لا الصبر حد واصله بالصبر حد=حتى الصبر مني تملل وهاجر
وهمومي اللي بالحشى مالهاعد=خلت لها بعروق قلبي متاجر
والحظ ماينفع به اقيادن وصد=ولا يردعه دمعن بكته المحاجر

هون عليك الهم ياقلب هون=بكره تزين وتنفرج كل ضيقه

لو ادري..اني قد قولي..اليا قلت=قلت..افترقنا لاتجيني..ولا ابيك
مير البلا..حتى على عزتي ...حلت=اقول وارجع..وارجع اقول..واجيك

الذ مافي حياتي لحظة سجودي=اليا سجدت بخضوع وخوف واذلالي
وهليت دمعي رجا في عطف معبودي=ادعيه يغفر ذنوبي ويلطف بحالي
هي راحة النفس وطب لكل مقرودي=يالله تجعل سجودي آخر اعمالي

كان القصايد..بالغلا..ماتوفيك=ابعتزل شعري..وهجر..القصايد
وش لي بشعرٍ..مايسرك ويرضيك=لولا عيونك..مانظمت ..الفرايد

ياقلب ليتك بالغلا ما تماديت=واسرفت في حلمك وعالم خيالك
ياما نهيتك عن دروبه وصديت=ماهو لنا ياقلب لاتصير هالك
ماطعتني وانا تبعتك وجاريت=واليوم شف حالي وشف كيف حالك!

تعبت ياليل الشقا من مسهارك=كلن ينام ولا تنهيت بنعاس

ياهم ..ياهم .. ليه تهد لي حيلي=وشفيك من.. بد خلق الله..تبلاني
الى متى ؟ وانت متصاحب مع..ليلي=متى تخلى ؟ مثل غيرك..ماخلاني
غربلتني..وزاد حملك.. حطن وشيلي=ماغير..انا.. وانت..وقلبن حزنه ويعاني
هذي حياتي.. وهذا حظي .. الميلي=بخيل في .. مدته..كريم باحزاني

ماني على الصده وبعدك محاسبك=الله حسيبك كل ماهل دمعي
خلاص بعد اليوم ماني مطالبك=عزيت في بعدك شعوري وسمعي
دامك تساهل في مشاعر حبايبك=ليه احترق وويذوب لك هم شمعي
كلي حزن وجروح منك وسبايبك=تجاوزت بالقلب عدن وجمعي
ارحل فمان الله جنب واجنبك=ابعد ولا ترجع لو اهل دمعي

اجرح ترى بالقلب باقي مساحه!= تضم جرحك للجروح القديمه
قلبي كبير وعيب فيه الصراحه=واكبر خطاه ان النوايا سليمه
الله يصبرني ويشفي جراحه=هذا الزمن مابه قلوب رحيمه

اصعب شعور يخيب ضنك بغالي=وانت الذي عن باقي الناس شاريه
اول سندك وذخر سود الليالي=واليوم خابت به جميع المشاريه

ليت القدر يومه بحبك بلاني=جابك وانا قلبي خليٍ ومرتاح
ماحطك الله امتحان لزماني=وصلك عذاب وبعدك الام وجراح

الضيق/ والهم / والالآم/ والحسره=اوفى من الخلق ..مايوم اغدرت فيني
مجبوره اصبر لو ان الصدر به..جمره=واخفي عن الناس..دمعٍ هلته عيني

البارحه يا "......." القلب وقاد=كل الملا ..نامت ورحي.. عليله
العين من كثر..القهر دمعها.. جاد=والنفس.. ضاقت بالحمول.. الثقيله
عجزت اعدل.. مايل.. الحظ رقاد=متردين.. حظي ولابه .. وسيله
دنيا تعاندني.. وهمي ..لي عتاد=موالفن.. عمري.. سنين طويله
والصبر..طول والفرج دونه.. احياد=صبري.. على دنياي.. ماله حصيله
تعبت مالي.. غير دمعن.. على وساد=يشهد عل..ى هم الليالي.. هميله
والله يالو لا الخوف.. من هرج.. نقاد=وتلحق.. ابويه من ..وراي الفشيله
لانهي حياتن.. مابها فرح ..واسعاد=وارتاح.. من دنيآ.. سقتني غليله

ياجرح قلبي من مرار الحقيقه=جرحن علاجه يجهله عالم الطب؟؟

ياليت يا.......لي احساس كذاب=ماحس بالتغيير واشعر بجفواك
لكن غدينا تالي الوقت اغراب=ماعاد تفهمني ولا افهم نواياك

عادي ياعمري تعودنا على اهمالك=وبكره الليالي تعودنا على الغيبه
عساك دايم بخير ومنشرح بالك=مبسوط لو كنت مع غيري ولاهيبه

آآآآه من همن توطن في حشايه=استقر بوسط قلبي واستحله
طول عمري حظي مقصر معايه=لالقى داخل ضلوعي فرح شله

ياليتني من ضمن الاموات عديت=ولاعشت في دنيا هدتني المأسي
خذوا عزايه من زمان وتوفيت=ونسوني الخلان واهلي وناسي
لاجابوا اسمي قيل مرحوم يالميت=كلن دعى لي من حنونٍ وقاسي
وارتحت من دنيا الشقا والتناهيت=من جورها حاربت حتى نعاسي

