اللي قلـوب أكثـر العشّـاق فـي يـدّه=تسعـى لغاياتـه .. وتطّمـح لمقصـوده
لو كان ماهيـب ورث ابـوه عـن جـدّه=لكنّهـا كسـب حجانـه وعنـقـوده !!
سلمتـه الـروح وأغليتـه علـى البـدّه=يرعا مفالي حشـاي .. ويـارد عـدوده
من كثر مـا أتـوق لـه وأغليـه وأودّه=تنقص مقامات بعض النـاس مـن زوده
عليـه الأشـواق .. محتـرّه ومـبـردّه=ويلي على نفحة النسنـاس مـن نـوده

اللي عطاك لسان معطيني لسان !=واقدر احطك بين ضرسي ونابي
لكنّ أسكت وآتجاهل على شان !=مافتح لـ رديان المخاليق بابي