الجادل اللي ما تلد لأي عين وأي لون=أرويت ضامي شفها حتى غدت بي هايمه
ما عاد تنظر للمدى لالا ولاتنظر لدون=دامي نسايم فرحها ارضيت كيف الصايمه

قلت احاول آتسلى وآتلهى واستدير .. !!=......... واترك الدنيا وراي وما عليَّ من علم .. !!
كنت عازم مادريت ان المحاني تستخير .. !!=........ والعيون ان وافقت مضنونها تنسى الألم .. !!

ياتاج راس البيض طال انتظاري=ياملهمة شاعرك في كل ما جاد
عينك مبيت الزين سبة دماري=وجيدك دفا قلبٍ من البرد قد باد
العاطفه تنثر رحيق احتضاري=في غيبتك يا خلقة الروح والزاد
يامزنةٍ اروت جراهد قفاري=منكي عبير الورد و العشب زبّاد
اتوه في حبك واحث المساري=لجلك تهون امورٍ عظام وكواد
وختامها ياميرتي في قراري=عسى حشا جوفك يضفن بلا نداد

امن المشاكل حملتك للجماله=ومن المشاكل شيلتك للرحم حيل
البعض فكره في جمالك خماله=ورحمة جنابك كنها تكيله بكيل

ياليتني ماغليت حضرة جنابك=ما كنت اعاني كتمة الصد والعوق
لكن فؤادي غصب عني سرا بك=واليوم يشكي نجلة السرق والبوق
يستاهل الضيقه مدامه غدا بك=وش جرّأه ينهب من مطارف السوق

قالواً قديماً في الأثر=الحب مرسول العذاب
والبيض كالدّر الاغر=والعين يملأها التراب
والعشق فيكِ لامفر=وإن تمخضت القراب

يابو فهد اقرب نبي نسمر شوَيْ=نطرح هموم الوقت نلعن ثواها
اضبط لنا الدله على الكيف ياخَيْ=من خبرتك احكر لنا زل ماها
نقطع ظلام الليل من واهج الضَيْ=حتى الملل يفنى لشدة لظاها
سوالفٍ يفطن لها هاجسٍ حَيْ=ما كل من يقرا يترجم خفاها
البارحه والقرص في غيهب الفَيْ=تشابهت به قمرها مع قطاها
توافدوا في ساحتي صاحي وغَيْ=ومطنوخْ ومتنكر وماشي بعماها
الحظ جمّعهم و سادسهم العَيْ=ياصاحبي ماهي على ما تراها
رد الخبر بل الحناجر من المَيْ=الراي مزنٍ وانت تملك سماها
الصمت شيمه كاويه خافقي كَيْ=منها العلامه تايهه في مداها
تعبت اراقب باحتي يابعد حَيْ=ياكيف ابعرف غايتي ومشتراها ؟