اسج بآخر ليلي اكتب خطاريش=اوصف شعور اللي تغشّته الاوجاع
ياصاحبي وإن قلّ فزع المطاريش=خِلك حبيسٍ للسهر قض الاهجاع

ادع ربك وانحني له وابتهل=يمكن الدعوه تجي معك وتصيب
دام مبنى العرف عندك من جهل=مالك الا دعوتن عَلّه تجيب
من تردت قيمتك مالك اهل=خالفت دنياك هقوات النصيب
علمك امسى من مراقيب لسهل=خابت علومك عسى عمرك يخيب
جيت تصهل ليت مثلك ماصهل=النَعَقْ ماهو صهيلٍ يالبيب
الفكر شَبّ وشبابٍ أو كهل=ومضةٍ تضرب معاك او هي تعيب
يسبر اغوارك ومن بيرك نهل=يخبر العالم عن اسرارٍ تغيب
جيت لك ناصح على مهلٍ فهل=تسمع اللي يعرف العلّه طبيب
ادع ربك يمكن الدعوه تهل=تفرج الكربه وتطفي لك لهيب
غيرها والوقت الاقشر ما مهل=كم حسودن مات من حسرة صحيب

انا اشهد اني طحت ما سِمّي علي=والعشق مندوبه يفيض من العذاب
واقف على حد الوله اغلي غلي=لا الصوت ينفع والمسج يبقى سراب
قربه هَنا والبعد يصلاني صلي=في غيبته معمورتي ارضه خراب
تعبت اجاهد جفوته كني سلي=العمر فاني والعوض صار اغتراب
اقولها والقلب ماهو به خلي=مزنه روى ريع المحبه والهضاب
اصبحت اهذري بالموده وانجلي=للكل بيّنت الخفا دون احتساب
رضيت به لو كان ياليني ولي=ناره عَمارٍ جعل عاذله التراب
وانا اشهد اني طحت ماسمّي علي=ياللي اصبتن لا تزايد بالعذاب

خلك على مبدا الصدق والصراحه=شخصٍ تبناهن على الراس تاجي
وان قل مردود الحلا والسماحه=عند الولي من يمسك الحق ناجي

والله إني لملي الصفحه عشانك=وانتثر لك ود واطلبك السموحه
كيف لا والعشق حيٍ في زمانك=كيف لا والقلب ينشدكي طموحه

قرّبي لي الكف اعياني السهر=مشتهي ارقد على كفٍ حنون
وان وصلت الخد منكي بلا نَهر=الرجا في ضمة انفاسك تهون
مشتهي اغفى بلا همّ وقهر=جامليني دامني بقولك أمون
عاشقك والعشق مرسول ومهر=احضنينا يومنا جينا بجنون
حالفٍ مانساك لو يمضي دهر=وان مضى ببقى على العهد المصون
قرّبيني لا تخافي لو ظهر=فعلةٍ تصنيفها باب المجون
دام كون الحب بالجمعه جهر=لا تقولي للحيا قرّب لدون
قرّبيني آه أعياني السهر=في حشاكي سلوتي قرّ العيون

يالله اني طالبك سترك وصونك=ترحم اللي بالخفايا ما تغيّر
الكلام يضيع من خلقٍ يبونك=شفّها بالخير تمضي واتخيّر
تغسل قلوبٍ تصدت من مزونك=تقبل انفاسٍ ترجّى واتطيّر
عن سخطك الناس تبكي يرتجونك=عن جهنم ساقهم لا لا تسيّر
وفي رضاك العمر يزهى في فنونك=جنةٍ من طبّها غصب يتحيّر
يااله الكون نطمع في ليونك=تدمح الزلات ما دامه تجيّر

يا إله الكون نطمع في ليونك=تدمح الزلات مادامه تجيّر

ماقلت لك مبدع وغامض ومجنون=واحيان واضح في عيون البريه
يالشمري شفني اتابعك بالهون=اقرى من افكارك نوادر جريه
يمنى الشحم مديتها لك ومنون=تقدير للي عين قافه ضريه
تَسبع ولا تِسبع وتبقى ولاتهون=ويدوم شعرٍ بيّن المقدريه

ان جيت تفرح وان غبت غاب فرحك=يعني مفاتيح الفرح في يديّه
هذا الكلام اللي سبق غدر جرحك=ياليت غدر الجرح ماهو عليّه

