الله يطول في عمر حامي الدار=الي من ايدينه تزيد العطايا
راس الوفاء والعز ومكرم الجار=تشفق على شوفه جميع البريا
بقلوبنا مزروع حبن ومقدار=للي ملك كل القلوب الهدايا

لاصرت ماشعر في غلايه وانا حي=لامت ماينفع بكاك ونحيبك
تعال بدل ظلمة الليل بالضي=ابي احس اني غلاك وحبيبك
وان كان ماتبغى غلايه ياخي عي!!=جمالةٍ كمل بها اليوم طيبك

هنا هنا بالجـوف من دون زلوم
....................... تحدرت من جرح الأحباب دمعه

هنا هنا حظي شلع به أشهب البوم
....................... وهنا طفت من دمع الفراق شمعه

هذا مكاني أمس وبه واقف اليوم
....................... يالله عسى / تكتب تواليها جمعه

البارحه جوه من الضيق مخنوق=والقلب وسطه هم مجهول الاسباب
واليوم صبحه مظلمٍ مابه شروق=جانا خبر نور البلد اظلم وغاب
الموت حق وذايقه كل مخلوق=امر الولي تخضع له نفوس وارقاب
مرحوم ياسلطان من قلب محروق=قلبٍ على فرقاك ثكلٍ ومنصاب
ياعل قبرك روض واجنان وبروق=وفي جنة الفردوس تجمع بالاحباب

اليوم هذا .. غير ..عن كل .. الايام=يومً .. يزلل .. خافقي من .. محله
بأسباب علمً .. تنقله ..كل الاعلام=فيه البلاء .. والبين .. دقه وجلَه
مات الامير الصيرمي نسل الاكرام=وماتت معه .. فرحة وطن .. يبتهلَه
مات الذي .. خيرة ..على كل الآنام=اللي .. تعيش الآف من تحت .. ظله
ابوالفقارى ..والضعافى .. والايتام=يارب .. بأمرك ياغفور .. تغفرله