يا لعن أبو علم ( النحو ) خربطيبه = يا حلو ( فوك ) إذا تلفظ بها ( فاك )
( وعمود شعري ) فدوتك وإلعبيبه = ( والقافية والعاطفة) من ضحاياك
و ( وزن الشعر ) تفضلي كسريبه = يا روح روحي كل شي فداياك
‏واللي يقول الحب ما هو غصيبة = أنا أشهد إنه ما عرف وش مزاياك
السالفة مهي حبيب وحبيبه = ولاهي بقصة ينثني دونها إدراك
أنتي عجيبة إي وربي عجيبة = وكل المعاني تنحني عند ماطاك
جيت أوصفك في بيت عجزت أجيبه = أخاف بيت الشعر ما يكسب رضاك
يا داهية يا كارثة يا مصيبة = أمنتك الله وش تحطين بشفاك ؟
بيني وبينك شي ما ينحكي به = لكن - قسم - لأصدح به هناك وهناك
يا جنة الحب العظيم ولهيبه = يا أعظم بشر يعيش مابين الأفلاك
عندي طلب في خاطري صرحيبه = يمكن خطا ! وأنا كفيل بخطاياك
موال شعري دندني غرديبه = تكفين حري به هذولا وذولاك
وهذا قصيدي كسري وأرثعيبه = واستانسي ما عاد يوم أتحداك