خابت ظنونٍ تبيك=ياخسارة عمره فيك
جات تخطي ترتجيك=والجزا غدرك بها

كم .. حذّروني .. من .. غلاك=واقول .. قلبي .. هو .. يبيه
قالوا.. حرامي .. من .. وراك=وانطق .. براضي .. واشتهيه
الحب .. اعماني .. بهواك=والفكر .. عيّا .. يزدريه
اضيق .. بالضيقه .. معاك=وافرح .. لفرحك .. واهتنيه
حتى .. تبيّن .. لي .. خطاك=عزي .. لجاشٍ .. يرتجيه
ما عادني .. راغب .. رضاك=ولا عاد .. نفسي .. تحتريه
طوّحت .. ارضك .. مع .. سماك=اخفيت .. كونك .. دون .. ايه
خلاص .. قررت .. الحراك=من دون .. حبٍ .. او .. شبيه
وان كان .. قلبي .. ما جفاك=خذه .. ما عاد .. إنّي .. ابيه
هذي .. حقيقة .. منتهاك=واللي .. يحبك .. هو .. سفيه

العي عي لين يبلش وهو عي=واليا ابتلش وابلشك كب المعايا

الله .. واكبر .. بس .. يالو .. اشوفك=والله لسوي .. ايه .. ثمّ .. ايه .. ثمّ .. ايه

جيتك على كف الوفا فااارد يديّ=وانته بعد ذوق الوفا تقول : باروح
العين لا سالت من فجوجهااا الميّ=تعني همومٍ ترعد بخافق الروح
تكفى تدارك حالتي يابعد خيّ=القلب من خوف المفارق بدا ينوح

وينها دنياك غيّبك القدر=ضاعت سنيني اراجي ترجعين
الجفا حسره تضيّق بالصدر=فوق قلبي ترتمي غصب وتبين
ليتني ماخترت بالدنيا بدر=النجوم ألوان لكن ما تعين
وليت فكري بالهوا نهجه غدر=كان يقبل بالخشاش وبالسمين
وينها دنياك غيّبك القدر=لولا خاطر شوفتك ما قلت وين

ادري بالوصله عواقب او خطا=مار ارضى بالِوزر دامك قريب
دام دستور الهوا اخذ وعطا=فدوتك عمرٍ تعزوى بالحبيب
من يلوم القلب لو حب الوطا=دامها ارضٍ تمثناها الصحيب
اللقا مطلوب و الستره غطا=لا تخاف البوح زلّات اللبيب
بنتظر وصلك ولو طال البطا=منوة اللي مثلي لا يمكن تخيب
اسع بالوصله ولا تخشى السطا=حبنا ما تلمحه عين الرقيب

ياليت قلبي بالهوى ما تعلّق= ما كان حالي بالخفا يكسر الحال
ما كنت اهلّ الدمع مزنٍ تخلّق=زخٍ على خد الوله يكتب أحوال
كم لي أداري والمشاعر تطلّق=تنشر حقايق للغلا تكشف البال
اشتاق له والعشق نجمٍ تألّق=زيّن سما هايم تغشّته الاهوال
ياليت جاشي ما فتح ما تغلّق=ما كان تاه الفكر والودّ والفال
اليا بغيت الوصل قام يتزلّق=لله ولا الزئبق يضاهيه بافعال
وشلون اجي له واحتوي واتملّق=رجمه وعر متخالفه فيه الاقوال
ولو قلت حبي للرجوم يتسلّق=ما تنفعه والخل يرضع من انذال ؟
ضاع العوض من يوم ثوبه تشلّق=حتى الصبر من جمرة البعد ما مال
راس الحلا لا صار دوم يتصلّق=بالجور محقونٍ وبالضيم همّال
ودك تفكه دام هامه تفلّق=الضرب بالميت فلا يعدّل الحال
ياليتني ابقيت بابي مغلّق=اسلم من النوحه على ذيك الاطلال
وياليت قلبي بالهوى ما تعلّق=ما كان جبت العيد وبينّت الاخمال

راح وفكره اني بجلس واتحرّا=مادرى ان الصداقه غير غير
العشق ماهو مثل ماهو تورّا=الهوى غير الموده غير غير
راح ولكن بالحقيقه ما تبرّا=فكره ماهو مثل فكري غير غير

