رد: {{ الوايليات }}
اقتباس:
المشاركة الأصلية كتبت بواسطة خليف فراج الشمري http://www.weelan.com/vb/mecano/buttons/viewpost.gif صح لسانك صح لسانك صح لسانك حمد نص شامخ بيض الله وجهك على هالجزالة الغير مستغربة منك ومليار نعم بك وبلابتك والروسان يستاهل مثل هالنص الراقي ان شاءالله نتباشر بتتويجه بالنخبة يوم الخميس " تقبل مروري " خليف فراج الشمري صح بدنك صح بدنك صح بدنك وبيض الله وجهك ترليون على إطراءك ولاعليكم زود أخو عزيز ومن قبيله عزيزه على قلوبنا جميعا ً شمر جيراننا ، شمر أنسابنا ، شمر أقرابنا شمر يجمعنا بهم الدين و القُربا والعادات والتقاليد والله يديم التواصل والألفه والمحبه والتقدير شكرا ً لمرورك الذي أضاء المتصفح تقبل اجمل التحايا |
رد: {{ الوايليات }}
اقتباس:
المشاركة الأصلية كتبت بواسطة سراب نجد http://www.weelan.com/vb/mecano/buttons/viewpost.gif حمد الضوي صح السانك ملايين بالخط العريض أقف أحتراماً لشعرك وشخصك الكريم حمد ضوي جعفري معه بطاقة تعرفه وايلي الأصل شاعر الأبداع كريم الصفه طيب المبدى شامخ الكيان لك مني أجمل التحايا وشكري وتقديري لشخصك الكريم أخوك/ ســــــــــــــــــــــــــــــــــــــــــراب نجد سراب نجد صح بدنك مليارات وبيض الله وجهك حد الرضى ولا عليك زود مرورك شرف وإطراءك فخر وشهادتك وسام على صدري الحقيقه إنك غمرتني بهذه العبارات الذهبيه وهذا من طيب اصلك ونقاوة قلبك أدامك الله ورفع من قدرك ووفقك بالدنيا والآخره لك مني أجزل التحايا |
رد: {{ الوايليات }}
اقتباس:
المشاركة الأصلية كتبت بواسطة حمد الضوّي http://www.weelan.com/vb/mecano/buttons/viewpost.gif هذه القصيده تشرفت بإلقائها بالحفل الذي أقامه الشيخ / هزاع بن عايش أبالروس العنزي بإم رقيبه لعام 1433هـ عسى أن تحوز على إستحسانكم {{ الوايليات }} يقول من قافه على المطلوب صاغه وعسفـه=مادام الاجوى للشّعر ذعذع لها نفنوفها شاعر ليا حوّل بروض الشعر مالاق قطفه=يتعب على بيوت القصيد وينتقي لحروفها والكلمه الجزله لها يختار والهزل حذفه=حتى على شَفّه تجي والناس حسب شفوفهـا في حفل شيخ ٍ منزله عالي وقدْره وشرفـه=شيخ ٍ تقدّم للمهمه ماحسب مصروفها بالموقف اللي عن بني وايل تحيّزم ووقفه=عزوة بني وايل معه تعلن وراه وقوفها هزاع بن عايش رفيع الذات محمود الصفـه=يِقْبِل ليا الناس ادبرت و اعطت عراض كتوفها من روس قوم من السطر فيهم عجَاله وزهَفه=يخشى فعايلها الخصيم ليا شهرت بسيوفها قوم ٍ تحدّدّ للجمل بالمعركه وتكتـِّفـه=دهامشه ستر الهنوف ليا زْعَجَت غُطروفها عسى الله يعينه على حمْل ٍ على المتن نسفـه=حمل ٍ ثقيل ٍ ما قواه من الرجال ضعوفها لجل الفخر يصرف مبالغ طايلات ومكْلِفه=واهل المكارم تِستحِِق يشاد في معروفها سوّى مضيفٍ من وقف باقصاه ماشاف طرفـه=فيه الرجال اللي نباها ياهلا لضيوفها الله يزيده ماحسب مال ٍ على العليا صرفـه=من جاه قال ضيافة الروسان غير بنوفها وابو فهد مانمدحه والقصد قُرْبى ونهَفه=كل القبايل وقفته تشهد بها وتشوفها شارك بوضح ٍ لونهن مقلول والفوز هدفه=لون البرد من مزنة ٍ قامت تهل قنوفها منقيّة الروسان ضنّ اللي تحدى تِخْلفه=كم ناس من بعد مغزاها فكرتْ بنكوفها تسلب عقول اهل النظر والذوق واهل المعرفـه=الله يكافيها عثوْر أيامها وصدوفها