آخر حدود الغلا لأول بدايات الغرام= وأنا بداياتي معك تنذر دنو نهايتي
هذا الكلام إخذه وجاك وإفهم مضامين الكلام= أضن العباره واضحه وماتجهلك حكايتي
أستشهد بقمة جبل شهد عبارات الهيام= الله يذكر هالجبل بطل فصول روايتي
جيته بمره زايره وعجزت لأرد السلام= من شهقتٍ وسط الضلوع والضلع راحم حالتي
قال العفو يالوافيه أبسألك قولي علام؟= كنتم تزوروني سوا وتستانسو بزيارتي
واليوم أشوفك ذابله وحدك عسى مابه خصام؟!= قولي عساني فدوتك وسدك تراه أمانتي
قلت آه والله ياجبل أنا اللي بالآخر يضام= وإلا أهو بينسى غلاي مثل ماينسى حكايتي
يالضلع انا عقبه انتهيت ماأضن باقي لي كلام= يكفي أقول اني انتهيت هذا إختصار لحالتي