ساعة غبرى وكل أحداثها ملعونه = حضّر الشيطان فيها وأعتلى بنيانه
في جفاف الفكر وبروق الزعل ومزونه = فوق أرض الشوق وعيون الرضا عميانه
الحكايه يوم جاني ما جهلت ظنونه = نفسي ونفسه على هذا اللقا شفقانه
أبتدت مزحه ودارت وأنفخت بالونه = كل مّنا كبرت براسه وأخذله خانه
في طقوس النــرفــزه .. مونه ولا هي مونه = قلت كلمة .. صّحت بقلبه حمم بركانه
عـّــكرت صفو المكان وغــيـّرت من لونه = وقام من غيض الزعل يتكلم بحرمانه
فاض من حزنه وضاقت بالدموع عيونه = منكسر وأنا صحيت بزلة ٍ مليانه
مّــش دمعه في طرف ردّنه وصوت شجونه = أقتحم سمعي وكــّـسر نفسي الغلطانه
كـّـن راسي قام يشكي حيرته لمتونه = مثل من جاب المطمه في وجيه أخوانه
لونـكــرت أن المشاعر داخلي مضمونه = ما نكرت أن بغيابه حالتي تعبانه
كل ما جيت لطريق بضيقة ٍ مكنونه = ما لقيت أيات ســكــه توصل لنسيانه
يدري أنه بالمحاني درة ٍ مصيونه = والغلا عقبه تنكر سقـّـفه لجدرانه
أشهد أن البعد من يخضع تحت قانونه = مثل من يخضع بذله في ثرى عدوانه
والغلا بركونه وشوقي بعد بركونه = والعيون أللي برجوى جيته سهرانه
كيف أوصّله رسالة نفسي المشطونه = والصبر حيله فتر من صده وهجرانه
علمووووه //// أن بدر متأسف وضاق بكونه = ما قصد يزعلك // متنرفز /// وزل ألسانه