رد: سجل دخولك للمنتدى ببيت شعر اعجبك
الـــحـــمـــالــــي:
إتجـر وخلـك داخـل المحـدود لا تصـرف الـدولار باللـيـره وإن كان هبت بك هبوب النـود سلم علـى الحـرّاب ومشيـره ---------- |
رد: سجل دخولك للمنتدى ببيت شعر اعجبك
بـــــن حـــمـــري:
وسط الرياض وجيرة ابن سعود ماهيب جيـرة مسكـب البيـره كم قلت لك دون الرصاص حيود يا جاهل النعمـان فـي الحيـره ----------- |
رد: سجل دخولك للمنتدى ببيت شعر اعجبك
الـــحـــمـــالــــي:
الليل في وضح النقـا المجـرود يـا صاحبـن كثـرت معاذيـره ياشعيل باقـي لـك ثـلاث ردود ويصير لـك رحلـة وتسفيـره ----------- |
رد: سجل دخولك للمنتدى ببيت شعر اعجبك
المشاركه رقم 10000 بعون وتوفيق من الله ؟! / / بـــــن حـــمـــري: وضح النقا في الليل ؟ ذي منقود *** راحت على ( نـوّاز ) كشميـره امّا سوالف خبـش مابـه فـود *** ولاّ ابن برمـان اخلفـه طيـره ---------- الـــحـــمـــالــــي: العلـم جابـه حـاوي ومـردود *** وانت إلتمست وصابتـك غيـره ما قدمـك إلا ريعـك المسـدود *** ومن خلف شبينـا لـك النيـره ---------- بـــــن حـــمـــري: ادبل حمول الغـزو يالمضهـود *** ما ينفعـك فـي العلـم تزويـره يحميك قولـة ضلعنـا الممـدود *** تذبـح مناهيـلـه مناصـيـره ------------ الـــحـــمـــالــــي: إن راحت علومك سهود مهـود *** بانـت عليـك وجالهـا سيـره وإن كانها راحـت لعـاد وهـود *** الـعـود غالـيـةٍ مكاسـيـره وسلامتكم يا السامعين ؟! |
رد: سجل دخولك للمنتدى ببيت شعر اعجبك
ابيات قديمه ..
من عقب مادست شرع الحب بااقدامك = ماعدت ولفي وأنا ماعدت لك ولفك تدري بأن الذي يخون قدامك = أفضل من اللي يخون الحب من خلفك !! |
رد: سجل دخولك للمنتدى ببيت شعر اعجبك
وش تسوي لو عشقت انسان ماهو من نصيبـك
لا لك بهالوضع يد .. و لا له بهالوضع سبه !! وشهو ذنبك لو غدى من بين خلـق الله حبيبـك تعرف إن قربه محال .. و قلبك مصمم يحبه ؟! |
رد: سجل دخولك للمنتدى ببيت شعر اعجبك
كن كل عيون خلـق الله عيـون ٍ لـه تذيبـك
تنثر احساسك جمر ملح وْعلى جرحك تصبـه و اللي كاسر ظهر قلبك و بشقا الدنيا مصيبـك عارفٍ بانّك تحب .. و ما يعَرْف انّـك تحبـه |
| الساعة الآن (08:42 AM) |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه