يامنتظر ماانتظرت الغطرسه والعيا=حذفت نعلك بوجه الطاغي المعتدي
صحيح وجهه يدنسها قليل الحيا=لكن بفال الكريم يطيب فال الردي
ياعنك لو هو لحاله دون جمع اخويا=الا تشوفه من الذله يروح يعدي
يامنتظر مارضيت الدنفسه والريا=ماقلت احييك يالخنزير وسط بلدي
قلت استلم قبلة التوديع عند اوفيا=ياكلب ماجاك من يحداك عنا حدي
جيشك يعيث الفساد ويقتل الابريا=وانته على منبر الاعلام جيت تهدي
تلعب على مين يااذكى العالم الاغبيا=كل يعرف الشمال انه محل الجدي
لاشك هذا مثل ماقيل حكم اقويا=مدري متى الجرح نقتصه من المبتدي
الله ليت الكلاش اليوم عندي هيا=ماكان قلت انقصي ياايام والا زدي
والله ماتفرح عيونك بشوف الضيا=ولاترجع الا جسد مافيه عرق ٍ ندي
من عقبها ماحسبت اموت والا احيا=دام البنادم ماهوعايش زمان مدي
تعيش يامنتظر ياممثل الانقيا=كنك تنادي على ايام الزمان (اشهدي)
ساعة تخاذل رجال الملك والاثريا=(يكفيني اني فعلت اللي طلع في يدي)

بعد سبتمبر تردد .. غير التاريخ حاله = ويش يعني هالمقوله ودي افهم وش وراها
قالوا المعنى مريكا جهزت جيش الازاله = ياعليها الناس حسب افكارها والا معاها
يعني من اول هي صديقتنا ! وهي ساس العداله!= مانوتنا ياهل الاسلام مبطي ! وش دهاها؟
ليه ياقوم التخلف ليه تصديق الجهاله = اية الوحي المنزل كيف يغفل من تلاها
اليهود ومن تبعهم والنصارى اكبر حثاله = لايزال قتالنا لقلوبهم غاية مناها
لو نصادقهم ترى الله قالها جل جلاله = طالما انا نتبع الاسلام مانكسب رضاها
ماامجد فعل غاوي ماعرف ويش المآله =لكن اوضح حقيقه كود يذكر من نساها
والعرب وان جيت للبرهان من قبل الرساله = مااجمعتهم هذي الكلمه وساروا في لواها
كانت حروب القبائل بينهم رمز البساله= لين في ظل الهدى عاشوا مع المبعوث طاها
جالهم وانور بصايرهم بعد ذيك الضلاله = واشرقت شمس المعزة ساطعه باوسط سماها
الفتوحات ابتدت والكفر ولى بانخذاله = وامة الاسلام فعل رجالها يحرس حماها
ياعرب خلو عرب والدين مانلقى بداله = كان مالمله حوتنا ويش يجمعنا سواها
ودنا الصف يتوحد بعد تفريق ٍ جراله = ودنا نرسم خطط ونشوف وش يطلع صداها
هو على وجه البسيطه شخص يرضى باحتلاله = كل خيرات ارضنا تنهب وتغصبها عداها
يصرخ الشايب ويبكي بعد ماذبحو عياله = تبكي البنت الشريفه بعد ماداسو ثراها
وين وينك ياصلاح الدين دام الحال حاله = اشهد ان الوضع مزري وللجروح الا دواها
انا مسلم شاف شي ٍ ماهو بقد احتماله = مامعه غير الكلام وحيلته ميت رجاها
والحقيقه لو يجي شخص ٍ يناهضها بجداله = ان كل همومنا اللي عندنا حنا بلاها
ملتهين بهالحياه وديننا نترك مجاله = وماابلشتنا غير هيفاء زين رقصتها وحلاها
ومن يربي دقن فينا ماحسب شخص ٍ مثاله = يايترهبن او تغره ناس يجهل عن خفاها
كان ماوجه سلاحه صوب عمه صوب خاله = صار لاشي وحياته عدمها يشبع بقاها
والنصوح الصادق اللي دعوته ماهي حياله = هز منبر خطبته والناس ماخلت هواها
اه وين اهل الحمية وين من يرخص حلاله = وين من باع الحياة وجنة الخلد اشراها
يحترق قلبي وانا انظر مسلم ٍ بان انذلاله = ومن وجودي جدت بابياتي واقول الله عساها
تاصل لفرد سواة المعتصم عنده زعاله = وبالشعوب الغافله منها يتحقق مبتغاها
قلت قولي واشهد اني ماني مدور جماله = ولاعلى من قول محبط قال له نيه نواها
الله اعلم بالضماير والقصيد اصله رساله = اجتهدت ولااتزكى والولي يغفر خطاها
يالله ادعوك بختام القول ونهاية مقاله = لاتوطينا غضبك ورجع امتنا لهداها

قلت قولي واشهد انـي مانـي مـدور جمالـه
ولاعلى من قول محبط قـال لـه نيـه نواهـا
الله اعلم بالضمايـر والقصيـد اصلـه رسالـه
اجتهـدت ولااتزكـى والولـي يغفـر خطاهـا
يالله ادعـوك بختـام القـول ونهايـة مقالـه
لاتوطينـا غضبـك ورجـع امتـنـا لهـداهـا



بيض الله وجهك يالجعفري ولاهنت على هالابيات النابعه من عقل حكيم منير ...