قمه وروعه غير تسخّير وابداع=تفرّد البصمه علامة علمنا
واصعب من البوسه على عقب الاكواع=يسبر خفانا جاهلٍ ما علمنا

تعود لساني على كلمة ابيك=واشتاق لك باليوم مليون مره
..=
..=
فقلت :=
لا تظلم المشتاق مدام يرجيك=عينه وقلبه في هوا من يبره
ان قلت ابيك يقول مشتاق وابيك=حبك ملا جوف الحشا والمجره

اشهد اني طحت ماسمّي علي=والشعر مندوب عشقي والغرام
جيتلك والقلب فيكي ممتلي=ياهنايه يوم جاوبتي الهيام
كنت اظن اني عن الوصله سلي=مادريت العمر دونك بالحطام
اشهد اني قبل اعرفك واختلي=مافرقت المي واشباه الغمام

ما كل بابٍ لا انفتح ندخله سبق=بعض البيبان نردها وانغلقها
خطو الفتى فكره كما ومضة البرق=يسبر خفايا الباب ويعرف حلقها

عصر الخميس اللي مضى من حياتي=روّح وأنا لازلت حافظ له أسرار
هو يرجع التاريخ ويجلب هناتي ..؟=أو ترضخ الدنيا وتقلب بالادوار ..؟
تاه الفرح حتى الامان فسباتي=ضايع ولا عوّد ولا خفف اضرار
يا سّرِ وإن خانت معاي امنياتي=تبقى في وسط الجوف يا سرٍّ نوّار
عصر الخميس اللي غدت به عباتي=روّح وأنا من ضيقة الفقد محتار

هو=
ليت الذي نهواه بالوجه نلقاه=ماكان ضاق الخِلق والهمّ يسري
هي=
وليته يحس بلهفة القلب لطراه=وعن موقعه بالروح ياليت يدري
هو=
هذي حقيقة ماجرالي برجواه=يدّي على خدي والاشواق تجري
هي=
جوّد عروق الحب تله من اقصاه=ماعاد لي رجعه ولا عنه عذري
هو=
عندي بنى في شاطي الود مرساه=غيره رهيف الحس ماهو بقدري
هي=
ابيع عمري واشتري لحظة رضاه=وغيره حشى مايوم بالبال يطري
هو=
اشد قافي وارتخي في زواياه=من واحدٍ ابسط وصوفه بيغيري

مثل المخيل اقبلت واقبل غمامك=ومثل السراب ابعدت واقفيت بالخير
رح جعل دربك في سرادب عتامك=العين ما تشفق على ضمة الطير