ياسايقا قلبي على وين باغيه = شفتك تحث السير مانت مترفق
واظن دربك قبل هاليوم ماشيه = يوم ايقظ الذكرى فؤادا تخفق
متغيرا ماهو على خبر راعيه = حزين واتعبه الزمان الملفق
البيت هذا وين راحوا اهاليه = مهجور بابه من هوا الريح صفق
وهذاالرصيف اللي جلس ينتظر فيه = وفات الوعد ماجاه منهو تشفق
حل الظلام وراح يسحب خطاويه = وسيل الشجن بالحزن وسطه تدفق
مات الشجر ولا لقا من يساقيه = حتى عصافيره تهاوى تنفق
وش جابني يمه وانا كنت ناسيه = انشهد انه يوم ماهو موفق
جريمةالايام حلت باراضيه = غنى لها لحن المأسي وصفق
يبكي على عزه ومجده وماضيه= يوم اسرفوا فيه الطغام المطفق