قم ياشعر وارفع يدين الكرامــــــــه = القاف طيب والنشاما عزيزيـــن
ياعزوتي ياهل السطر والزعـامـــــه = سلام اسوقه للرجال الميامــــين
ياعيال وائل محتمين الجهـــــــامـــــه = يحق لي افخــــربربعاً سلاطـــين
الجعفري يهدي عليكم ســــلامـــــه = ياربوعنا ياللي على الطيب ماشين
الوائلي مايوم داس المــــــلامــــــــه = الله خلقنا للمعـــــــزه عــــناويــــن
حنا لنا بالطيب ذروة ســـــــــنامـــه = ومن انتخى فينا نجي له ملبــــــين
يامملكة وائـــــل ياعــــز وشهـامــه = تشهد لنا وسط الملاقا الميــــاديــن
حتى وغدنا يحتمــــي في مقامــــه=والطيب واضح والمخاليــــق داريــن
تفخر بنا عرعر وتبكـــــي تهـــــامه= ويسمع بنا اللي ساكن الهند والصين
والحظ معنا جايدن بابتسامــــــــــــه = ماتشوفنا وسط المناطق مـــــلاييـن
يدعي لنا اللي ماتهنى بمـــنامـــــه =ويدعي لنا السيف المصقل مع الديــن
لاصيح الصائح وقط العمــــــــامـــه= نجي مثل سيلاً يحـــــــوف البلاديـــن
وكلٍ تعزوى والفشق في حـزامـــه = حنا نشق جيوب ناساً مغلـــــــــــين
والطيب في كل القبائل علامــــــــه = وكلٍ خذا قسمه نهـــــار الاكاويـــن
ماني من اللي يختلف في كلامـــــه =اجيب مضمونه واجيــــب البراهــــين
يشهد لنا الماضي لايوم القيــــامـــه = انا على عســـــــر المواقف شجيعين
جالك كلامي واستمع في ختــامـــه = بيتاً يضمن ضمن عـــــــدة دواويـــن
ان الزعــــامه مالهــا الا الزعـــامـــه = وعيال وائــــــل قايدين البــــلادين