المشاركة الأصلية كتبت بواسطة سالم صالح (المشاركة 335279) الله اكبر عليك يابو راكان راااااااااااااااااااااااااااااااااااائع دائما اعجبني هذا البيت الذي يضاهي قصيدة الله اكبر يالغلا صار كذبة = وصارت مشاعرنا مجرد حكاية اوراق تلعب والزمن فيه حسبه=بآله نجمعها وقرر معايه

بقلمي المتواضع

.
.
.

كل ما حصلت نكك مع المتواجديـن
رحت اسجل لي دخول .. وتواجد وحركه

وانت متوقف نشاطك حوالي ساعتين
نكك معلق إلى غبت .. وش له تتركه ؟

منتدى حسك مهو فيه يلقى حاجتين
تنفر الزوار منـه .. ولا فيـه ابركـه

.
.
.

لاغبت عني اسـأل الله الـســلامــه ..
مـانـي معــيّـن من ورى غيـبتك خـير..!

ياصاحبي قدرك على العين والراس=ماهي بكلمه قلتها والسلامي
بالفعل يسكن بين روحي والانفاس=هذا ترى طبعي وهذا وسامي

يا حلم الأيام .. ماعينت لي ظلـِّي
غادي ولا أدري هبوبك وين ودّنّه ..

كل ما ضوى سراج حولي جيت له كلـِّي
شوق .. وعيوني على القاع يتحرّنّه..

هذا الزمن ماهو زمن قولت الحق=هذا زمن اكذب ونفاق وتربح
لاتصدق بوقتٍ ترى طق في طق=ولاتحرق شعورك وتجلس على بح

إليا دخلت وشفت لَــ أسمك تواجد=أفز كني شايفك في الحقيقه
صحيح غيرك ناس في الارض واجد=بس أنت عندي فارقٍ في الخليقه ..!!

.
.
.

كل ..ماتخيلتك .. مع .. انسان ..غيري
كني بسكرة موت .. والموت .. توه

عن كثير الهرج خوذي زبدته=حكمتن تكفيكِ عن كثر الكلام
لو غلايه نور وإنتي طلّته=مادرج بالارض عتم ولا ظلام

عطني دقيقه بعدها روح ،، مابيك !!=عطني دقيقه ،، بعدها .. ما أبيني !؟؟
خلني اشمّك و احضنك .. لين ألا قيك=خلني احسّك ،، هالدقيقه تبيني ؟!!
اخاف باكر .. ماتجيني ولا اجيك=والقى يدينك ،، ترتعب .. من يديني !!
اخاف يهزني الشوق ،، واصرخ اناديك=ويرجع صداك يقول ... لا تحتريني
اخاف اصك الباب ،،، تصرخ شبابيك=واخاف اشوف الكون ،،، ماهو بعيني

جيت اعتذر للحرف والشعـر والقـاف=وجيت اعتـذر للدمـع والليـل والبـوح
جيت اعتذرللهمس مـن قلـب ميـلاف=قلـبٍ مـلاه الوقـت طعـنـات وجــروح
يابنـت أنـا كنـي علـى جــال ميـهـاف=مثل الـذي بـس ينتظـر نزعـة الـروح
خايـف وانـا مـن قبـل ماكنـت خـواف=واضحك وانا في داخلي صرخة النوح
لوجيـت اعبـر لـك يخونـن الاوصـاف=انـسـان متحـطـم ولا فـيــه مـصـلـوح
مات الأمل , واهداف ماعندي اهـداف=من بعد مـا انـا كلـي اهـداف وطمـوح
ماجيت لـك مـن شـان ترحـم وترتـاف=جيـت اسألـك اياتنـا اليـوم مذبـوح؟؟

.
.
.

ماودي ( أجرح شعورك ) يوم تقرآني .،!
ضـآيق من الوقت مدري من (بعض نـآسه)

( يّا صبح بُكرآ ) .. طلبتك لاتحرآنـــيّ .،!
قلبي لفظ مع دموع البّارح آخر ( أنفاسه )

.
.
.

غريب , أدور , عن أماني - كثيره !
البرد قرّب , يا حزن : يالله , ( أنْام )

شكراً - على كل [ الجروح الاخيره ]
عرفْت - أنا وين الحقيقه , والاوهام

لو , ضاع مني حلم بآموت , حيـره
وشلون لو ضاعت من آيْديني أحلام !

مآ بقـى فينـي عزوم ولا جـلاده=يـا مقاديـر الـليـال العنجهـيٌـه
يوم صاب احساسي الثاير بـلادَه=ليه صمتك يقلـب الدنيـا عليٌـه؟
كان قصدك يا الـليال اذكر وداده =لا تعبتي مانـي بحاجـة وصيٌـه

ابو دانه

شهادتك وسام على صدر اخوك واتشرف والله باطرائك وتواصلك .....





ـــ ـــ ـــ ـــ ـــ ـــ ـــ

اللي يحسب ان الاوادم تراعيه / قله مجرد لملمه في شتاته

مريض نفسي جعل ربي يعافيه / وفي مثل وضعه ماتجوز الشماته

يعيش جو العشق والحب والتيه / بين القصايد والأغاني حياته

ولياحفظ له بيت جابه يدربيه / على المسنجر لين تيبس لهاته

وعشرين واحد متصل من محبيه / والكل منهم جاهل ً في صفاته

لو حط لك قلبه على راحة يديه / ولو جاب لك شمس الضحى في عباته

لاتصدقه .. وصدوف بقعا توريه / وشلون يصرف من قصيده زكاته

أسابق الساعة وتسبقني الساعة=تقضي وانا توني باول ثوانيها
ابشتري وقت وين اسواق بياعه=ياللي تبيع الدقايق حد واشريها

تعبت أسولف لك .. وأنا ما تكلمت=أسكـت أنا وأتـرك عيوني تكلّم
لاتفهم احساسي ولا تفهم الصمت=مـدري وش أسوي علشان تفـهم
ودي أقول فـ يوم كم فيك أناهمت.!=لكنّي خايـف,,خايـف أقـول وأنــدم

كلٍ على قـد مقـدوره تقـدم إيديـه
والجوهرة ما خسر بالسـوق جلابهـا

ورسالةٍ دون ظرف يبان وش تحتويـه
اللي دراهـا قراهـا قبـل يبـلا بهـا

ماجيت اقبل كفوف ولا اتوسل اوجيـه
والناقصه والردى من حظ من جابهـا

وترا معمر ولو قالوا خبـل او سفيـه
بعض المسفه ينـال الساقـط اعجابهـا