مُـجرد دخووول لا أكثر


إفتـح شبابيـك الهـوى جيتـك اليوم بحساس مـن زود الولـه عـدًه يطيـر

جيتك مثـل طفلـن لـه ايـام محـروم عـن حضـن امـه أبعدتـه المقـاديـر

وجيتك مثل عـودن لـه ايـام مهمـوم وده يلاقـي بأخـر العـمـر تقـديـر

وجيتك حضن عاشق وهايم ومغروووووم وده يضمك لين تصبح على خير

.
.
.

يا عمي الأسمر ..


قـُمْ نِشْ ..

طِشْ نورِك الباذخ على أعتاب بوحه ...

لا تسْلِبه روحه ...
الدمع ما خرّس ثيابه .. دمعه رقى بروحه ...
من يذرع عيونه طريق ونور ...

يا حِلـْمه المبتور ...

ما عادت الأرض أرض ...
وهذي الحنايا بور...

هذا الفَقِدْ يابس .. والروح تتكسّر ..

يا عمي الأسمر ..


يا نخـْلة الغيّاب ...

في حوشنا المفطوم ...هذا الوجع مشؤوم ..

مِنْ كِثـْرَ ما علـّق ...
على جِدْرانهم .. ألف لوم وْلوم ..

ما عاد تنبت له ... في هالتراب غيوم ..

ولاّ عيون أحباب ...!!
يا كِثـْرَهُم مرّوا على جدران روحه ... باب .. باب ..

ما خلـّفوا في الذاكره ...


غير الذهاب ...


وشْعور .. لا يُعْثر...!!

يا عمي الأسمر..ما قِلت لِك ..

الموت ما يعلم ..


باليابس الأخضر .. يا عمي الأسمر..

دخووولي :

كانك لقيت اللي يعوضك عنـا
حنـا تعبنـا مـا لقينـا بديلـك

وإن كنت زعلان بخطا جاك منا
بالعذر حنا والتأسـف نجيلـك

وإن كان قصدك بالهجر تختبرنا
ترى القطاعة نار تكفى دخيلـك

مقوى فراقك لو تبريـت منـا
أنت الطبيب وأنا اعتبرني عليلك

.
.
.