.
.
.

البارحه والليل يشكي من البرد
............... والهم ساق الحزن سوق السحايب

سريت ليلي انشد احلامي الجرد
............... وين الّذي يشفي جروحٍ عطايب

سمعت صوتي في صدى الصمت يرتد
................ لا شوق لا همسه ولا قلب ذايب

غاب الحكي وحروفي آعدها عد
................ احكي لمن! دامه عن الروح غايب ..!

.
.
.

ليت الليالي. علمتني . بالأقدار
حتى ابتعد . ويزيل عني خطرها

مير . الليالي . ما تبيح بالأسرار
تضحك لنا . ساعه . وتبدي كدرها

.
.
.

ليت الحكي في موقف الحب ينقاد
ونقول كل الي نبيه ونريده

ونترجم الي في حشى الجوف وقاد
ونأخذ ونعطي بالمعاني الفريدة

وندفن هموم اليأس في نشط الاسهاد
ونرحل على مركب حياة سعيدة

مير التمني صعب والحب يزداد
في قلوبنا واللي نقوله نعيده

.
.
.

كان الغلا ضاع .! قلبي ما بعد ضاع
هـذا نصيبك .... وانا هـذا نصيبي

لـو بيننا شـي ما يشـرى وينباع
ناديت خضـر الطعون وقلـت غيبي

جيتك من اقصاي متشوُق وملتـاع
ما فيك عيب ..! اندفاعي كان عيبي

وان قلت صايرغريب طبوع واوضاع
حتى انت .. ما عاد احسّ انك حبيبي

.
.
.

غيبتك لو هـي دقيقـه تعتبـر صـدّه
الوقت دونك سجـن وغيابـك اسياجـه

لا تعتذر لي تـرى ماعـاد فـي شـدّه
اعيد حكي ٍ يكـود الصـدر مخراجـه

دامـه يوصـف بجـود ابيـك وبجـدّه
وشلون تبخل على المجروح بعلاجـه؟

ووشلون قـاوااك قلبـك رده وصـدّه
مع انه بيّن عليـه الضعـف والحاجـه


للشاعر / محمد بن فطيس ..!!

وحطيت راحة يدك مـن تحـت خـدك ..

وخليت عذال الهـواء تدفـن الجـوع
فينـى وتـروا مـن مشاريـب عـدك ..

قلـبـك مـثــل قـلـبـي مـكـبّـل ومـسـجـون
أحـــــرارمــيـــر قـلـوبـنــا مـسـتـحـلّــه

عـسـى الـغـلا لازال بالحـفـظ والـصـون
والله يـبــيــحــه لا تــغـــيّـــر مــحـــلّـــه

أهديتـنـي جـمــرهـ عـلــى راس غـلـيـون
وأهـديـتـك مـــن الـعـمـر شـيـحـه وفـلّــه

عاشقكَ : لآ من طريت ومآ عرف يحكي
كن السحابه تسلّف لا امطرت [ خدّه ] !

و ماهو علشان , جرحك يوجعه .. يبكي ,
يبكي علشان شوقه .. فاض عن حدّه !








عاشقكَ : لآ من طريت ومآ عرف يحكي
كن السحابه تسلّف لا امطرت [ خدّه ] !

و ماهو علشان , جرحك يوجعه .. يبكي ,
يبكي علشان شوقه .. فاض عن حدّه !

.
.
.

حفظ الله ابو متعب ..
وأعاده إليكم وإلينا وهو يرفل بالصحة والعافية

.
.
.

لا زلت أحبك حتى لو كنت - مو لي
الدرب هذا غير - وللحين - أمشيه

على غيابك , ماقدر أردك :- بـ شي
ولو كنت أمّلكْ شي واحد بـ سويه !

.
.
.

محـتـاج اقــول وحاجـتـي تـكـبـر والايـــام تـعــدي
ابـي اعـرف اللـي الـي .. وابـي اعـرف اللـي علـي


كم لي وانا افني في رضا الغالين حيلـي وجهـدي
ولاشفت حول احساسهم رغم الضما والقيض في


وصديـت عنهـم والنـدم لازال ينهـش فـي جسـدي
والـدمـع يلـقـي راحـتـه لاطــاح فــي راحــة يــديّ

