وين انت ياللي ماتطول بأقامتك = وانا وقلبي والغلا محترينك
احيان اقول انك تجي من شهامتك = واحيان اقول انه يجيبك حنينك
وان قلت لك ماابيك قامت قيامتك = وانا قلت أحبك موت عرّق جبينك !!
إلين مااعلنت بخفوقي زعامتك = وصرت بعيوني وش حلاتك وزينك
لو كان حظي ماخذا لون شامتك = كان الجفا ماحال بيني وبينك

يـالـيت قـلبـي كـما طـير نفض ريشه = لياضاقت الأرض يصعد للسماء العالي
مـالـه ظـروفٍ تـرده عـن مـطاريشه = إلــيا نــوى ، حــرّك الــجنـحان طـوالـي
الـحب ذالـوقـت مـاتـروى مـعاطيشه = مــع عــالــمٍ يــخلـطون الـمر بـاالـحالـي
يـومـين ، والـثالـث مفارق وتطنيشه = والـقلـب سـالـي ومـن هم الهوى خالي
يـامـفتش الوضع وش تبغي بتفتيشه = يـابـعد فـرق الـهوى الأول عـن الـتالـي؟؟!!

خلنـا نسـأل بعضنـــا وينـه الـــدرب السليـــــم ؟!! = أخــــاف في نفـــس الطـــريق اللي جمعـنــا ..نفـتـــرق !!

النـاس كـلٍ علـى دربـه ومنهاجـه=وأنا عن النـاس مابـه شـي يفرقنـي
إلا أني دايم أحـب الصـدق وأواجـه=مخلوق .. و الله على هالوضع خالقنـي
حتى رفيقي ضمـاد الجـرح وعلاجـه=على كثر ما أتمّسك فيه .. صدقّنـي ..
لو أدري إنه مرافقنـي علـى حاجـه=لأمسّكه حاجتـه.. وأقـول : فارقني

انت تدري كـل شاعـر يهيـم بكـل واد = وأنهم دايم يقولون مالا يفعــلون
أبك انا لو قلت ابنساك وأنكرت الوداد = يمكن أطلع لا عشقـتـك ولاهـم يحزنـون

احلم ما ادخل مجلس الا به رجال=افضل رجال بكل ذيـك القبايـل
ماهوب شرط أنه ولد عم ٍ وخال=أنا ولد عمـي حميـد الفعايـل

لكم ودي

ليتنا مثل الهدب والرمش ياعمري نكووون =لو تفارقنا ثواني نبتدي لحظه عنااق
ليتنا مثل الطفوله بالبرائه ما نخون =ما ندل الا طريق الصدق ما نعرف نفاق
ليتنا مثل الامومه قلبي وقلبك حنون =لا انت ترضى فراااقي ولا وانا بعدك يطاااق
ليت حبك لي جنوني مثل ما حبك جنون =وليت شوقك لي مثل ما أنا على حر أشتيااق