البارحه راسي تصافـق طواريـه=والنوم ماله يمـة العيـن حـروه
يلعب براسي صوت صلف المشاريه=ذيبٍ عوى يبغي عشا أمه و جروه
وأنا على الدنيا من الهيـه للهيـه=ماهمني شهـره ولا جمـع ثـروه
همي وغمي واحـدٍ يـوم الاقيـه=كني عليل وشوفتـه محـو قـروه
ياتل قلبي فالهـوى مـن عراويـه=تل الرشـا دلـوٍ ثلاثيـن عـروه
يتله اللي حامـي القيـض حاديـه=يسقي له إبـلٍ مارعاهـا بكـروه
واليوم هذا يا أولـه ويـن تاليـه=والنوم ماله يمـة العيـن حـروه

.
.
.

على غصون السوالف ناحت الورقا ,
وليل المعاتب بعد يوم الرضا / ناوب ,

قدامي الوصل .. والا ( ليلة الفرقا ) ,
خيرتني بينهن , وآخترت ما أجاوب !

صغير سنّ ، وكبّر الوقت .. سنـّي=رهيف حسّ ، وما اشفعت لي صفاتي
مريت في عدة مراحل ... لـكنّي= كفرت بالواقع ... ولا قمت آحاتي
رضيت بالمكتوب وأيقنت بـانّي =أمرّ بـ (أسوء مرحله) في حياتي

.
.

تجمل يالزمان اللـي كثـر قربـك تبـي فرقـاي
مفارق والله صدقني !! مفـارق هالوطـن كلـه

الا ياهل الهوى قولوا وش الحيله وكيف الـراي
هذاك الماضي اقصد به !هوى خـلٍ جفـى خِـلـه!

وداع الجرح ولا اقسى من وداع الجرح غير خطاي
ابرحل وين يادنيـا؟؟ وحملـي ياصعـب حملـه

يازيـن بلّـغ تحياتـي ورد الـسـلام=على سماحة قبالٍ ماآجـده غيـر فيـك
ان كان حالك تمام الحال عنـدي تمـام=احس نفسي ملك سلطان باشـا وبيـك
تملك منـي قمـة التقديـر والاحتـرام=وانا طموحي رضاك الله يرضى عليك
الناس بالكوكب الارضي تسوي زحـام=الاّ انت وحدك بعرش القلب مالك شريك

ماكتبت احلى القصــايد فيك والنـــيه مطيه =لا وربي كـــاذب لو قلت فيك اكتــب قصيدي
كـــاتبه لجــــل الهــــواوي لا سمعها سامريه=يطرب لبدع القوافي وينتظر وش هو جديدي
الغــــلا والحـــب كلـــه لوكتـــبته باجــــوديه=ماكتبته غير فاللي حبهــــا يسقي وريــدي

يسعد صباحك يالغلا وين ماكنت=اشتاق لك لو غبت عني دقيقه
ليتك دريت بحالتي يووم حزنت=حالة غريبا تايهً في طريقه
ضاق الفضاء ماهمني فيه غير انت= من سبتك بالجوف شبت حريقه
عليك ياللي ماحصل يوم لي شنت=ماهومديح اقول هرج الحقيقه
والله في بالي ان قمت ون نمت=لاتجيب طار البعد والله ماطيقه
"كاتب النصّ"

( ليلة خميس )وخـاطري فيه مـافيـه=الله يسامـــح مـن تركنـي لحــالـي
في وحدتي بين التعب والمشاريـه=ارسم على اللوحه سـواد الليالـي
ياهيه بعدك بس من هـو نحاكيـه=في غيبتك من هو يجاوب سوالـي
الحب شفــره بيـن غـــالـي وغاليـه=يعني على المكشوف ياهوه غالي

يشهد الله ماتبكينا الهموم
المواجع بيتها القلب الجريح
والخسارة عقبها فوزاً يقوم

في زمنا مايصح إلا الصحيح

وين انــت يا ملــّهم قصيدي اناديك!!! =الصدر ضايق وخاطري منك ما طاب
اخر قصيدة حـــب موضــــوعها فيك=مضمـــونها ياصاحبي لـــــوم وعتاب
يوم غـــبت عني كـــل يوم احـــــاتيك =انت الوحـــيد اللي عن البال ماغـاب

آمر عليّ يا صاحبي وأنت تفرض =واكتب على قاف الخطوط العريضه
واللي يســــبب لك جــــروحٍ تنقـض=ابشــــر وأنا صاحبك باللي يغيضـه

أقــول قول(ن) وأحتفــظ بقــولي=وبــدع من الاشعــار وأجني دره
وليابغيــت القــاف جاني طــولي=مايبحـــل(ن) طــــاروقها بالمـره
أبني على طـــاروق مايحلــولي=أشــــدها واظمـــــــها واجــــــره
ودي أونس من سمع من حولي=يثــــني علـي ويقــــول لله دره

.
.
.

على باب الرجا كنـت أنتظـر رحمـة مراسيلـه
إلين الله رحمني من قسـاه .. ومـوت أعصابـي

تحملـت الحيـاة البـاردة مـن قلـة الحيـلـة
وأنا أدري هالغياب اللي حصل كله مـن أسبابـي

.
.
.

اللحظه اللي من العـام اتمـناها
....واوليتها الاهتمـام وراحـت لـ / غيري

يمرها .. ( كبريائي ) ويتعداها
....لو تعبت اقدام صبري ما اختلف سيري

يا أرق من شعر وأعذب من حكي طفلة=يا أغلى من أحب وأغرب من يجافيني ..!
جيتي مثل بيت شعر ٍ..جاء على غفلة=ورحتي مثل دمعة ٍ .. ما شاورت عيني ؟

بنيت داخل قلب سالم لك قصور = قصر الغلا والشوق وقصر المحبة
وقصر الوله واحساس صادق مع شعور=ملكتها باسمك ودمي كتبه

.
.
.

واللي رفع سبع وبسط تحتها سبْـع
إني على قربك و وصلـك شفـاوي

ولا جيت أبوح بلهفتي ردنـي طبْـع
قلب ٍٍ علـى همّـه بطبعـه حيـاوي

وسيف النوى اللي من حناياه ما شبْع
ماهـوب لايرحـم ولاهـوب يـاوي

كم له وهو والحزن في سكتك ربْـع
أجحد عناه وهـو مـن الهـم ذاوي

حتى غدا حزني من مفارقـك طبْـع
والموت عندي والحيـاة إمتسـاوي