جدتي يا من رحلتي للمآال = واذرفت دمعاتنا مثل السيول
ياعساه يثبتك عند السؤؤال = ويشملك ربي بعفوه والقبول
يافقيــدتنا ويــاام الرجــال = يبعثك ربي مع اصحاب الرسول
يالله اني طالبك ياذا الجلال = العفوا عن جدتي يوم الذهول
واجزها يارب جنات الظلال = واجزها خير الجزاء باللي نقول
جدتي والموت حق ولايزال = ذكرك الخالد بقلبي مايزول
البقى لله دوم بــكـل حـال = والعمر محدود والدنيا تزول
والاجل محتوم مافيها جدال = طال فينا العمر والا مايطول
لو بكينا وزاد فينا الانفعال = للاجل وقتاَ محدد بالفصول
الله الخالق وعالم باالاجال = كل شي لحكمته دايم يؤؤل
نعرف ان الموت حق وله مجال = لكن الانسان للدنياء ميوول
يافقيدتنا وحنـا لك عـيـال = وانتي الام الحنونه والبتوول
كلنا نبكيك يا ام الرجال = ونطلب المولى بعفوه والقبول