بقطـع السبحـه وفـل احبالـهـا =والخرز ماني علـى لمـه شفـوق
ثـورت البنـدق علـى شيالـهـا=افضح من الكذب في صدر الصدوق
المـواقـف تنـعـرف برجالـهـا=الحرار الـي نظرهـا فـوق فـوق
هـي جمـالاً ماتمـل احمالـهـا=ليلها لـو طـال يقفـاه الشـروق
مـا أواخـذ مـن يزيـد اهبالهـا=ناقصين العـرف رقـاع الشقـوق
ذنـب مـن طفـف علـى كيالهـا=مخسر الوزنه على ذنبـه لحـوق
يامدايـن مـا تـضـم اعيالـهـا=خبريهـم عـن معانـات العقـوق
تبكـي الفزعـه علـى رجالـهـا=لا طفت ضوه بعـد لمـع البـروق
اقتبـس للمفـرده مــن قالـهـا=واعرف المعنى على كل الطـروق
مـا يعـيـد السالـفـه قوالـهـا=وما يعاف البوق من طبعـه يبـوق
كـم قوافـل لا غفـى جمالـهـا=تطمع ا لحنشل ويالفهـا السـروق
والقـرود الـي تحـب المالـهـا=لا فلست هي هي على نفس العروق
يـا محيطاتـاً عبـرت اهوالـهـا=جاوبيني بنزف قلب ودمـع مـوق
أسالـي نفـس المعـزي مالـهـا=وش حدها عن معانـات الخفـوق
كان هـي عشقـه كتـب موالهـا=لايقـه بلـي تسمعـهـا تـلـوق
فلسفـة فكـراَ رقيـة اجبالـهـا=ومن سبر طول النخل يلقى العذوق
دافـن المعنـى بفيـض سهالهـا=يفتهمهـا راعـي العلـم السبـوق
خأيـف السبحـه تفـل احبالـهـا=واصبح المطلوب للنـاس محقـوق
جيبي اليمنـى اظـن اولـى لهـا=واضمن بيمنـاي لا يمكـن تبـوق
وخبروهـا لـو تسـوق دلالـهـا=مانـي الفنجالهـا عجـلاً طفـوق