اجرح مادام الجرح يرضي غرورك=وتحسبه انك رجل لاتجبرت
انثى ولا اقدر على رد جورك=وسيلتي دمعي اليا مني اقهرت
ماهي رجوله لاتجرد شعورك=وخلى من الرحمه وغبني تخيرت
بكره يجي لك يوم والدور دورك=وتسهر عيونك مثل ما غيرك اسهرت

جيتني من بعد ماجفت عروقي ترتجيك=جيتني من بعد صدمات الزمان واحتراقي
وين غبت ايام ماكنت انشغل منك وفيك؟=ليه خيبت الظنون وخابك من كان هاقي
كل مره تثبت انك بايع اللي مشتريك=وادري ان اللي يحبك في حياته دوم شاقي
ياكثر ماسال دمعي واسهر الليل احتريك=في رجا تسأل عليه او تحس بأشتياقي
كان ودي اشتكيلك من همومي واشتكيك=كنت لي كل الأماني لاخلا كوني وضاقي
وغبت وغيابك كسر في خاطر اللي مشتهيك=وصرت ماحسب إذا قفوا يعودون الطراقي
وبعد ماعودت نفسي لا ولهت ابكي عليك= وكل دمعه تمحي اللي لك تبقى من بواقي
جيت مدري هي نهايه او تبيني ابتديك؟=وبعدها ترحل وتتركني رهينه في وثاقي
ياعسى همن تبلاني بعد غيبتك عني مايجيك=لاذكرتك كن في صدري من الهم اختناقي
رح موفق في حياتك لايهمك من يبيك=انسني وادري كثير اللي بعد فرقاي لاقي

ماني من اشياءك تحطه وتلقاه=انا بشر ليه مشاعر واحاسيس
من حطني لوقت الفراغ اتناساه=لو عشت من دونه حياة المتاعيس

كل عام وانت بصحه وخير وافراح=عليك مبارك شهر الاحسان والخير
وفي كل عام يعود لك وانت مرتاح=مبسوط بالدنيا على وين ماتسير

اعظم وجع يجرح فؤادي ويدميه=دمعة يتيمٍ لاسأل وينها امي
طول غياب الام والحزن كاسيه=لاغلى هداياها على الصدر لمي
مايدري ان الموت غيب امانيه=ضم العزيزه وحلمها له تضمي
ماعوضه حنان منهو يواسيه=مشتاق لامه عيشته دوم غمي
من عقبها تكدرت به لياليه=متشتتن مابين خالٍ وعمي
يالله ياربي تعينه وتنسيه=ويهون همن زايدٍ فوق همي

مدري علام المشاعر صارت اتجاره=خدعه مابين البشر او لعبة تحدي
نفوس (متخبثه) واخلاق منهاره=وكلن بزيف المشاعر قال من قدي

أه من نارن توقد في ضلوعي=ومن جرروحٍ بالصدر داخل خفيه
من كثر صدمات قلبي مستلوعي=كل ماراحت هذيك تجيه ذيه
اكتم الونات وهذا من طبوعي=ما شكيت الا على رب البريه
والا خلق الله لو تبدي السموعي=كلن يدور على زلة خويه

اي والله اني بنت شيخ واميره=لو قلتها قصدك تردي عزومي
امارتي ماهي باسامي مثيره=أمارتي في عزتي وبسلومي
اشمخ عن امثالك وعيني قريره=قربك ماهو يابن الاوادم همومي
رباني اللي له مع المجد سيره=كسبت من طيبه وزين العلومي
غموض غصبٍ عنك تبقى كبيره=مانلتها ياهيه لو بالحلومي
مار ابتعد يانافخ اليوم كيره=مالك ومالي ياردي العزومي

اكتب بي .. الشعر ياعمري .. وانا اكتبك=وارضيك .. بابيات شعري .. وانت ترضيني
قصايدي.. حبتك .. من قبل .. لاحبك=ماطاوعتني .. بغيرك .. يابعد عيني

لاتلومني / ياحبيبي / ضقت / بأسبابك=إذا / يهمك / علامي/ صرت / متضايق
ماحدن / يعرفك / كثر / قلبي / هو / ادرابك=لو انت / جاملتني / قلبك / ماهو / رايق!
ماعاد / توله / ولاتشتاق / لا احبابك=من / ليلة / البارحه / مانته / بلي / فايق
مار / اعذر / اللي / سباه / الشوق / لابوابك=جالك / وحطيت / في / دربه / لكم / عايق!

ياجنوني.. ليــــه مجنونك.. هبلته
..........................سالبن قلبي.. وعقلي والاماني

قلبي المدفون.. بضلوعي وصلته
..........................مع شراييني..تتدفق في..حناني

انت حتى..الدم بعروقي..شملته
..........................نبضي اللي داخل..القلب ايغذاني

وكل من..غيرك بشرياني.. قتلته
.......................غيرك انت..وغير حبك ..ماحتواني

ايه احبك..واعشقك.. برضاي قلته
......................مالكن قلبي .. ومعطيك .. الضماني

العمر لرضاك.. كان انك .. قبلته
.....................اقبله مني .. ترى ما اسرعه.. فاني

البارحه يامزون ضااااق الصدر ضاق=ومن ضيقتي ضاق الفضا في عيوني
والدمع من عيني على الخد حراق=ياكبر همي ياشقاي .. وطعوني
يامزون حملي حمل ماهو بينطاق=اخااااف عقلي لاتصيبه جنوني
يامزون حظي مثل الاصحاب بواااق=نسي وجودي مثل ماهم نسوني