأحزاب = حزب يسندها والآخر حدرها
ولا يثبت الاالصح والنور جذاب =بيض الليالي نورها من قمرها
لكن تبين وتتضح كل الاسباب = قبل طلوع الشمس بين سفرها
وسهيل لوهو غاب أنا أقول ماغاب=دام الاسس ماتختفي من بشرها
مادام يوجد كلمة أحباب وأصحاب=مبادره للخير ذي نعتبرها
واللي تعاطى أفكار تنظيم الارهاب=ترى حياته في مسيرة دمرها
والسم سم الحيه اللي وراء الناب=اللي لها قرنين يزعج خطرها
من أول الدنيا تجي من وراء الداب=علة نحر وانيابها في ظهرها
يفيض منهاغيض من مات ماتاب=اللي قدرها وأنحرف ماعتبرها
هي قصة يفرح بها كل نصاب=اليا أكتشف لابعادها ماسترها
منها تسمم جرح والجرح ماطاب=يوم أختلط سوادها مع حمرها
ولأني مدور ماتخفى ورى الباب=أقولها وأعيدها وأختصرها
أقف واقول الراس عالي ولو شاب=وأهل الوفاء والطيب مانحتقرها
الطيب يامزيد مع العرف ينساب=وأنت الحكيم اللي دروبه ظفرها

الاخ الاستاذ الشاعر محمد المقبل

قصيده رائعه والاروع من ذلك غموض المعنى المحبوك في اجمل الجمل التي وقعت قريحتك عليها لكن اكيد سنجد مفتاح الشفره عند الاستاذ والشاعر مزيد المزيد

مال العرب عن واقع الوقت مجناب =ولاكل من شاف الحقيقه نشرها
مال العرب عن واقع الوقت مجناب =ولاكل من شاف الحقيقه نشرها
مال العرب عن واقع الوقت مجناب =ولاكل من شاف الحقيقه نشرها

ولأني مدور ماتخفى ورى البـاب=أقولهـا وأعيدهـا وأختصـرهـا
أقف واقول الراس عالي ولو شاب=وأهل الوفاء والطيـب مانحتقرهـا