كُلّمَا بَانَ حَيَاهَا إِرّتَجلّتُ=بَيّتَاً احَفظُهُ قَدِيّمَاً من زمانا
ويّلَ قلبي لو فقدت مافقدتُ=وقتها تاهت مقولة : وش بلانا ؟
والمصيبه من ردودٍ يومً شفتُ=بص .. افندي .. ايه عاوز .. من ورانا ؟
قلتُ [ واوي ] ليتني لَهْ ماعطفت=عَطفُنا جمعٌ تكسّر من عَيانا
ليتني من قبل اشوفك ارتطمت=براس عاير بس ماتضوي سمانا
آلت : النَفْسُ المُحِبّهْ ماتعدت=وصل قولك يا حبيبي .. من زمانا
بعدها .. تهذري عليه - والّتفُت -=وانا مدري وش تبي ..جملة.. ورانا ؟
قلت والقول على قول : التفتُ=ليتهم رقدوا ..ولا .. جيتي معانا
الحقيقه يابُنيه انفغصتُ=وانغفص فكرٍ معايه واحتوانا
آني مدري بالحقيقه لا غفوتُ=أوني مدري بالطمانه يا طمانا
ليتني غيرتً يومني بحثتُ=أو لبِستي ثوب غيرٍ يا هنانا
ابن عمي .. هون .. كلماتٍ تصدتُ=تسحب بساط الموده من وفانا
قولي ..تأبرني.. وانادي .. انبهرتُ=آآي .. يازولٍ ..ادايره بضمانا
اشكره او زاف او حتى خبطتُ=المهم اللبس هذا هو غثانا
آلت اوعى تجرح احبابٍ تلبتٌ=لولا قدر الحب ما شُفتا هوانا
قلت انتي اللي كذبتي ما كذبتٌ=لعنبو حيس سلبتي اللي معانا
قالت استاهل؟ ومن ثم صَمتٌ=سَكتُنا في السلم تعني له رضانا
وكُلّمَا بَانَ حَيَاهَا إِرّتَجلّتُ=بَيّتَاً احَفظُهُ قَدِيّمَاً من زمانا

الطفاقه شي والحنكه ذهب=وش يجيب الشي دامه كالحديد
لا تجي بالساع وتجيز النهب=الخطا محدن يجيزه يا بعيد

المزح نفح الروح عما يضيقه=بابٍ يجيله كل محتاج للعون

يــــــا صــــــا حـــبـــي يــــــوم الــخــلايـــق مـهــاجــيــع
عــيـــنـــي لــقــلــبــي مــــــــا رجـــــــــت بـانــتــفــاعــه ..

كـــــــل يـــــــوم تـــشــــرب مـــــــن عـــذابــــه قــراطــيـــع
و الـقـلــب ضــايــع فــــي هـبـايــب ضـيــاعــه..

يــــــــا جــــايــــز مــلــيــحـــان مـــــــــا هـــــــــي مـــرامـــيـــع
قــــــل وش ســبــايــب عــزلــتــه و انــدفــاعــه ..

بــعــض الــهـــوى خــلّـــف قــلـــوب ٍ مـواجــيــع
و اعــلـــن عــلـــى دنــيـــا الـمـحــبــه وداعــــــه ..

و راع الــهـــوى يـطــلــع صـــعـــاب الـمـطـالـيــع
يـــرقـــب عـــلـــى زيــــــن الـــحــــلا و اتــبــاعـــه ..

يـتـبـع حـسـيـن الــوصــف مــــن ريــــع ٍ لــريــع
و يــقــيــس جـــرحـــه بــالــزمــن و اتــســاعــه ..

و تـــــال الــهـــوى حـــــب ٍ تـــلاشـــى بــتــوديــع
و الـحــب يـــا المـطـنـوخ يُــطــوى شــراعــه ..

لــــيـــــت الــــهـــــوى يــــومـــــر بــــالايـــــام و يـــطـــيـــع
ليا قلت هوّن قال : سمع ٍ و طاعه ..

أهلاً هلا باللي لفونا مجاميع=نفرح بهم كالمزن عقب انقطاعه ..
( يابن النفج ) ( يا سعد ) ( يا مخالف الهيع )=( يا زارعٍ ) بالجاش ود الجماعه ..
قافك لفا ولّع بي اليوم توليع=جدد حروبٍ ما بغيت اندلاعه ..
يالشوشلي ان كان حصّلت توديع=غيرك غشاه الهم دون الوداعه ..
لصبح كئيب مفرع الراس تفريع=واليا غفا هجره يقض انجضاعه ..
ينعى زمانٍ ماحدر به مداميع=لاشك فاض الدمع عقب ارتفاعه ..
لولا الحيا بالضيم للعالم يذيع=ينثر خفا زفرات نفس ومجاعه ..
عزمه وباسه صابهن بعض تقطيع=والدين صمام الهوى عن صياعه ..
خِله جفاه وحالفٍ له فلا يبيع=مجنون يسمع بالوفا من طباعه ..
يعني هفا بالعشق او شارف يضيع=واللي يحوف الحب يحرق صباعه ..
مار امطخ اليمنى وقبّل بتنويع=احدٍ يجيه الخل يعلن وداعه ؟ ..
هذي الحقيقه لو مشاعرك ما تْطيع=لاتقرب الرجعه ولو بَه لِمَاعه ..
والوقت قاتل للقهر والتراويع=والغصن الاصفر لا حيا طال باعه ..
العشق يقشع سابق العشق تقشيع=واليا انزرع بالوصل زان استماعه ..
هذي نصيحه كان ودك لي تطيع=الذكرى افضل من تمني رجاعه ..
وان قلت .. لله .. ماني لشورك مطيع=ابشر بمندوب الخطر واندفاعه ..
نسلب لك المجمول نفدع بتفديع=غصبٍ ينيخ لخافقك .. ما ستطاعه ..
لاشك ما بدّل فراش ومهاجيع=إلا كريه الصنف لاقي بضاعه ..
لكن على ما يشتهي .. امرك .. نطيع=كله ولا تبقى اسير الضباعه ..

ياليتني عندك عن الناس مخفي=محدن يشوفن ياغلايه سواكي
ألعب على كيفي ولا هو بكيفي=غصبن علي انساق قلبي هواكي

ضَاقت عليّ كأنها تابوتُ=لكنما يأبى الرجاءُ يموتُ
ياصاحبي إن غبت عنك مودعاً=بعدالرحيل ينفع الياقوتُ ؟
عجّل فقد سحق الزمان مشاعري=بركان شوقي هائجٌ مكبوتُ
تبكي وتندم في غدٍ لكنما=واضيعاته اذا الاوان يفوتُ

ياتعبنا..
___ياسهرنا ..
ياقهرنا ..
____يا اربانا..
.
.
.
.

والله دنيا
والله دنيا
والله دنيا
والله دنيا
والله دنيا
والله دنيا
والله دنيا
والله دنيا


[youtube]http://www.youtube.com/watch?v=Vck-4N92mqI[/youtube]

الموت موت القلب من زود مافيه=اليا تمادى مات من كثرة اخطاه

ياقلب لا تبين تجاريح الايام=ياقلب لا تبين خفايا شعورك
ما بالبشر ياكود شامت ونمام=ناسٍ يرقّصها تعاسر جبورك

لي بالمحبه والموده عناوين=ابوابٍ اكتبها تفسّر عنايه
تشرح عن العثرات ومقابل البين=وترصد حقايق عن حقايق هوايه

روحي معاهم جعل دربك سهالات=انا مع ذاتي وصادق كلامي
ماتغرني الضحكه ونثر البشارات=والود غير الحب غير الغرامي
جيتك وفا واخلاص وحفظ المقامات=وارفع مقامٍ مايراعي مقامي
جيتك اخو جيتك وليفٍ ورايات=جيتك على كل الامور القرامي
وان كان بالفرقى جمايل وغايات=روحي عسى درب الجفا لك سلامي
اقولها والفكر يرثي البدايات=والجوف حافظ قدركي والعظامي

قالت :=
يانور قلبي يا غلاه وهيامه=قلبي على شوفك شفوقن ومشتاق
حبك غزا قلبي وعزز سهامه=ما عاد لي حيله على البعد وفراق
فقلت : =
ما عاد لي بالخلق ودرق الملامه=بشت الحيا لجلك رميته بالاطلاق
نورك شفا جرحي وقض الظلامه=والعين من غيرك فلا تقبل عناق

لا تقول ان الهواجس تستريح=الهواجس ما تبي منك شفقه
ما تشافى ما تهاون ماتبيح=لين تكسب من على النخل عذقه

ان عشت بالدنيا شجيعٍ وضرغام=والعقل معهن مكتسي بالرجاحه
انا اشهد انك عشة في عيشة اكرام=والعاقبه جنه تساوي رباحه