المشاركة الأصلية كتبت بواسطة غموض الشمال (المشاركة 295803)

متواضعه اضعها بين إيديكم..!!!


((استر على ما واجهك ))


ياصاحبي ليه الجفا عني ابطيت
...............وش جاك مني ماتـرد المراسيل


غـالي لو انك يالـغلا ما تغليت
.............وشلون لي ترضى العنا والبهاذيل


كانك نويت البعد عني وصديت
.............مع السلامـه جعـل دربك تساهيـل


استر على ما واجهك لاتخليت
.............حفظ الأمـانه من سلـوم الـرجاجيل

ولاتلتفت لوصافي الدمع هليت
...............الدمـع راحـه للقلـوب الـمـعـاليـل


عذرك معك لو انك بحقي اخطيت
...............طبعي كـذا مـاحط بـالقلب واشيـل


تبقى لك الذكرى ليا رحت واقفيت
................اعيش معهـا واستعيد التفـاصيل


ويحرم على يمنى ليمناك مديت
.................بعـدك تصافح غير قبري ليا هيل




غموض الشمال

المشاركة الأصلية كتبت بواسطة جائز المليحان (المشاركة 295834)

الله عليك اختي غموض

صح لسانك حتى ترضين

نص قرأته لأكثر من مره وراق لي

والناس اذواق اختاه والاختلاف سواء من الاخ طلال او غيره

انما دليل على ان النص جميل وإلا لما استوقف الاخ طلال
ولما استوقفني ولا حتى الغير

اهنيكي على هذا النص
واسجل اعجابي المتواصل بنصوصك المتميزه

صح لسانك مرة اخرى

ودي وتقديري اختاه

المشاركة الأصلية كتبت بواسطة فهد السلقاوي (المشاركة 295835)

غموووووووووووض ابداع ابداع


تحياااتي لك


ويحرم على يمنى ليمناك مديت
.................بعـدك تصافح غير قبري ليا هيل



شاااااعر وم اي شاعره غموض


مشكووووره

المشاركة الأصلية كتبت بواسطة سليمان مفضي العنزي (المشاركة 295853)

الشاعره غموض الشمال

صح لسانك

ابيات جميله وممتعه