جازي ولاكن ماهي بأي جازي=ماقبلها مثيل ولا بعدها
جتني وان عن مترف البيض جازي=مدري نكد للعين ولا سعدها
هذا وان ياخوك قناص غازي=والصيده اللي خلتها في وحدها
ياعنق ريم مرتعه بالنوازي=تجفل من الظل الخفي من شردها
والخصر ضامر والقوام ارتكازي=والردف يلفح لامشت شوح يدها
والخد برقه مثل لمع القزازي=وليل الدجا شبيه ظلمة جعدها
وصدر عليه الستر نايف ونازي=خطر على الثوب الحمر من نهدها
والعين عين الحر ماهو ببازي=شيهانة تعرف توقم هددها
حزة قنص شمال غرب البرازي=فريسة الصياد صادت اسدها
قم ياسعد ياخوك قدم تعازي=راحت خويك ما استخار ونشدها
ليته نشد عن اصل ريم البرازي=هي ام ولا ماتلاها ولدها
من يومها ياخوك ماني بعازي=اصبر واسلي النفس وادفع جهدها
قلبي غدى والسبه البنت يازي=راحت ولا ادري وين حروة بلدها