الشوق جاير .. وجـور الشوق لـ عيونك = والحـب بيـّـن .. بـ عينـي .. يوم حبيـتك
يا مبعد .. عنـــاد قلبي .. مايعرفونك = حتى لو إني .. عزفت إسمك .. وغنيتـك
ساندت صبـري .. وراك .. وطاح من دونك = وجيتـك .. وأنا لا بغيت الصدق ؟ .. ما جيتك
أهلكني الوجـد.. وأنت أهلكت .. مفتونك = وعلمتني .. كيف أونـّـك .. لين .. ونـّـيتك
ياليتك .. تشيل دمعي .. في حـِـجر .. نونك = أو ليتك .. تردني عن قول يا ليتـك
مابين سكر عنبـك .. ولـذع ليمونك = شربت مـرّك على شانك .. وحلـّـيتك
تكفا .. فديتـك .. شوي .. شوي .. على هونك = تراك غالي .. وأنا زوّدت .. وأغليتك
وإن شفت .. أهل بيتك المعمور .. يغلونك؟؟ = شف قلبي .. أصدق غلا .. من كل أهل بيتك
لاتسمع الناس .. لو كانوا .. ينادونك = إسمع صـدى صوت قلبـي .. يوم ناديتك
قـل ســم.؟.. أو قـل هـلا.؟ أو قـول .. يا عـونك ؟= ما تدري إنك.. ليا ناديت.؟.. لبـّـيتك
لبـيه .. لامن ضحكـت .. وبانت سنـونك = وأخفيت مبسمـك .. بين أطراف جاكيتــك
حبيتـك بـ عقـل .. لين أصبـحت .. مجنونك = وذبحـت .. شعري .. لأمـل لقياك .. وأحيـيـتك
متى على الله .. تضـمّ.. عيونى .. عيونك؟؟ = وأنشدك بالله قلـّـي .. ليش حبيتــك؟؟