ليامشت تبخترت ممشى الهنوف المترفه=تنظر لمعشوق ٍ غلاه أحدث دمار بجوفها لاشافها راع الولع جا فيْه خفّه ورجفه=ومن الغمايض والقهر يالوف حاله لوفها لياعرضَتْ قدّام لَجْنه شكلوها مِشرِفــه=تقلط على ذود ٍ تحدتها ثقه وتطوفها إن جيت أناظر لـ رقبه وإلاّ لـ راس ولـ شعفـه=وإلاّ لـ طول أرقابها وأسبالها وأُنُوفها وإلاّ لا ذان ٍ مثل روس الشلْف حَدّه مُرهفه=وإلاّ لـ وساع نحورها ونسنوسها وردوفها وإلاّ لـ سنام ٍ منفهق لخلاف مافيه عجفه=وإلاّ نظرْت لـ عضدها والساق وإلاّ خفوفها الوايليات إسمها كل ٍ سمع به وعْرُفه=وضح ٍ تهز القلب لاجت لك تهز دفوفها باوصافها ضاع الفكر والموهبه ماتسعفــه=ندّر عفر ماكل من وصّف يجيد وصوفها سبحان خالقها كذا بابداعه وبتصرفه=لعل عيون ٍ ناظرتها بِحِِسْد تفقد شوفها في مهرجان أهل البل اللي كل من مر وصفـه=بأوصاف طيب ٍ كايفه يطرب لها مشغوفها الموقع اللي كل سكان الجزيره تعَرِفه=اللي تواجد به عطايا الله بكل صنوفها والجايزه بسم الملك عبدالعزيز مشرِّفــه=حامي بلاده في زمن شهب الذياب تحوفها متوشح ٍ بالسيف الاملح وبيمينه مصحفــه=حتى قبايلها توحّد شملها وصفوفها برعاية الشهم الكريم اللي رِحِمْ من خلّفه=مشعل هل الاذواد تدعو له برفع كفوفها أخو المليك اللي تربينا وعشنا بكنفه=بحماه تامن مملكتنا ويتبدّدّ خوفها كم من يتيم ٍ راف باحواله ودمعه كفكفه=وأغنى الفقارا وإنتهى جوع ٍ ضرب سرجوفها هذا وباقي لي خبر لكم أباقوله وأكشفــه=من لاعرف من هو حمد خذها على مكشوفها شاعر وضوّي جعفري واحْمَلْ بطاقة تعرفه=وربعي هل الجدعاء وامثلها وانا مكلوفها منهاجنا واضح على الملّه ولابه لفلفه=ماكنّه إلا وضُوْح شمس ٍ ماغشاها كسوفها وأنهي كلامي واختم بكلمه صريحه مُنصفــه=كل القبايل والنعم واهل الردى ذالوفها """" وسلامتكم """" بسم الله 0000000تبارك الله مشاءالله عليك يادرع عنزه حمد الضوي يعلم الله مدري ايش اقول امام هذا النص الشامخ ماقول الا صح السانك ولا يستغرب منك الجزاله بيضت اوجيهنا بيض الله وجهك ورحم الله والديك لك كل الشكر |
رد: {{ الوايليات }}
اقتباس:
الله عليك يافجر الشعر كم انت مبدع وجزل وتصنع الحرف كيف ما تشاء حمد الضوي الف الف الف مليون نعم بك يارجل بيض الله وجهك معلقه شامخه ك شموخك لقد خجل قلمي امام مانثر حرفك وقلمك الذهبي وظاعت الكلمات ولاكن اكررر شكري ياالبناخي لشخصك والمعذره عن القصور دمت بحفظ الرحمن |
رد: {{ الوايليات }}
الشاعر القدير حمد الضوي
بيض الله وجهك وعزالله انك مثلتنا خير تمثيل وشرفتنا وهذه عادتك يابو خالد دائما جزل ومشرف دخولي هنا لتسجيل اعجابي وشكرك على هذه الوقفه وهذا النص الشامخ. |
رد: {{ الوايليات }}
اقتباس:
صح لسانك على هذه القصيده .. تقبل تحياتي وتقديري دمت كما تحب |
رد: {{ الوايليات }}
الشاعر المميز والمبدع اخي / حمد الضوي ,,,
صح السانك ملياااااااااار فلقد ابدعت وامتعت شعراً لايضاها من راس وايلي فيه من النخوة والطيب الشيء الكثير فمثل هذة المواقف ياتي الشعر الحقيقي والابداع المميز فالله درك ماقصرت كفيت ووفيت وربي ,,,, ومهما قلت لن اوفي هذة القصيدة حقها وابا الروس يستاهل وقف ماقف قليل اللي ياقفه ,,,,, تقديري وودي لك |
| الساعة الآن (04:27 PM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه