آل ويـلان الكرام

السلام عليكم ورحمة الله وبركاته

يا حلم لا تآقف على باب طرفي=للريح في عين المولع مهابه
تنفض رماد الجمر.. والشمع يطفي=وتنثر ملامح ضيق ما ينحكى به
تعبت أغيّر بالتفاصيل .. وأخفي=سر القصيد ودافعي للكتابه
كم صرت نصف الليل؛ والليل نصفي=أنصاف.. وأنصاف الليالي تشابه
اللي عرف ياكل - مع الوقت - كتفي=«وجه الغروب» الممتلي بالكآبه
يقتل تعابيري - على حد وصفي =ويبقى «غريب».. يعيش.. موت اغترابه
أخاف ألبّي رغبتك رغم أنفي=وينعاد جرحٍ ما حسبنا حسابه
يطعنك ليلٍ ما رحَم فيك ضعفي=ويسْهِرك نزفٍ ما يمل الرتابه
اقصر (ونينك) واترك الليل يقفي=عمر (العُوا) ما سدّ جوع الذيابه
يكفي عنا.. واللي كتبناه يكفي=صِك «الكتاب» وفكني من عذابه