زمجري يحروف شعري شعللي قاف القصيد=جمهري بالشعر قومٍ ماتحب الجمهره
جرهديهم يالنوادر زلزليهم بالوريد=علميهم بالمعاني كيف شعر المقدره
شاعرٍ قافه تعلا يوم منطوقه فريد=شجرته في كل غصنٍ تورق وفيها ثمره
ونوّه اللي لا تجلى واضحٍ لو هو بعيد=لو يكون النوّ جره من قلم في محبره
تجتمع حوله مشاعر واتعصّب له اكيد=تثبت لقلب المنافق كيف كان ومحقره
هاجسي لامن تبيّن يحتضن هرجٍ سديد=يسبر اللي مايشاف بعين ثمٍ يحضره
طاحت اشباه الحثاله دامها مثل العبيد=ماتعلم لين تضرب لين يوطى صابره
شايشه وقت العوافي قبل مايحمى الحديد=خانسه عند الحقيقه ثاويه في مثبره
آسم رقابه نكايه وسمي يصبح له نشيد=كل يوم تعانق اسمي راكزٍ في منحره
وزمجري يحروف شعري مثلكي لا مايبيد=النحت في الصخر ماهو مثل بعض الابخره
وافهم افهم يا صغيّر دامك بجوي بليد=الحشو مايدحم إلا من يشابه ناظره
اهد وارتع بالفضاوه مالك بهام الشديد =شيٍ أكبر من مقامك يوم صنفك مبزره

يالتني اقدر على البعد وفراق=مار البلا بالبعض كنه اوخيك
اقرب من النسمه ومحيي للاشواق=وِدّه ملامس شي من قدر ابيك

العيد جانا والتهاني تتالت=وانا بدون الخل ماني معيّد
افرح لهم واضحك وبالعين بانت=لهفة رجا إني مع الخلق أعيّد

ياكثرهم اللي يبونا نتفرق=من فرحهم العيد يصبح بعيدين
ناسٍ عروقه بالخفا ما تعرق=متعوده قطع الوصل بين الايدين
لكن على ماقيل قبل اتطرق=هذي يميني فارده دون الادنين

قالت .. وقلت : =
قالت : هويتك والغلا هايمٍ فيك=والعين ياعيني رجاها تشوفك
قلت : الهوا عذبٍ ومتمسكٍ بيك=والروح ذهلى من تكامل وصوفك
قالت : طويتك للوفا والوفا ليك=باللين ياخلي اجيك واحوفك
قلت : البقى بالوصل وبالوصل احييك=عهدٍ عليه يالحلا ما أعوفك
من بعدها واوضاعنا هيك في هيك=مره كذا ومرات يمكن تروفك
متذبذبن حال الهوا لوهو يعطيك=ذي حكمتي يا سامعي لا تطوفك

أهلاً هلا بك ياهلا بك هلا بيك=يالشاذليه النادره في وصوفك
يازين حظي يوم تقبل خطاويك=من لهفتي حتى النغم في حروفك