بين الفضاء والأرض موجات الأقمار =داخل نطاق الذبذبة والتصاوير
هون على نفسك مسافات الأسفار =وأطلق عنانك مع فحول المشاهير
ثم طير فالعجه تجول بالأقطار =وألزم حدود الكيمرا وأدهن السير
وأفهم قواعد فلسفة وزن الأشعار =وألا أشتر الجزلة وسوق المغاتير
أصعد قمم وأركز علم وألفت أنظار =ثم دسم الشارب بمدح المناعير
عوض خسارة فآيتك وأمدح كبار =تلقى لمشروعك توسع وتطوير
مثلك تربع فالقمم وأصبح ستار =وغيرك تربع يا ذكي جمة البير !
نجمك سطع في قمته والرحى دار =وأخفى نجومٍ ترتجي بالزمن خير
مير إنتبة يا صاحبي قدمك إنذار =فاتورة الكهرب تنص التحاذير
سدد فواتيرك وسير على البار =ولا يرصدك ساهر يزيد المخاسير
يأهل المنابر جايد العلم وش صار =كلٍ يحسب اللي على كيفه يصير
أنبح على المنبر وتلقى لك إثمار =ثم رز وجهك فالفضاء بالدنانير
شريت لك بيتٍ وحطمت الأسعار =وجريت صوتٍ لك على نغمة الزير
رصيدك البنكي يرزك وتحتار =فالمبتغى مابين وارد وتصدير
يلو تبي بالمال نشفت الأنهار =ذليت نفسك يا الذكي بالتزاوير
وألا أنت بالميقاف خاين وبوار =مالك مع الأحرار كلمة وتعبير
أبعد عليك من السماء درب الأخيار =اللي رقوا للنايفه دون تقصير
ذولا لهم بالمجد قيمة ومقدار =ماقدموا مثلك من الجهل تقرير
بينك وبين أهل القمم تفرق أعمار =تب يا ضعيف النفس وأذكر زمهرير
يلي مكاسبكم تفاهات الأفكار =أنتم حرار وبالمواجه عصافير
أفكارنا تعرض على كف تجار =تبرز رخومٍ بالخفاء تنفخ الكير
ويلي على درب الهوى تشعل النار =أرفق على نفسك وكب الغنادير
الراس شاب وعادة الوقت غدار =وطير السعد ياقع على الغصن ويطير
وحنا على طرق الهواجيس شعار =نصور الأفكار من باب تصوير
مابين صدر وعجز وآهات وأفكار =ننسج خيالٍ جودته التعابير
الله يكافينا صواديف الأقدار =العمر يجري بين هرجٍ وتفكير
ويامل قلبٍ ناشه الهم وإنهار =وأصبح بقايا قلب ذاق التعازير
والعين هلت وبلها مثل الأمطار =ترجي رفيقٍ باعدته المقادير
أسوق رجلي بين الأوطان دوار =وأقف على درب التهاويل وأسير
يا شوق رد الروح من واهجٍ جار =وأشفق على اللي لوعته المشاوير
وألا أعطني من صافي الحب تذكار =يطرد عن المجروح كثر التفاكير
يا أبو عيون وساع والطرف سحار =منتك يالسابي ولا منة الغير
تمون وتهون المصايب والأخطار =ولجلك وقعنا فالخطر دون تبرير
القدر يبقى بالصدر رمز وشعار =وتبقى ونبقى في غرامك مباهير
يبو رموشٍ رشها الكحل محتار ! =بالوصف والمبسم عسل خير تدبير
أرجع ورد الروح لا ناشك الضار =وحرر خفوقي من عنى الهم تحرير
طالت سنين العمر والحب جبار =وكتاب عمري ما ورد فيه تبشير
ما من رفيق اجيه واشكيه الامرار =يا كثرهم قبل أمس وقت التياسير
فالعسر صدوا واتركوني على نار =و فاليسر جوك ويم بيتك مسايير
وقتٍ يميل بلحظه يمين ويسار =والناس في كفيه ورد و مصادير
وأختامها يا لله وأنا عبدك البار =ألطف بحالي يا ولي التدابير

