ماكتبت احلى القصــايد فيك والنـــيه مطيه =لا وربي كـــاذب لو قلت فيك اكتــب قصيدي
كـــاتبه لجــــل الهــــواوي لا سمعها سامريه=يطرب لبدع القوافي وينتظر وش هو جديدي
الغــــلا والحـــب كلـــه لوكتـــبته باجــــوديه=ماكتبته غير فاللي حبهــــا يسقي وريــدي

بدون ماتسألين ...أحسّ نفس الشــعور =كتمـــت بعض الرمـــوز وعـــنك وأخفيتها
يافاهمـــه اقرأي مـــابين تلك السطور=( إن لم تكن هي ) فدليني على بيتها

تعلمت صوغ الحرف من مبسمه وشفاه =اليا مـن تكلــم كل حـــرفٍ لــه عـــذوبه
بنيـــنا الغـــلا والحـــظ وقـف على مبناه =وقـــال ارجعوا محـــدٍ هزمني ولا نوبـه
خـــذته الظـــروف وسبــبت لي ألم فرقاه =وهـــو مقـــفيٍ عني تخطــــا على دوبـــه
وتمــــتم بكلمــــه ماقــــدر ينطقــه بشفاه =وقفــــى يناظـــر لي وأنا ملتفت صــوبه
أنا وين وأنتي وين والحـــــظ من يقـــواه =إذا مــــات فـــرق كــــل غالي ومحبـوبه

رجيتك العمـــر كلـــه يامعـذبني =وشفيك ماتنتظر ليله على شاني
كتبت ماهو عشان تقول عاجبني=مليت من جزله وصح الله لساني
انا وطن شعر لو شعري مغربني=كتبت اجمل جروحي لجـل تقراني