يا صاحبي فالنـاس معطـى ومحـروم=من عاد خلق الله فـي غـزو وسبـي
واليوم نفس الحـال والحكمـه تـدوم=من خالق الدنيا علـى مـا هـو يبـي
الشيخ يبقى شيخ .. حاكـم ومحكـوم=والا الصبي طول الزمن .. يبقى صبي
ولا صرت من ناسٍ يسـدون اللـزوم=لا تنخضـع لاهـل المشالـح والعبـي
ارفـع مقامـك لا تشبـه بالـرخـوم=الطيّب اتعـب معـه والـلاش يهبـي
والناس تعرف كيف توزيـع القسـوم=خـذ مكسبـك وانـا بسنـع مكسبـي
لا تحسبنـي مـن ردييـن الـعـزوم=اللي علـى درب الوفـا تحبـي حبـي
الكسب مـن يمنـاي والعـز محسـوم=والحمـد لله ورث مـن جـدي وابـي
ولا شكيت من الزمـان ابـا الهمـوم=ولا ذرف دمعـي ولا بــل هـدبـي
وماني بطوّف كـل ليـل وكـل يـوم=ايـات كلمـه طايشـه مـن صاحبـي
الاوله مـن صاحبـي عنهـا بشـوم=و ماهو على شانه على شـان شنبـي
بـه شـاربٍ لازل غالـي ومحشـوم=وبـه شـاربٍ ماهـو بكفـوٍ لتعبـي
والثانيـه والثالثـه لاجـل السـلـوم=وان طوّلـت بشـب نـاري بحطبـي
يعنـي العلـوم اللـي تقفّاهـا علـوم=تعمي عيوني خـص لا ثـار غضبـي
وما عاد اميّز فالدفـاع مـن الهجـوم=لا جـات كـورة لعبهـم فـي ملعبـي
اشوتهـا قــدام والقـايـم يـقـوم=واليا وصلت الضاميـه قلـت اشربـي
والا انت مدري وش تبيع و وش تسوم=من يوم خليـت الذكـي مثـل الغبـي
راحـت عليـك ام المخابـي والكمـوم=واليعربـي يعـرف كـلام اليعـربـي
واذا بغيـت تعـرف تفسيـر الحلـوم=مسيلمـه كـذاب .. ومحمـد نـبـي

امــرمـــر(ن) مــر فـــي دنــيــتــي لــــــي=وأمــــر مــــر(ن) مــرلــي فــــي حـيـاتــي
لاجـانــي الـعـانــي وانــــا مـامـعــي شــــي=ودي تـجـيـنــي قــبـــل يــاتـــي وفـــاتـــي
إن أعـتـذرتــه ظــــن 00ظـــــن الــرداءفـــي=وأنـــا الـــرداء 0ماهـوصـفـه مــــن صـفـاتــي
أضـحــك واهـلـيـبـه وانــــا مـنـكــوي كــــي=مـــن خــوفــي التـقـصـيـر فــــي واجـبـاتــي
ومـــن لاأشـتـهـر بـالـجـود صـيـتــه وهــوحــي=مـاطـالـع(ن)لـه صــيـــت عــقـــب الـمـمـاتــي