فديت العنـق بوشـاح القلايـد=فديتك.. بالحلـى يـأم الفرايـد
فديتـك ياعيـون ٍ ناعـسـاتٍ=تغني للوصـل عـذب النشايـد
فديت المبسم الـوردي فديتـة=فديت الخد ... بـراق الرعايـد
فديت الضحكة اللـي جننتنـي=وغمزاتٍ علـى خـدك شهايـد
فديت اللثمة وخصـر ٍ جذبنـي=فديت الريـم مزمـوم النهايـد
انا ..أكتب في وصوفك وأتـردد=وحسنك فـي عيونـي يتزايـد
طيوفـك بالليالـي سامرتـنـي=أعيشك بالرخى .. ضيم الشدايد
إلبي دعوتـك يـاروح روحـي=وأجيك أمشي على دروب النكايد
أنا.. لو لاك وش لي في حياتي=أعيش أبها على شانك وعايـد
أشوفك في مقامي في جلوسـي=أشوفك في منامـي ع الوسايـد
أشوفك بالحلم وأصحى أشوفـك=تصحيني علـى قولـت وكايـد
أشوف أبك البدايـة والنهايـة=وأغني فيـك احـزان القصايـد
أنا ..عشقي مثل عشق الملوح=عشق ماشاف في حبة رغايـد
أنا.. أشبة لبو زيـد الهلالـي=من أشواقـة فـلاذاق الفوايـد
أنـا قصـة نهايتهـا كئيـبـة=على أجزاء.. تنشرها الجرايـد