°~*¤®§(§ شبـــكة ويــلان العـربـيـه §)§®¤*~ˆ°

- منتدى المختارات الشعريه (http://www.weelan.com/vb/forumdisplay.php?f=10)

- - ركني الخاص (كلمات منتقاه) (http://www.weelan.com/vb/showthread.php?t=17978)

رد: ركني الخاص (كلمات منتقاه)

ياصاحبـي مانـي مهـوّل
وأحسب على العقل ولساني
قصّر علومك ولا تطـوّل
الهـرج ماهـو بمجـانـي
أحيـان فالخاطـر يحـوّل
ويحط الأقصى على الدانـي
غرقان في جرحـك الأول
لاتلفـي بجرحـك الثانـي

رد: ركني الخاص (كلمات منتقاه)

يـا حبيبـي لا تخوّفّنـي علـيـك
مـدْ لـي يمنـاك والمخـرج ملـي
السعـاده لـذة القلـب الدريـك
والمفارق تشعبـه شهـب الخلـي
والله اني يـوم اناظـر فـي يديـك
وأتلّمس راحتـك وأشـره علـي
وأسحب أنفاسي على كفك وأجيك
مثل صخره حطها المااا مـن علـي
تقل صارف لي من العساف شيـك
يا ذخايـر ديرتـي وأغلـى هلـي

رد: ركني الخاص (كلمات منتقاه)

عز الله أني سمحت وخاطري منك طـاب
يااللي تهوبل بك الدنيا على ما أشتهيـت
ماني بجابر شعورك والخطـا والصـواب
تصير بين الحبايب غصب لو مـا بغيـت
أحفيت رجلي ورى طرد الضما والسراب
وأنته عيونك قويه بالخطا مـا أستحيـت
الا ليا منهـا وصلـت لمـس الجنـاب
آسف ولابالله الا مـن حياتـي دليـت

رد: ركني الخاص (كلمات منتقاه)

صدر المفارق زهد من قل ْماجـودك
والطرقي الأبرحي يا ماحفت رجلـه
ما بين شحْ الوصال وكثرة صدودك
مالله ومر خاطرك لو يوم ينهـج لـه
تغيب وأحنْ لـك وتشـحْ وأزودك
مشاعرٍ من مشاويـح النيـا وجلـه
تدري وش الموت يوم تشح في جودك
أني أشيل العوز في نفسـي الخجلـه

رد: ركني الخاص (كلمات منتقاه)

شِدّ انتباهك في حضوري وهِزّه
.........خلك معي يا فاقد الذوق واعي

علّم برستيجك نظامي ورِزّه
........فهّم شياطينك فنون استماعي

للمهزلة وقت(ن) وللجد حزّه
........وما للحكي في بعض الاحيان داعي

مااستدرجك بالكاد مثلك أكزّه
........ ويكشف لنا خافيه وامره يشاعي

أية رجل لعنة وجيه(ن) توزّه
........ كيف الأسد يتبع جموع الضباعي!

أية قوي كلمة غبي تستفزه
........ يعلى نباحه يحْسب انه شجاعي

أية شهم تفنى حياته وكنزه
..........يغري بنات الليل واهله جياعي

أية وفي والديره اللي تعزّه
......... كفه يعاون خصمها ما يراعي

أية خوي ما بين نزحه ونزّه
......... بالضيق مقفي والرخا له متاعي

لا تحتري من أقرب الناس فزّه
........ وانته لها يا صويحبي منت ساعي

علّيت شخصك واثبت اليوم عجزه
........ قلت ارتفع قال الزمن: بوس قاعي

ابك الرجولة فيك تحتاج دزّه
........ حاولت فيها بس عيّا ذراعي

شوف الألف تقرا ولو دون همزه
........ هذي انا دونك وهذي طباعي

شفت أصبعي لامن عصاني أجزّه
........ ياكيف ابي مخلوق همه خداعي

ولأن قدري شامخ(ن) فيه عِزّه
........ هذي مقولة صغتها باقتناعي:

من لا حشم قدرك مع الباب لِزّه
........ والشيخ ما يبكي إذا غاب راعي..

رد: ركني الخاص (كلمات منتقاه)

*أفطــــرت ¤يالغـــالي¤
وبليت ريقي§

باقــي عيوني¤صــايمه¤
لين أشوفك§

.
.

متابعة لكِ في كل هدووء وراحة بال

النايفة

حقيقة متصفح راقي وأكثر من رائع

تابعي فديتك

تقديري

هيــــااااا