المشاركة الأصلية كتبت بواسطة محمد بن موسى (المشاركة 327434) بين الفضاء والأرض موجات الأقمار =داخل نطاق الذبذبة والتصاوير هون على نفسك مسافات الأسفار =وأطلق عنانك مع فحول المشاهير ثم طير فالعجه تجول بالأقطار =وألزم حدود الكيمرا وأدهن السير وأفهم قواعد فلسفة وزن الأشعار =وألا أشتر الجزلة وسوق المغاتير أصعد قمم وأركز علم وألفت أنظار =ثم دسم الشارب بمدح المناعير عوض خسارة فآيتك وأمدح كبار =تلقى لمشروعك توسع وتطوير مثلك تربع فالقمم وأصبح ستار =وغيرك تربع يا ذكي جمة البير ! نجمك سطع في قمته والرحى دار =وأخفى نجومٍ ترتجي بالزمن خير مير إنتبة يا صاحبي قدمك إنذار =فاتورة الكهرب تنص التحاذير سدد فواتيرك وسير على البار =ولا يرصدك ساهر يزيد المخاسير يأهل المنابر جايد العلم وش صار =كلٍ يحسب اللي على كيفه يصير أنبح على المنبر وتلقى لك إثمار =ثم رز وجهك فالفضاء بالدنانير شريت لك بيتٍ وحطمت الأسعار =وجريت صوتٍ لك على نغمة الزير رصيدك البنكي يرزك وتحتار =فالمبتغى مابين وارد وتصدير يلو تبي بالمال نشفت الأنهار =ذليت نفسك يا الذكي بالتزاوير وألا أنت بالميقاف خاين وبوار =مالك مع الأحرار كلمة وتعبير أبعد عليك من السماء درب الأخيار =اللي رقوا للنايفه دون تقصير ذولا لهم بالمجد قيمة ومقدار =ماقدموا مثلك من الجهل تقرير بينك وبين أهل القمم تفرق أعمار =تب يا ضعيف النفس وأذكر زمهرير يلي مكاسبكم تفاهات الأفكار =أنتم حرار وبالمواجه عصافير أفكارنا تعرض على كف تجار =تبرز رخومٍ بالخفاء تنفخ الكير ويلي على درب الهوى تشعل النار =أرفق على نفسك وكب الغنادير الراس شاب وعادة الوقت غدار =وطير السعد ياقع على الغصن ويطير وحنا على طرق الهواجيس شعار =نصور الأفكار من باب تصوير مابين صدر وعجز وآهات وأفكار =ننسج خيالٍ جودته التعابير الله يكافينا صواديف الأقدار =العمر يجري بين هرجٍ وتفكير ويامل قلبٍ ناشه الهم وإنهار =وأصبح بقايا قلب ذاق التعازير والعين هلت وبلها مثل الأمطار =ترجي رفيقٍ باعدته المقادير أسوق رجلي بين الأوطان دوار =وأقف على درب التهاويل وأسير يا شوق رد الروح من واهجٍ جار =وأشفق على اللي لوعته المشاوير وألا أعطني من صافي الحب تذكار =يطرد عن المجروح كثر التفاكير يا أبو عيون وساع والطرف سحار =منتك يالسابي ولا منة الغير تمون وتهون المصايب والأخطار =ولجلك وقعنا فالخطر دون تبرير القدر يبقى بالصدر رمز وشعار =وتبقى ونبقى في غرامك مباهير يبو رموشٍ رشها الكحل محتار ! =بالوصف والمبسم عسل خير تدبير أرجع ورد الروح لا ناشك الضار =وحرر خفوقي من عنى الهم تحرير طالت سنين العمر والحب جبار =وكتاب عمري ما ورد فيه تبشير ما من رفيق اجيه واشكيه الامرار =يا كثرهم قبل أمس وقت التياسير فالعسر صدوا واتركوني على نار =و فاليسر جوك ويم بيتك مسايير وقتٍ يميل بلحظه يمين ويسار =والناس في كفيه ورد و مصادير وأختامها يا لله وأنا عبدك البار =ألطف بحالي يا ولي التدابير

.
.

جزلة من راس جزل يا بن موسى

عسى الله يعينك .. ويعين الجميع على هالدنيا

صح الله كلك :)

.
.
.

أنا في داخلي حاجه ولا أدري وش هي بالضبط
ولاني قـادر أكتمهـا ولانـي قـادر أبديهـا

متاهه داخل أعماقي بحـر حيـره بليـا شـط
خذاني موجها العاتي خذانـي عـن موانيهـا

أبهرب من غموضي مير ماباليد حـل وربـط
ضياعي كلن يشوفه حقيقـه مقـدر أخفيهـا

.
.
.

إنتظرت إنك تحِس بْحاجتي للّي اقولـه
وُدّي إنّك لو بكلمه تلمس اللي بالخفايا