لو أن نفس الشخص تلحق مناهـا=ماكان هاجوس الضماير حرقهـا
كم لحيتن تدفع ضريبـة غباهـا=وكم بندقن ماثـار منهـا طلقهـا

لا باس ياروحاً شكت ماوطاها = ولا باس ياعــيــنً تزايد غرقها
هلت دموع الصد لامنتهاها = سبة وليفه يوم قلبه عشقها
لو أن نفس الشخص تلحق مناها = ماكان هاجوس الضماير حرقها
ياصاحبي وانكان عـكــّر سماها = وشمسه من الهجران غــّيب شفقها
جـنــّب طريق الخاينه لو غلاها = يْصِحّـيـك من غالي منامك وفقها
والجربا اللي حان موعد طلاها = ناقة بحر ؟ موج البحر ؟ ماعتقها
ماحركت شم الرواسي هواها = والمعجزه حـنـا لهـا ونخلقها
والتايه اللي صيدته مالقاها = فرقاه قبل الشمس يبدي شعقها
سقت الهدايا من المهار ونساها = ملك المشاعر بالفكر ماسرقها
بعض العرب تطرف عيونه يداها = سقها قبل لا تحمض النفس سقها
والله ورب الكون تاصل مداها = يطولك اللي كلمته ماطفقها
حــرً يشوم بعــزته في فضاها = يقوله اللي كل سكه طرقها
لو طالت السكه وراها وراها = والناس عـــز أنفوسها من عرقها
كم لحـيـتـن تدفع ضريبة غـباها = وكم بندقن ماثار منها طلقها
وكم شامخه هــزت أرجـال بحلاها = أحروفها ريح الخزامى عبقها
يفداك نبض أعـماقها من غلاها = حرفً عشق رؤس الطوال وسبقها
خسران دّوار المكاسب معاها = مدام رأس المال خِــرم حلقها
من دار خملأت الرفاقه لقاها = ومن صاد له صيده تـيـّدم مرقها
الصدق ضاع مْـن البشر وش بلاها = يهــد صدر السالفه من شنقها
ناسً تــذيــّـر من خلاها بخلاها = ماتسمع الا شهقته لاشهقها
وكان المعاني ماوصل مستواها = ينهج يــدوّر ملةٍ يعـتــنــقـهـا