يعزنا فرقى الرجال المشاكيل =اللي بقلبي ركزو عمدّ وأطناب
ولو تا خذو من دمّ قلبي تحاليل= تلقون والله حبكم فيه ينساب
أصوركم بالعين مثل التما ثيل = وضحكاتكم مافارقت عكف الأهداب
وانتم هل العادات والبنّ والهيل=والعود الأزرق يابعد عصّم الأشناب
انتم شموعي لقبلت ظلمة الليل=وانتم سلبتو لبي وكل الألباب
وانتم لعيني كنكم نجمة سهيل=لا والله إلا كنكم صفحة أكتاب
من بعدكم زادت علي البهاذيل=مسجون والسجان ما يفتح الباب
وإلا كما اللي صلفقه مسرع السيل=مبسوط ما حسب لجياته أحساب
وإلا كما اللي ساكن بقلبه الويل=وأطيب هله شايل له ألفين مشعاب
ياكن قلبي غازيه طير ابابيل=وصفن حجرسجيل في قلبي وذاب
يامسندي ياعزوتي يالحلاحيل=لايالنشامى يا طويلين الأرقاب
لا تتركوني بين هاك المواويل=وانتم لي الأصحاب ياعز الأصحاب
وابشتكيكم حيث ما فيكم ابخيل= وترو البطى يغرس على جسمي انياب
الله يا حلمٍ سرى تا لي الليل=صحى الخفوق وصاب في صدري اعطاب
كني اشوف معجعجات الغرابيل=وبرقٍ يلوح وداب يمشي بثر داب
قالو قديمٍ في صياغ التماثيل=قبلي وانا بقوله اليوم منصاب
الحنظله لو هي على شاطي النيل=مرّه ولوتكسى بخظرات الأعشاب
يالله تعدلها عن الحيف والميل=وإلا تميلها على كل كذاب
كتبت واللي بسرة القلب ما قيل=كله ولا بعضه ولا عندي اسباب