.
.

أتغنّـى بحبّـه ، و أعشـقـه ، و أشتكـيـهْ
للـسهر ، و القصايد ، و التعـب ، و الجـراحْ

أبتعد عنه ، و أزعل .. و آتضآآيـق و أجيـهْ
و ألتمس له من أعذاري .. , و أقول السمـاحْ

أنشغل عنه ؟ ما أقدرْ ! .. و إن قِدرْت : أحتريهْ
ساكن بوسط قلبـي .. مـا أذكـره يـوم راحْ

.
.

سلام الله على ظلم الفرآآآاق وقسّـوة الأيـام ..
........... عسى ربي يسهلّ لك طريقك وتحيآ وتـدوم

رح ووجهك بياضه من بياض الصبح ماينلام ..
............ وانا ..؟ من مدّة ايدين البخت ( يرضيني ) المقسوم ..

أنا ( أحبك ) .. . ومـو لآزم تصدقني
أنا ( أبيك ) .. وذبحني الشوق بغيابك

أنا بدونك حزيـن ومـآني طآيقني
أنثـر بقآيآ حطآمي .. وأجمع عتابك

قلبي وهـو قلبي إمعيـيّ يرآفقني !
شِوفه ذبحه الحنيّيّن إيطقطق أبوآبك

.
.
.

ماعاد باقي سوى [ رصاصة الرحمـه ]
أدخل على الله وسوّّ معروف وأطلقها !!

.
.

الموت لامن بكيت و جيت محتاجك
و طرقت بابك و لابه ناس تفتح لي

:(

صبآحكمـ رضا ومغفرة من رب العبآد ....


مناجآه
.
.

ألا يالله ياللي تجلي الأحزان بالأفراح
ولك كل الخلايق تلتجي في ساعة الشده

عزيز الشان غفار الذنوب وفالق الإصباح
ومن فضلك يدين أهل الوفاء والجود ممتده

ليامن عدو أصحاب التجارة فايض الأرباح
يفوز اللي سعى في طاعتك والكذب ماعده

ألا يالله عبدك يرتجي عفوك على ماراح
ليامنه ذكر ذيك الذنوب الهم يحتده

تذكر للذنوب اللي عليه امسجله بألواح
وخايف من عذابك لاوقف لوح العمل ضده

"سكن في الحزن واستيسره واطفاله المصباح
ومن زود الحزن مما جراله مابنى هده "

تنصى باب عفوك والدعاء في ضيقته مفتاح
وجاك يحسب ذنوبه بعد ماطول الصده

الا يالله عليك المشتكى يا مالك الأرواح
مصير الآدمي لك يلتجي وإن طالت المده

" ألا يا الله طلبتك ياعظيم الشان يافتـــــــاح
تعيد اللي مشى في سكة الأحــــزان وترده "

وكل ذو نعمه من الله مع الناس محسـود
-----------------------------وانت غير الناس والناس غيرك وانت غير
الله اعطى الناس حـد وعطـاك بلاحـدود
--------------------------وان عطاهم خير انته عطا لك شي اخيـر

.
.

مابقى شـي ٍ بأقولـه غيـر شـي ٍ مـا يقـالا
والله ان الصمت حكمه ,, مير راع ِ الحق صايب

ان كتمته !؟ قامت اضلوعي من الغيـره تصـالا
وان حكيته !؟ مل ّ قلب ٍ مايبي فرقـى الحبايـب

قلت : بالله يا ( زماني ) اركد اشـوي ٍ تمـالا
قال : توك وان عطاك الله عمر شفت الغرايـب

.
.

عـرفـت إن السـهـر يـسـرج .. عـلـى كــف المـدامـع خـيـل
..........وعرفت إنك .. نسيت إني أحبك // والجفا تجريـح

.
.
.

عزي لمن مثلي جفى النوم عينه
يسهر و همـّـه بين الأضلاع يجتال

قلبي من الفرقــى تبيّـح كنيــنه
فرقى الخليل الي خياله على البال

وجدي على شوفه .. وضحكت جبينه
ثم آنشده عقب البطى كيف الآحوال ..؟؟

.
.

ليتني عشت عمري في زمان الرسـول
مير دون الأماني ما حصل لـي مجـال
من حصل له زمان أمجادنـا بالخيـول
ما تمنى يعيـش العولمـة بالجمـال !!

كل شي بالدنيا ترى ماهو اول=وكل شي في عيني تراه امتساوي
حسبتك اقرب شخص والرد طول=دامك غني عني تراني غناوي

ابوهيثم

كل شي بالدنيا ترى ماهو اول=وكل شي في عيني تراه امتساوي
حسبتك اقرب شخص والرد طول=دامك غني عني تراني غناوي

ابو هيثم

ليه ياقلبي تدور ولا تِقَرّْب=خايفٍ من طعنةٍ عقب الأمان؟
كان حظك بالخفايا ماتِجَرّْب=صفّ نية خافقك وإنخ الزمان

.
.

زمن عدى على ذاك الفراق اللي تقول اليوم
وأنا أرشف من يمين الجرح نزف.. وأشكر الساقي

نبت للحلم ريش وقلت: أهده في فضاك يحوم
ولكن خانت فجوج الوساع!!وضاقت آفاقي

.
.

جيت مثل اللي يدور نور في وسط المغارة
.............ورحت مثل اللي معرض قربته والسيل ثاير

اغليك ياشمعة الخفاق وسراجه
محبتا لك ولا غيرك لها معني
ماني بتايه ولاني مضيعا حاجه
لاشك بقايا غرام لك وتدفعني
اجيك كلي امل بك يوم نتواجه
تهدي جماح الكفا لحظه وتسمعني
الرجل ماهي على العربان دواجه
ونفسي لغيرك تعرضني وتمنعني
يامن سهوم المنايا باسفل حجاجه
والليا تبسم دلع خطرا يضيعني
شف نارك بعدك وسط الروح وهاجه
ماغيرك احدا بعد ربك بينفعني
نفسي ترا لشوفك بالحيل محتاجه
بالله غير مسارك لاتودعني

يرضيني المقسوم خيري و شري = سبحان من لا تعلم الناس غيبه

أحدٍ على ربعه يحب التحري = للشر بلاس و خيره بجيبه

هذاك يالربع انا منه متبرّي = لو عضّني ناب الدهر ما انتخي به

شفت الفَرَاش اللي تساقط على النور=أكيد تدري ليا نطفى وش مصيره
ليا شفت مغرورٍ وقع له بمغرور=لا تنتظر من ردة الفعل خيره
لاتنشغل بالصوت والفعل مخبور=مافيهم اللي مايغالط خبيره
الشبرمي لو قال للذيب طرطور=اثنينهم متقاسمين الفطيره
ذنب الثنين اللي بنو مجدهم زور=كلٍ لسانه ناسله من جفيره
متبادلين السب من عدة شهور=ياحول يابعض العقول الضريره
من بينهم دم الادب صار مهدوم=مافيهم اللي عن هلاكه يجيره
الدور للي ينتظر بالحكي دور=يبونها تاقف وصار جريره