من مولدي وإلين ( ساعة وفاتي ) ؟
. . . . . . . . . . .قناعتي فـ الناس تبقى لـ هالحين .!

أقبح (ثلاثه ) شفتهم في حياتي ؟
. . . . . . . . . . .(الخاين والكذاب ومفرق ) أثنين .!

أنت ياللي تسرق النوم قل لي وش تبي؟؟=ماكفاك إني من الحب همت فكل واد !!
لعنبو حيّك تراك أنت سابيني سبي=ماخذٍ(ن)عقلي وقلبي ولذات الرقاد
أسألك بالله وش تستفيد من تعبي؟؟=غير تقليب المواجع وتعذيبي وكاد
شفت وش سوّيت بالحال ياعنق الظبي؟؟=إمتحنته بالسهر لين حيل الحال باد
وبالنهايه لو بي أذنبت ياعز طلبي=إنت في كفه وكفه بها كل العباد

.
.
.

الوقـت جــن ،، وقــام يلـفـح عجـاجـه
ما للضحـى وجـهٍ ،، ولا لسهرتـي ( ليـل )

والخاطـر إللـي فـاض فيـه إحتجـاجـه
على شحيح ( الحظ ) ،، ( والغيم ) ،، ( والسيل )

مـالـوم وقـتـي لا قـصٌــر بنـفـراجـه
مـا دامـهـا صـقـه اللـيـال المماحـيـل

أبـا أتمـنـى ،،،، مــا تمنـيـت حـاجـه
( أبــي سـلامـات اللـيـال المقـابـيـل )

ماشقاني غير واحد واشقي مرقدي=ان ندهته تعبت وان نسيته محال
سابي الحال مني ياصباح سعدي=ليت ربي يرده يستطيب المنال

.
.
.

[ تعلّقت فيك مثل طفلٍ .. تعلّق في مرآجيحَه..
طآح منهآ ... وكانت مُوجعه آلطّيحه ]

.
.
.

الليل .. وإحساس المعاناة .... وافــي ..
.....ماقصر بزود الغرابيـل ... مشكوور

كريم في مد التعب ..... والتجافي ..
.....إختار له بيتِ من الوصل ..... مهجور

كيف اتعايش .. مع سواد العوافي ..
..... وانا من الخاطر .. يقولون مكسور

يَآربْ وصّلنِيْ ( موَآطينْ آلآمَآلْ )
وإنزلْ علَى قلبَيَ هدوءٍ وسَكينه


وٍ زح عنّي همومٍ علَى قلبَيْ ثقَآإل
مَآخآبْ من يرفَع ل وجهكْ / إيدينَه

الورد يجرح من سموم الهبايـب
والقلب جرحه دمع توديع الاحباب
لو حس شوق المنتظر كل غايب
محد تغرب عن حبيبه ولاغـاب

.
.
.

جيتك وانا مالي من الوصل حاجه
.... واقفيت اخاوي ضيقتي مثل ماجيت

ياليتني ماجيت ناوي المواجه
.... ياليتني عن سكتك رحت واقفيت

ظنيت ألاقي لجرح قلبي علاجه
....خيبت ظني ليتني ماتعنّيت ..!

ياليتنــــي في يــدين الآمــال مسبآح
..............لآصبح وطنـك وكل جــرح ٍ ب/يبـــرى


وألمس تعبك يمكن مع الوقت تـرتاح
..............والقى لحناني في سكتك الف مسـرى

ما هو بكيفك تواصلنـي وتقطعنـي
أما غلا بين (ن) أو فضها سيـره
ياشين لا جيت تقطع لا توادعنـي
ليتك تحس الواع شلـون تأثيـره
يا ماخذ(ن) حب اللي فيني وسمعني
حب(ن) على كبر صعب ابدله بغيره
ابحتفظ فيك وادري منت بنافعنـي
يمكن مع الوقت أقول محبتك خيره

يابوي وينك .. عذبتنـي الليالـي
ليتك تشوف الحال وشلون منصاب
ليتك تشوف الهم واوضاع حالـي
ليتك تشوف الدمع وشلون سكاب
ليتك تشوف اللى بعدكـم جرالـي
حتى الفرح يابوي وياك قد غـاب

.
.
.

وشلون أبلقى للسعادة مواني
.....وأنا مثل ما تشوف مخلوق .. للآآآآآآه

الموت وينه ؟ ليت موتي خذاني
..... تعبت أنا أسأل وين هالوقت وداه

تعال فتش عن سجين المحاني
.... واليا لقيته ذكره بس ....... بالله

إني عطيته دمعتيني .. حناني
.... وإني وهبته من جنوني معاناة ..!

حنا على الدنيا .. ودايع وأمآنات
................ و آلموت يآخذ كل يومن ودآعـه

نحسب حساب أربآحنا فـ التحيات
................ و إذا خسرنآ مآ نصلي جمــاعه

نجمع وصخ دنيا و نجمع عقآرات
................ نخسر بـ نفس الوقت كنز القناعه

و نبني مع كل الأوادم علاقــآت
................ و حنّآ مع رب الأوادم قطــاعه

.
.
.

.
.
.

من رحل عني وأنا أحس بـ { صداع } .. !
.... وكل ما أتذكره / فيني يزيد

بس يا { رأسي } تراه إنسان بااع
.... انت توجعني وهـو عايش سعيد ..!