الغالي فهد بن غبين

ابشر بعزك

ابشر بعزك والوفاء جالكم بوع
جيتك ياابن غبين وربعي معايا

العز لك منا على كل مبزوع
امر وحنا لك ندوس النحايا

من غربي الحره الى شرق ميقوع
ومن الجنوب الشامها لك تلايا

حنا بني عمك بنا المجد مطبوع
كم ديرة منا تعرف السوايا

وايل ووايل فعلهم يفني جموع
بالمرهفات اللي سوات الشظايا

حريبهم في مرهف الحد مقموع
ودخيلهم ارواحهم له عطايا

كم راس شيخ من علابيه مقلوع
حتى شيوخ القوم صاروا سبايا

وانامن اللي مالبسوا جوخ ودروع
لا ثارت الهيجاء لبسنا الحنايا

من فوقهن ناخذ لنا حروة سبوع
تشهد لنا افعالنا باالمطايا

كم ضامر يوم اللقاء جالها روع
وقلوبنا ماحسبت للبلايا

اشر وحنالك ترى جند وقموع
ناخذ بثارك ياشريف الربايا

وابشر بعزك والوفاء جالكم بوع
جيتك ياابن غبين وربعي معايا

وسلامتكم

ارجوا السموحه على القصور
ياابن غبين وابشر بالفعل ياغناتي