زفر قلب العنا بين الضلوع وهده المشوار=ونا اجمع زفرته وسط الحشا وقطع شراييني
اذوب ما بقابي من عصب في جسمي المنهار=وغني للفراق اللي سقاه الدمع من عيني
ورا شمس الغلا غابت وباقي للشفق سمار=ورا بنت الهوا تابت بعد ماراحت اسنيني
((انا اللي من ردا حضي جمعت الثلج فوق النار=ونا اللي غلطتي خلت صباح النور يخطيني))
صحيح اني هويت اللي هويته دون ما يختار=قدرنا والخطا ماهو خطاه ولا خطا ايديني
عطيته من جنوني كل مارد بالغلا جبار=وتركته مع ضلوعي لا نبض قلبي يسليني
اقطعله من الدنيا خلايق وستبيح اعمار=لك الله لين قطعني غلاه ابحد سكيني

الشاعر///عوض محمد القطياني

ألا ياوجودي وجد من له ثلاث ابكار=غدن مع غياب الشمس برضن خلاويه
على ساقت اذهوبن قضا ليلته دوار=بردان مقوي والهبايب شماليه
تنحت به الجره وهامن على المحدار=تلوح البروق ومنوياتن لوسميه
على الصاحب اللي حطني بين غار ونار=بعيدن وذا قربتله مقدر الجيه
حصرني غلاها حصر ثاني وجي مرار=كواني فراقه كيتن فوقها كيه
نزع واهسي بعده ولاجت فروج اخبار=انشد ولا القا من يجيب الخبر ليه
هواجيس بالي بالمسا والصباح اكثار=تجمع هواجيسي وعيني شقاويه
غرقان في حبه ومابه احلام احرار=على مواجهه عيني شفوقه ومبليه

الشاعر ///متعب المطلق

شفاه الله