قالوا: ملاك اليوم تكتب قصيده=واتحاورَ الشعَار .....يالغافلينا
واللي تحدَاها تراها تصيده=وحنَا سكتنا كننا غايبينا
والشعر تبني له قصور(ن) مشيده=وتهدَم قصور ألنا بعد مابنينا
قلت: الشرف اني بشعري فريده=هزل المعاني لاتقوله علينا
قبيلتي وقت الشدايد شديده=تاريخها يحكوبه اللاحقينا
عنوانها عز وكرامه مجيده=وشعَارها شعَار يالحاقدينا
ياطير ياللي في سماي اتغريده=قله ترى حنا ابد مانسينا
ورث الكرامه من سنين(ن) بعيده=اتَروضَ القيفان خطَت يدينا
تجي جزايلها على مانريده=ومن اعذبه نارد الين ارتوينا
بأفعالنا نرسم زهور(ن) نضيده=وعلى الفضيله والكرامه مشينا
تريح عن قلبي هموم(ن) تكيده=ولو زاد همي مالعاذل شكينا
دايم نسجلها بيوت(ن) جديده=ولو هي صعيبه عنها ماانثنينا
بنت الشيوخ اللي تقول القصيده=واتَنازلَ الشعًار...... يالجاهلينا