اقتباس:
وياهلابك والله حضورك هو التميّز والجمال واستمرارك معنا معناه استمرار الرحلة بجمالية الشعر وسمو الكلمة لاهنت يالغالي وابشر بما طلبت قريبا سوف تكون رحلتنا مع الشاعر عائض بن حامد وستكون رحلة ممتعه ورائعه احترامي لك وتقديري |
سمو النفس / الشعر صالح الضويحي . . هنا المح مسارات تلألأ النجوم تتخلل حضورك .. واضافتك وتثير في الفكر تأني القرأة وتتحول الأسطر الهامدة الى ازهار تتناثر اوراقها فرحاً حضورك .. بعثرتك أضافتك .. تفننك رائع وبهــي لاعدمنا تواجد قلم مثل قلمك يُسعد لـه كل من قرأ سـ أكون متابعة لحرفك وحروف ضيوفك .. من الشعراء والأن سـ أضع للفكر متسعاً من النقاء لقرأة مايوضع هنا . أطيب التحايا |
.
اينما يحل الضويحي فحتما ان الابداع يحل هناك شاعر احبه حبا جما .. وكان يمتلك موقع انترنتي كامل .. ومن الله عليه بالهدايه فترك النت هو شقيقي الاكبر ابوثامر وكان يكتب باسم عازف الناي :) اليكم قصيدته عيدية نوف والتي كان لها صدى واسع
جاني يقول العشق حاله براها = نظره وصاب القلب منها هبلها خلا النصيحه يوم عينه عماها = يبي يخف هموم روحه دبلها الجمره اللي رغت عنها وطاها = وامسى يعاني حرها ما احتملها لا تشتكيلي نظرتك مبتداها = خايف يكون بمبتداها اجلها ذكرتني ياخوي نوف وشقاها = هيضتني وهالحين فكري وصلها عيني قبل مثلك وما جاك جاها = العام الاول يوم ربي حولها قامت صباح العيد على عماها = تمشي ورى المجهول رجلي عجلها يسوقها الخالق ويدري بداها = مقسوم اشوف اللي زماني جهلها لمحتها تجلس واخوها وراها = تلبس قديم ثياب جسمه خزلها وهناك شايب في فراشه قداها = اضنه ابوها وعارف وش عللها تبكي وبكاها بصمت زود حلاها = ملعون ابوها كيف يرضى زعلها وفي ملثم أسود تغطي شفاها = وادري ورى الملثم تغطي عسلها ماحطت المكياج ربي عطاها = وعيونها الرحمن منها كحلها اشبه بشمس الصبح اول سناها = مطلع جبينه غرته مافتلها حتى الصغيّر صاح يطلب رضاها = (يلتغ) اذا قال الحروف بعجلها مدري شلون ابدى كلامي معاها = حتى اسلوبي ضاع في معتزلها عيدك مبارك قلت والحقت آهــا = ليه العيون الحور زايد هملها حقوقك يابنت البادية من خذاها = تكلمي ياهنووووه يكفى خجلها وصـدت وانعاس العين أو هو حياها = مدري ثقيل الرمش جفنه هدلها تكلمت ومن انت حتى تباها = وش دخلك لا تسألن في جدلها قلت ابن وايل صاحبك في صداها = انا عنزي يابنت روحه بذلها وردت خلف ميتي مواريد ماها = ونعم هل الطولات وايل نسلها معاك الشمريه نوف هذا ضناها = والشايب اللي هناك يطلع رجلها تقول ابويه ظالم في قضاها = وانا يتيمة ام وين احتملها وادعتها والعين هليت ماها = ونفسي ثقيل الياس ضيع أملها هذي عيدية نوف في منتهاها = ياليتني ما شفت نوف وعملها تحياتي لكم |
الاخ الشاعر //صالح الضويحي
يسعد مساك اما مداخلتي هي استفسار عن مايطرح هنا من القصايد هل هي كلها من نظم الشاعر عايد بن ضافي ألاخ المسيكي مساك الله با لخير كتبت شفت السلف فاتوا على جيش وامهار ***********وشفت الضعون المقفيـه والغناديـر ويوم أختفوا طلعت بـرا عـن الـدار *********فزيـت أبرقـا نايـفـات العناقـيـر الياآني بحوش وبين بابيـن وجـدار *********مامن سلف حولـي ولامـن مظاهيـر احلام ليـلٍ مـن هواجيـس الأفكـار ********سوّن بلقبي فـي منامـي مصاخيـر طرى عليّـه سجـةٍ عقـب الأمطـار *******بدفّـاق هملـول المـزون المباديـر ياما حلى صـوت أم سالـم بالأقفـار *******والجو هـادي مابروضـه معاصيـر مستانسيـن بصوتهـا وسـط نـوّار *******نسمع غناها طلعت الشمس واعصيـر والديك مانوحيـه يلعـي ورا الـدار *******وباليل مانسمـع رجيـف المواطيـر ياغير عوي الذيب أو حنّـة احـوار *******وصوت النجور اللي تجيب المساييـر اليا أنتهـى المربـاع وردوا للأبيـار *********وكلٍ لذوده جر حوضـه علـى البيـر يازين شوف اضعونهم هـاك الأدوار *********وشوف النزول اللي على الماء مقاطير يوم الشباب ويـوم لفتـات الأنظـار *********لبيض الخدود اللي عليهـن دواويـر هل القصيده لشاعر عايد او لا امل يضاح ذالك ألاخ سندباد الشعر //مصلح النشمي مساك الله بالخير كتبت جاني يقول العشـق حالـه براهـا *************نظره وصاب القلب منهـا هبلهـا خلا النصيحه يوم عينـه عماهـا ***************يبي يخف همـوم روحـه دبلهـا الجمره اللي رغت عنهـا وطاهـا *************وامسى يعاني حرها مـا احتملهـا لا تشتكيلـي نظرتـك مبتـداهـا *********خايـف يكـون بمبتداهـا اجلهـا ذكرتني ياخـوي نـوف وشقاهـا *********هيضتني وهالحين فكري وصلهـا عيني قبل مثلك وما جـاك جاهـا *********العـام الاول يـوم ربـي حولهـا قامت صباح العيد علـى عماهـا ********تمشي ورى المجهول رجلي عجلها يسوقها الخالـق ويـدري بداهـا ***********مقسوم اشوف اللي زماني جهلهـا لمحتها تجلـس واخوهـا وراهـا **********تلبس قديم ثيـاب جسمـه خزلهـا وهناك شايب فـي فراشـه قداهـا **********اضنه ابوها وعـارف وش عللها تبكي وبكاها بصمت زود حلاهـا **********ملعون ابوها كيف يرضى زعلهـا وفي ملثم أسـود تغطـي شفاهـا **********وادري ورى الملثم تغطي عسلهـا ماحطت المكيـاج ربـي عطاهـا *********وعيونها الرحمـن منهـا كحلهـا اشبه بشمس الصبـح اول سناهـا ***********مطلـع جبينـه غرتـه مافتلـهـا حتى الصغيّر صاح يطلب رضاها ************(يلتغ) اذا قال الحـروف بعجلهـا مدري شلون ابدى كلامي معاهـا ***********حتى اسلوبي ضاع فـي معتزلهـا عيدك مبارك قلت والحقـت آهـا ***********ليه العيون الحـور زايـد هملهـا حقوقك يابنت البادية مـن خذاهـا ***********تكلمي ياهنووووه يكفـى خجلهـا وصدت وانعاس العين أو هو حياها ***********مدري ثقيل الرمش جفنـه هدلهـا تكلمت ومـن انـت حتـى تباهـا ***********وش دخلك لا تسألن فـي جدلهـا قلت ابن وايل صاحبك في صداها **************انا عنزي يابنـت روحـه بذلهـا وردت خلف ميتي مواريـد ماهـا ************ونعم هل الطولات وايـل نسلهـا معاك الشمريه نوف هذا ضناهـا ************والشايب اللي هناك يطلع رجلهـا تقول ابويـه ظالـم فـي قضاهـا *************وانـا يتيمـة ام ويـن احتملـهـا . . . . . . . . . . . . . . . . . . . . . . . . ****************. . . . . . . . . . . . . . . . . . . . . . . . وادعتهـا والعيـن هليـت ماهـا ************ونفسي ثقيل الياس ضيـع أملهـا هذي عيدية نـوف فـي منتهاهـا ***************ياليتني ما شفـت نـوف وعملهـا وانا فهمت انها لاتخص الشاعر عايد الضافي لاماذا لاتكون في منتدى مختارات شعريه هذاء ولكم تحياتي |
اقتباس:
وملكة الخاطره وسمو الفكر يسعدني تواجدكِ بل يعني لي الشي الكثير انطلاقا من ثقتي بمايكمن خلف حرفك من ابداع فكري واسلوب راقي سا انتظركِ دائما ولكِ كل الشكر والتقدير على ماخطه قلمك بمداد الحب والنقاء00 دمتي متميّزه كل الود والاحترام |
اقتباس:
تواجدك هو الابداع اتشرّف به كثيرا000 شكرا لك اخي على التواجد وعلى المشاركة الرائعه000 وتمنيت ان يكون بالاضافة لهذه القصيدة الرائعه " مقتطفات مختاره من قصائد هذا الشاعر الرائع" لنستمتع ولتكتمل الرحلة مع شاعرِ يستحق الاهتمام00 فرحلة مع شاعر تعني: " قصيدة ومقتطفاتٍ مختاره من قصائده" مع مداخلات قصيره من الكاتب او غيره فهناك شعراء نحفظ لهم وغيرنا يحفظ لهم كذلك فمن خلال هذه الرحله نساهم بجمع قصائدهم في هذا المتصفح ومن مصادر ها المختلفه00 آمل تواجدك معنا واذا بالامكان منحنا مقتطفاتٍ من قصائد " بو ثامر" مع مداخلاتك الرائعه عليها0000 دمت لنا كل الحب والاحترام |
حياك الله اخوي فاضي عبدالعزيز
ومساك الله بالسرور الذي انا كتبت مجرد اقتباس من الاخ صالح الضويحي حيث وضع قصيدة عايد ضافي ا وحبيت اشارك واقتبست ،،، ولو لاحظت وجودها اعلى قبلي وضعها ابو شايح ملاجظه : الله لايهينك يابو شايح هل سيكون لكل شاعر موضوع مستقل مثلا الان نحن نذكر الشاعر عايد ضافي ،، ثم الشاعر عايض الحامد ماادري وش الطريقه ،، هل سيكون عشوائيا ودمج القصائد بنفس الموضوع ام ماذا ياليت توضح الله لايهينك حتى نستمر صح |
| الساعة الآن (01:19 PM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه