إن كان ظنّك بالهجوم السلامه=يمناك تقصر من خطا الظلم والزور
ما كل من يسبق ينول العلامه=والكذب عزمه للملا غصبٍ يخور
لا تفتكر انك رقيت القرامه=مثلك على ماقيل في جرهدٍ بور
تستاهل الخيبه ولا لك ندامه=ياكيف تنسى ان الزمن وقت ويدور
مار انتبه للوعر وارض العدامه=قدامك المشوار ومن بعده السور
وان كنت تبغى النصح وفج الظلامه=يمناك صوبنها عن الظلم والزور

الله يلوم اللي يلوم المواليف=لاصار لبس الخل لبسٍ إلهي
محلا من النظره وفتح المظاريف=إلا لذيذ الطعم لا صار راهي

تبقى الحثاله في زمان الحثاله=متنومسه ظنه على الراس والعين

ذيبٍ عوى لج الضلوع المحاديب=هز المسامع يوم بالصوت نادى
جاوب صدى والصوت لا جاوب يجيب=خافي الحشا يوم الحشا له تنادى

الرجال اصناف والدنيا دروس=والبشر مافيها رايه او علم
والحظيظ اللي تربى مايحوس=نايفٍ يبقى على روس القمم
من قديم الوقت والهمّه ضروس=عاليه لو كان ما تملك قلم
مارضت بالضيم او بعض الجلوس=دون حلمه ما تصاغى للرمم
وان سمعت القاف او نبض الهجوس=تدري ان العز مبناه الألم

ياعيونٍ كل ما ناشن فرح=حال دون الفرح مندوبٍ حزين
كن سايق سعدهن منهن طرح=فائهن للتاء سوّد بالسنين
صار نبض الروح ترجامه ترح=واعذاب اللي حياته ماتزين
لو يشين الوقت او خله جرح=قال عادي بالنوايب مغتذين
ماعرف للانس او عمره مرح=من حياته بالمصايب للدفين
مره قالوا انه بالصدفه سرح=في مغبة انشغال العاذلين
قالوا انه للغظي هاض وشرح=بيّن الخافي على كف الونين
وقبل ما ينهي الحلم صابه قرح=وانتبه والاهو بارض العابسين
هن عيونٍ عانقن فرحه ترح=كلّ ما لمسن سَعْدْ امسى غبين
ناصبٍ له بالتعاسه له صرح=مايهده عزم او حظٍ سمين

ان صخا بك وقت او هو ما صخا=خلك لكتم المشاعر لا تبوح
البشر وان شح نزفك او رخا=ماتفيد ولا تلملم للجروح