رد: ركني الخاص (كلمات منتقاه)
كتبت فيك الوفا والصـدق والطيبـة
قصايدٍ للأسف بتطيـح مـن عينـي (من غدرالأيام جيتك كارهن نفسي) أول قصيدة بعـد منتـي عرفتينـي (ومحتاجلك حيل والله يقطع الحاجة) آخر قصيدة بعـد منتـي تركتينـي عرفتي الفرق بين الشعر والشاعـر بس ماعرفتي وش اللي مرثعٍ فينـي إحساسي اللي ذبحني وراح يذبحني واللي يبي يقلب الدنيا على سنينـي الناس تسمع قصيدي فيـك وتصفـق وأنا أتذكرك يـوم إنـك تخونينـي ....................للمبدع ثامر شبيب |
رد: ركني الخاص (كلمات منتقاه)
يمكـن يكـون فراقنـا رأيٍ مصيـب
خيره .. كتبهـا الله جتنـي وجاتـك مع اني ادري انـت ماعنـك تجنيـب كنك موصينـي وقاضـب وصاتـك رح واترك بقلبي لك أربع معازيـب معزتـك طاريـك حبـك غـلاتـك وإن شفتني أجمع شتاتي .. ماهو عيب باكـر مـع الأيـام تجمـع شتاتـك |
رد: ركني الخاص (كلمات منتقاه)
يارشيد رح قله ترى ثامـر بخيـر
شي ٍ يتـل القلـب كـل ماطرالـه وكانه طلب منك عن الشي تفسيـر جاوب سؤالـه لاتحاقـر سؤالـه قله سمعت بيوم عن ضيقة الطيـر ؟ وعن عشه اللي كان مرقـد عيالـه؟؟ الطير لامن ضاق من عشه يطيـر خان الغصن والعـش دور بدالـه وكانه فهم بتشـوف فيـه التعابيـر لاغيّرت وجهه سرح عنـك بالـه خله وروح لوضعه الحيـن تقديـر ماودي يبكي وانـت واقـف قبالـه يارشيد لو انه بـدا منـه تقصيـر يبقالـه بقلبـي مـكـان ٍ لحـالـه صحيح انا عقبه وانا اخوك في خير لكن اليامن ضـاق جعلـي فدالـه |
رد: ركني الخاص (كلمات منتقاه)
يا معودني على طـرد السـراب
وشتبي فيني اليا ضاع جهـدي ؟ صرت انا وياك نشبه للسحـاب لا تجمعنـا تساقطـنـا بــردي السحاب اليا تساقط بالهضـاب يحيي القاع الحزيـن الجرهـدي بس حنا .. لا تساقطنـا عـذاب نكسر القلب الكبيـر الاجـودي |
رد: ركني الخاص (كلمات منتقاه)
وين رايح جعل هالزول افتديـه
وانت خابرني من البعد انكـوي انت حتى الجرح منـك اشتهيـه من غلاك اضمى عذابك وارتوي انت لا سولفـت ماكنـي هنيـه التزمت الصمت كنـي منطـوي ليه اسولف لك وهي من غير ليه تعرف انك تطوي احزاني طوي انت حبك شي مـا اقـدر عليـه كن حبك ضيف والقلـب بـدوي |
رد: ركني الخاص (كلمات منتقاه)
هي طقه وحده على الراس تكفي
وانا ثلاث منك ما تاب راسي..... مدري معك فالحب ما اخذت شفي؟؟ او كثرة جروحك تموت احساسي؟؟ عودتني اسكت واداري وأخفي رضاك يرضيني ولو كان قاسي وش عاد لو ماجات كفك بكفي؟؟ باسي قوي من كثر ما زاد ياسي.... والله ما اشكي لك ولا اقول يكفي خذ راحتك ما دام هالراس راسي |
رد: ركني الخاص (كلمات منتقاه)
لا ياطبيب القلب خله على مافيه
ترى جرحي اهون من شمات عدواني |
| الساعة الآن (06:52 PM) |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه