يا ورود الحي فيكن وردةً غير الورود = تملك الزين العجيب أو زود فيها جاذبية
يا ورود الحي وش هي ليا صنفً هي تعود= يا ورود الحي وش هي فلةً أو نرجسية
شكلها عنكن غريب ولونها ماله وجود = وتحدى كان فيكن من حلاها لو شوية
النسايم من حلاها عانقتها في ركود = و هي تهادى في غنجها عذبة نفسً برية
تجذب القلب المتيم في وصايفها بزود = ما لكن معها نصيب و ما لها معكن شدية
الخدود الله عطاها وردتين من الخدود = والثنايا من حلاهن كنهن ضرب ابردية
والخصر ناحل و مبرم كنها مركوز عود = ولا تثنت او تهادت تذبح قلوبً شقية
والعيون عيون حراً شامخً بعلا الوجود = والشعر سواد ليلاً أو كما كحل بدوية
ولا مشت تمشي وكن الارض تدراها بجود = خطوتً تتبع لخطوة في ركود وشاعرية
ولعت في وسط قلبي من هواها كالوقود = كيف قدرت الله اعلم ساحرة وايضاً نقية
بس والله من نظرها غصبً ايجيله ردود = لخبطة بنت الحلال عقول وزنتها قوية
غصب عني يوم اوصف شاعر وقلبه ودود = شاف زينن الله اكبر ما نظر مثله او زية

الله الله

اخي الرائع

تركي صالح


ارهقتنا حتى قرائتها مرات وليس مره

ابداع حد السحاب فوق يافوق

هكذا هي الجزاله كانت هنا

روعتك يصعب تصويرها

هطول عذب من كريم اعذب

صح لسانك مدد بلا عدد

وعلى شانك

ودام سلطانك

تحياتي

وتقديري