اسجّ واغفا واسرح شوّي وآفيق

واروق لوماني بصوب الرواقـه

وأن جيت ابكشف ماتكنّ المعاليق

تحكمني سلوم العـرب واللباقـه

.
.
.

واحد من جابه الله بس يامر ويعصاني
الوحيد الي اخاف ازعله وامشي معه سيده

ما بغيت اطيح بيده لين ما ربي بلاني
ولا انا لو هي بكيفي ما بغيت اطيح بيده

ذاك بس الي ليا من جيتله لخبط كياني
الي بنظره ينشف دم قلبي في وريده

قبل اشوفه اجمع له احلى القصايد والمعاني
وان لقيته ما عرفت اقوله جمله مفيده

الف مره قبله اعد القصيده من لساني
ولعنبوه ان جيت عنده قمت اخربط بالقصيده

امدحه ونا ادري انه لو تباطاني نساني
انطحه ونا اعرفه مجنون وافكاره عنيده

.
.
.

بعد ماطالت الغربه رجعت لـ غربة إحساسي
.... أنا مالي وطن ما دام جمع الشمل تفريقه

حبيبي مثل سيفٍ لا تركني ولا قطع راسي
.... عروقي حار فيها الدم ليت الصارم يريقه ..!

ودنا بالطيب بس الدهر جحّاد طيب=كل ما تخلص مع الناس تنقد غشّها
يدك لا مدّت وفاء لا تحرّى وش تجيب=كان جاتك سالمة حب يدك وخشّها
كل ما شبيت نار المحبة مع حبيب=قام يسحل في مشاهيبها ويرشّها
وكل واجهت لك بالزمن وجهٍ غريب=مثل ما قال المثل دام تمشي مشّها
وذمةٍ ماهي بتندار للحق المصيب=جعل قشاش الحطب لا سرح يقتشّها

.
.
.

شي عادي انك تجي .. و توصل { اعجابك ~
بس انت ما تدري انك " جيت في وقتك" !

مريتني و النعاس يغازل اهدابك
كنك عرفت لـ مزاجي لين وافقتك !

تايب عن الحب لكني , من أسبابك ..
حطيت رجلي على دربه و سابقتك!